YOHANES 15:2 - Allah Wene Fano Wene Hupla Inane

² Hele enggisok ebe lombok, an noba hundik logolik enggen iti'lek halok, tekhogo lakfisagain o. Meneat he, enggisok ebe lombok enggen ite halok he, ekhe inomat iti logouwageluk wulfuk palogo wusa yogoligin o.

YOHANES 15:2 ပူးပေါင်းရင်းမြစ်များ

AYUB 17:9

Ap higithogo hilingitarek mene inom, nen ap weak hilingitarek lek mene inom, nit At Allah endawimo agaiyek anggikherek higithogo welago iluk, it inebe werek mene faget ekhe inom omamet fakhikhi logouwak.

MAZMUR 92:14

It andi re, e o Tuhan Awi wuri'mo yakfugu mene hangge welagik, nen nit nineisena Allah awi wuri'mo andoma nen hokho agu mene hakhogo hilingik logogin.

AMSAL 4:18

Ap weak hilingiri'lagwi mene andi inanggwe lagukwe mondok mumeak hilingi'mo re, ineisoga'lip silukhogo warogoin wenggelek le'ma pule pagarek. Oba nen he it ap fano hilingitarek mene andi inanggwe lagaikharekwe re mo yegelogo liabi wagunem endep hikhip hokho hikhip kweangma mondogat selegeraterek andi higit werek.

YESAYA 27:9

Oba nen he afuni Israel mene inaweak legabesugun he yi'nogo hilingisugun oba, iren mezbah dewa andoma mondogat wolelenggenhogo wul al hakhogo hilingfigik, Dewi Asyera alik waganek mene inom amben fano mene iluk noletu mene omanogo inom mondogat wolelenggenhogo leget fogoin halok enek he it inaweak elok leget fisagain o.

YESAYA 29:19

Ap inenggi lek mene inom, li'norinafarek mene inom he Israel mene ineisena Mondok Horek mene a'nogo nen inagaiyek hoageluk wogisikherek mene a'nogo hogoin.

DANIEL 11:35

Nen, it fena inogogwi inobabut hebelek mene omanogo re inoasumo wa'lasugun, oba nen andoma re afuni Allah againafuri faget inobabut palharek hak asiginmo re, it inebe eberogo mene a'nogo weinam asigin. A'nogo nek hilingitu were'ma re o wurep kobok i lagain, andi re linggene At Allah nen wenagaisogo fikhe sambul a'nogoba asigin.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

MALEAKHI 3:3

Aren it a'nogo ayo wurogo hilinginabi waga logolik he, aben perak endu oba elokhe pugunhogo hilingitarek hak hilingisigin. Nen, afuni nen logam meneba emas inom perak inom endu oba elokhe pugunhogo hilingitarek hak Tuhan nen yonggo lakfei wesigin mene andi re, it imam omanogo nen Tuhan obaget wam yi mene ti mene warogo noletu mene omanogo At endawimo anggikherek higithogo fikhi logouwageluk pugunet fisagain.

MATIUS 13:12

Sa nen agarek werek mene andi, Allah nen hobuk oba loukhogo wogosumo re, at enggimo hokho asigin o. Nen, sa nen agarek lek halok he, endebat enek logogin mene andi, Allah nen ambotkwe telogo helamo re, elagaik asigin o.

MATIUS 13:33

A'nogo yagaisasikhesik he, wene ekhe oba lirogo mel yagaisasikhe: ”Allah nen awe a'ma fisikherek andi ebe re, enggen sumburu roti mene elonggoma fugunem fiterek andi hangge aro. He ekhe nen gandum sagalek tepung wul hangge mene 40 liter yalelogo waluk, enggen roti fisuageluk elonggoma pelak fuluk misi'mo mulelogo hilingitikhemo re, ebe mondogat fitikhe andi hangge aro,” iluk yagaisasikhe.

MATIUS 15:13

A'nogo yagatukwama at Yesus nen he, ”Yi mene ti mene an neisena pogoroba mene nen awi yati'lek mene halok he, mondogat henegeisogo lakfisagain aro.

MATIUS 21:19

Sumburu nele agaikhemo re, e ara ero ekhe kwe esanggoma were'ma eilenggen yethaluk eroma lagaikhesik kwelakhasikhe mene re, enggen ekhe iti'lek, we, engga muli nek weregen he, mel yagatikhe: ”Hat e yi, huli yogondagen pikhit hobuk henggen mondok iti'lek logoino,” iluk homan fugu kwelek aremnogoat he, e ara a'nogo mondok pugagaikhe.

MATIUS 3:10

E ero lombok enggen fano mene iti'lek halok, mugusogo endumo lakfisageluk posie e omanggen oba lego werego,” iluk yagaisasikhe.

MATIUS 3:12

Gandum enggen folugun mene faget garpu hangge meneba fologo lakfagain mene at eisewerek mene enggimo werek andi. Tegeligin oba higit asi waga halok, fano mene halok, tegelogo fikherek oba fanoma figik, afulfulengge mene halok endu nagulagarek le'ma a'nogoba lakfisigik, igin o,” iluk yagaisasikhe.

MATIUS 7:19

Yi e ti e enggen fano iterek lek mene andi re, ero mugusogo endumo mondok lakfisagarego.

MARKUS 4:20

Nen, awi feik ekhe kweang muli fanoma lakfesikhe andi ebe re, it afuni ekhe Allah ane andi inesanggo holiluk wanharesik he, wene andi inendawimo enggen iterego. Ero ekhe nen enggen 30 itik, ero ekhe nen enggen 60 itik, ero ekhe nen enggen 100 itik, iterek andi aro,” iluk yagaisasikhe.

LUKAS 8:13

Nen, helep oba pisikhe mene andi ebe re, it afuni ekhe Allah ane andi inesanggo holharesik he, inendawimo agaiyek hikhi logolik wanharesigat he, inendawinggenma omanggen yati'legen eberogoat iluk endebat enek anggaluk were'ma, weak hilingisuageluk inendawimo kagali wagunem he, arat kobokhogo herakfisaluk wulifarek andi aro.

YOHANES 15:1

At Yesus nen wene a'nogo yagaisasikhesik, hobuk ekhe mel yagaisasikhe: ”Hele anggur ero ebe mene re, an nebe aro. Nen ebe eisewerek he, an neisena aro.

YOHANES 15:16

Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.

YOHANES 15:3

Nen, hit he, an nen wene yagahisigirek andi nen he hinawulfuk hangge palogo wusa yogologo hinobagagimo welagebo.

YOHANES 15:6

Nen, hele enggisok palogo lakfisagarek mene puk agunem he, afuni nen andogorogo fuluk endumo lakfisugunem endu ninggerek andi hak, at sa nen an nemberek hundik lek, kobolek logolik, a'nogoat palogo lakfoumo ebe endu nagain o.

YOHANES 15:8

Hit hinenggen hokhorogo isu hak fano mene hokhorogo hilingisugun halok, afuni nen an neisena fogerasugun o. Hit hinebe nagoromi ebe mene nane wanhi lagep mene logolik, a'nogoat hilingiti logogun o,” iluk yagaisasikhe.

YOHANES 17:12

An it ninom yoma logolik he, it inebe longgoinogo iluk, hat henu mene an salnafigin a'nogoba, ferinarek were'ma, it ekhe longgo igi'lego. We, at andi longgo igin, iluk, hat hane isigin mene lisu palogo fesukwa mene a'nogo ebe asuageluk, longgo u hagat longgo ikhe.

ROMA 11:17

E zaitun ero fano mene were'ma re, enggi ekhe palogo lakfisaluk he, obali'mo e zaitun enggama mene enggi palogo hunesi wesumo re, e ero hundik logolik amusu werek logou hak, hit andi re, hinebe enda'ma mene Allah nen it Yahudi mene omanogo hinom hunogo hinobagasikhemo fano welagebo.

ROMA 11:22

Allah obabut he, fano inom, weak inom, welagarek andi hani! It alomat lagaukwa mene faget he, obabut weak andi. Nen, hit at obabut fano mene hinom hundik logogun halok he, obabut fano andi. Mene re, a'nogo hundik logogun lek halok he, hit a'nogoat palogo lakhinobagagin o.

ROMA 8:28

At Allah endawimo anggaluk nit ninayonggo fesikhesik, nit at ebe ninendawi welago mene halok, at ninom logolik, yi mene ti mene fano asuageluk, hilingnisili'logo ninelu o.

1 KORINTUS 13:1

An nen afuni inunggulenu lombok ekhe inaneba igik, malaikat Allah nen yonggo pelakfisa wagarek mene omanogo inaneba igik, ikhi logolik meneat he, afuni inebe nendawirogo logogin lek halok he, an we, iwak hokho mene endep mene i elonggoma hinago le'ma ane pak igik, tololang igik, ikherek hak ikhi logogun o.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

IBRANI 12:15

Afuni hit mene ekhe Allah obabut fano nen wo'nisikherek mene andi herakfisaluk wulifunem he, awingge awi ale weak mene fulelek were'ma, fano mene oba a'luk alet fikherek andi hak, at andi nen afuni mondogat weagerinabinogo iluk hineilenggen fanorogo logoino o.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.