YOHANES 15:16 - Allah Wene Fano Wene Hupla Inane

¹⁶ Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.

YOHANES 15:16 ပူးပေါင်းရင်းမြစ်များ

KEJADIAN 18:18

Aren tagongge mene inunggulenu hokhorogo asimbik, inomame hokhorogo logogun lek nogo? Nen, at alisikhogo re, afuni kweangma mene mondogat inunggulenu lombok an nen fanorinabigin lek nogo?

MAZMUR 145:4

It afuni hobuk ta'larik laga logogun mene andoma nen he, Haren ekhe mene ekhe mene hilingitigin mene andoma faget fogothafik, Haren elalin hilingisu lek mene hilingitigin mene andoma faget fakhogo yagaisigik, ikhi logogun.

MAZMUR 71:18

Neisena Allah, Hat homame hilingik welagen mene faget inom, Hat hanggiluk welagen aple faget inom, an nen it hobuk ta'lasugun mene inoba fakhogo yagaisikhi logogin enggere, an nebe yaman asimbik, nesi helel wilife halok ogo, neisena Haren oboget nealuk la fugo.

AMSAL 11:30

Ap fano hilingitarek mene re ineluk fanorogo halogo fakhaluk logogun, ap hebelek mene ombo'ne re ekhe inomat hokho aga logogun.

YESAYA 27:6

Lingge hobuk wesigin meneba re it inunggulenu Israel mene andi re, e omanggen pelagaisogo fano wiliferesik enggen hokhorogo igisogo sagaikherek andi hak o kweangma yoma mondogat saga ugun o.

MIKHA 5:7

Afuni Israel mene fena ineluk werek mene andoma, afuni inunggulenu lombok inanggelekwe andoma werek mene re enggama mene singa nen paik watik, nen oloba nen he wam domba senggelhik ikherek hak hilingiti logogun. Mene singa nen he wam domba omanogo eisogen tandamerisaluk he, aigen libik-labakhogo ninggik, ugunem afuni nen ambemangge telu elo'lek andi hak hilingik logogin.

MATIUS 21:22

Nen, hit yi mene ti mene Allah kino yagati logolik hinendawinggen at oba eberogoat himbiret fegep halok he, wokhisagain aro,” iluk yagaisasikhe.

MATIUS 7:7

A'nogo yagaisasikhesik ekhe mel yagaisasikhe: ”It afuni inebe lombogen Allah kino yagatunem he, aren inebe lombok wogisikherek enek andi. Nen, it ekhe inebe lombogen yi mene ti mene at oba heratunem he, inebe lombok herakhagarek enek andi. Nen, it ekhe inebe lombogen kwe ane papaget hugunem he, aren inebe lombok kwe hurisikherek enek andi. Andi nen he, hit he, Allah kino yagati logoino. Yagati logoumo, wokhisagain aro. Fano mene at oba herati logoino. Herati logoumo herasugun aro. Nen, kwe ane papaget hikhi logoino. Papaget hikhi logoumo re, aren kwe huthisagain aro.

LUKAS 6:13

O wei isikhemo re, at agoromi ane wanhi lagaukwa mene omanogo wolisasikhemo wagaukwama re, it mene inebe 12 nen wenagaisogo fisasikhesik he, ”Hinebe lakhinobagagin,” iluk menfisasikhe.

YOHANES 13:18

An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa: Ap ekhe sumburu nemberek misi'mo ninggi lago mene yi nenat weaget nabigeluk menlaga o, iluk isukwama lisu palek werek andi legasigin lek. Eberogoat hilinglasigin.

YOHANES 15:19

Hit hinebe afuni kweangma mene logoilepma re, it afuni kweangma mene nen he, it he, nit ninagoromi, iluk inendawinggen hundik hilinghinabilep meneat he, hit hinebe it afuni kweangma mene were'ma wenakhinafigisik wokhinafisigi'mo re, hinebe it mene welagep fuk. Andi nen he, inabit mondok hilinghinabi'lagwi o.

YOHANES 15:5

Hele ebe an aro. Nen, nenggisok hit aro. Hit an ninom hundik lek, we kobolek logolik, yi mene ti mene ekhe hilingisu mondok elo'lek andi nen he, at sa nen an nemberek hundik, nen, an at nemberek hundik, logogun halok he, at andi enggen hokhorogo isu hak, fano mene hokhorogo hilingisigin o.

YOHANES 6:70

Aren he, mel yagaisasikhe: ”An nen hit hinebe 12 nen yi wenakhinafigi lek nogo? An nenat wenakhinafigi o. Meneat he, hat misigat ekhe Iblis meneat welagen o,” iluk yagaisasikhe.

KISAH PARA RASUL 1:24

Inenu isukwasik, Allah ayonggo fikhi logolik he, ”Nineisena. Yudas hat hane yagaisilik nikhi logouwageluk ayonggo fesigin meneat he, aren herakfisaluk wa'lasigin higithogoat wa'lagama, obali'mo ap inebe pire yi, haren ap ki hak ayonggo fegen. Hat afuni inebe mondogat inendawinggen helu andi. Halok, ap ebe yi ayonggo figi, iluk, haren yaganisan o,” iluk yagatukwa.

KISAH PARA RASUL 1:8

A'nogo meneat he, Allah Areagun hinoba pi waga halok, hinomame asigin. Hinomame asimbik he, o kota Yerusalem en, propinsi Yudea nen, Samaria nen, huli o yi awi ti awi esanggo-esanggo andomaat laga logolik, an yi mene ti mene hilingirik nugunem hineilenggen neegep mene a'nogo, an faget yagaisilik laga logoino o,” iluk yagaisasikhe.

KISAH PARA RASUL 10:41

A'nogo weinamet fesikhe meneat he, afuni mondogat ineilenggen higi'lek. We, attagat at Allah nen, it inebe andemat ineilenggen hoago, iluk wena'ninafikhe mene nek, at Yesus ebe warek were'ma Allah nen eluget fesikhemo, nit at ninom logolik sumburu inom, i inom, ninomat nasugu.

KISAH PARA RASUL 22:14

Hugunem, aren he, At Allah ninombalagen fogerati lagaukwa mene a'nogo nen he, at endawimo anggikherek mene helu agik, at amlogo obabut higit mene Yesus andi heilenggen higik, at ane ambeba nen ugunem hesanggo holhik, inogeluk, hebe wenakhafesik hayonggo fikhe andi.

KISAH PARA RASUL 9:15

A'nogo yagatikhe meneat he, at Tuhan nen he, ”Lan o. Aren he, afuni endakwe mene inom, inogogwi kaindek mene inom, afuni Israel mene inom, an nenu yagaisilik nikhi logouwageluk, an nen ap andi ebe heragaisogo ayonggo figimo o.

ROMA 1:13

Nerugwi nagaila'lak. An nen, afuni endakwe mene fena o yi awi ti awi a'lima wene yagaisilik lagagimo wanhukwa hak, hit a'nogoat wanubagaigeluk nenggi hokhorogoat hinoba wesigeluk anggikhi lagi meneat he, nanggwe palegen kamo ikhi lagi andi hinelu asubagaigen iluk yagahisigi o.

ROMA 1:5

At wa'lagaikhemo nen Allah Areagun en eluget fesikhe andiba, an nen yi afuni ti afuni inunggulenu lombok inendawinggen at Yesus oba himbiret fuluk ane hologo hilingiti logogun mene yagaisugunem, at enu hokho asuageluk Allah obabut fano nen nayonggo fesikhesik laknobagai wagaikhe o.

ROMA 15:4

Allah ane lisu palek andiba re, ninafe morogo welagik, ninendawimo fano agik, ogorek andi nen he: ”Fano asigin,” iluk Allah oba eberek logouwageluk, nirat komorogo Allah aneba fageat lisu palogo fesukwa andi.

ROMA 9:21

Kweang temul andi misigat meneat he, at hilingite mene andi eiseweregatma re, ekhe fano pugunhogo hilingisogo figik, ekhe we yugunat faget hilingisogo figik, igin lek nogo? Igin aro.

1 KORINTUS 10:11

It a'nogo hilinginafikhemo inoba hilinglagaikhe andi mondogat he, it afuni ekhe futfikhi logouwagelugat hilinglagaikhe. A'nogo hilinginafikhe iluk lisu palogo fesukwa andi, nit yogondak o wurep oba asi wago mene yi, komorikhi logouwagelugat lisu palogo fesukwa.

GALATIA 1:15

A'nogo meneat he, Allah obabut fano a'nogo nen attagat nagaisa alabutmo nen oan ta'nafi'lek werek kwelegat he, nebe wena'nafikhe.

EFESUS 2:10

Arenat fano hilingisogo ninobagasikhemo welago. Andi re, nit Kristus ninom hundik logolik, yi mene ti mene fano men nek hilingiti logouwageluk, ninobabut ket hunogoat elalninafikhe andi re, ebe Kristus Yesus nenat elalninafikhemo welago.

KOLOSE 1:23

Halok he, fano wene hinesanggo holhigipsik he, hinendawimo nen: ”Hobuk fano asigin,” iluk, anggasigip mene andi, hinendawinggen abolok iluk kobokhogo herakfisigi'lek ninghogoat fisogo logoino. Fano wene andi, aren o yi awi ti awi afuni inebe mondogat yagaisasikhe wene andi yagaisilik nikhi logouwageluk, an Paulus nayonggo fesikhe andi.

1 TIMOTIUS 2:7

A'nogo anggikherek andi nen, aren he, ”Haren ebe wene andi afuni endakwe mene nen eberogoat iluk inendawimo anggaluk wanuageluk, yagaisilik nikhi logoino,” iluk, an nayonggo fuluk laknobagai wagaikhemo, yagaisilik nigirek andi. A'nogo igi andi eberogoat igi. Nera nen igi lego.

2 TIMOTIUS 1:11

A'nogo isikhesik, an fano wene andiat yagaisigik, komorinafik, ilik nikhi logouwageluk nayonggo fesikhesik laknobagai wagaikhemo nikhi lagi andi.

2 TIMOTIUS 2:2

An nen wene afuni hokhorogoat ineilhanem yagahetigimo wanhigin mene a'nogo, haren it afuni ekhe inobabut humbunsek mene nen it ekhe yagaisikhi logouwageluk, inoba feino.

TITUS 1:5

An nen hat o Kreta andoma hobagaluk wesigeluk ikhi logolik, wene yi'nogo hilingiti logoino, iluk hoba fesigi andi: ”Yi wene ti wene oan hilingiti'lek mene, halogo figik, o yi awi ti awi andoma afuni Allah againafuri ekhe kwelaginarek logouwageluk inogogwi lombok menfisigik, ikhi logoino,” iluk, yagahe'luk wagagi andi.

IBRANI 11:4

At ap enu Kain en, we mene Allah wogetikhe meneat he, at Habel andi nek he, endawinggen Allah oba himbiret fuluk fano mene Allah wogetikhemo, aren he, ”Habel enek he, obabut higit fano higi,” iluk isikhe. A'nogo isikhesi'mo nen, at Habel ebe wa'lagaikhe meneat he, endawinggen Allah oba himbirik logolik hilingitikhe andi, aren, ”An yi'nogo hilingiti,” iluk yaganisili'logo hangge mondok werego.

YAKOBUS 3:18

E fano mene awi yatunem enggen fano iterek andi hak, afuni inobabut lioksek logolik, it ekhe inom liokhogo logouwageluk lambulinafunem inobabut higithogo fano hilingitarek andi.

1 PETRUS 3:15

Hiren he, Kristus agaugwerati logolik, ”Ninoe Enupogot aro,” iluk hinendawinggen oba nen fogerati logoino. Fogeratunem, it ekhe nen heinok hinoba wokhisikhi logolik he, ”Fano asigin, iluk oba eberek welagep andi nenahalok,” iluk yagahisugunem he, onggo wene furogo yagaisogoin mene hinendawimo eberek mondok logolik,

1 YOHANES 4:10

It ekhe inendawirinafarek andi ebe re, niren Allah ninendawiratugu fuk, lego. We, at Allah nen nit endawitninafikhesik, aren nit weak hilingitorek mene sebelogo legetfisaluk ho'ninabuageluk, amlogo ninoba pelakfei wagaikhe andi.

1 YOHANES 4:19

Attak Allah nen tak endawitninafikhe andi nen he, nit ogo re, nit-nit nendawi-hendawirogo logouwogo.