YOHANES 15:11 - Allah Wene Fano Wene Hupla Inane

¹¹ Nen, an nendawimo nagaiyek anggigirek hak, hit hinendawimo hinagaiyek hikhi logolik, hobuk hinendawimo hinagaiyek hokhorogo ikhi logobagaigen iluk, wene andi mondogat yagahisigi o.

YOHANES 15:11 ပူးပေါင်းရင်းမြစ်များ

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

YESAYA 62:4

Hat henu re, ”Linhaluk” ikhi logogun lek, nen hanggweang he, ”Ap le'ma,” ikhi logogun legaro. Hat faget he, ”Allah nen endawiraterek mene,” ikhi logogun, Hanggweang faget enu re, ”Agun helikhe,” ikhi logogun. Andi re Tuhan hat faget endawimo agaiyek asumo re, At he hat hanggweangma andoma hagun higit hilingik logogin.

YEREMIA 32:41

An nen it inoba fanorogo hilingfisugu mene faget nagaiyek welagi hilingi'mo re, it o kweang yiba mondok-mondok logouwageluk An nendawinggen eberogo meneba inom, Nobabut higit oba inom, Nagaiyek welagi meneba inom o yi fanorogo hilingisogo fisagain.

YEREMIA 33:9

Yerusalem he An nen nagaiyek oba figik, enu werek welagik, agaugweratik, fogeratik ugu mene asigin. Yi afuni ti afuni inunggulenu lombok o kweangma welagaikharek mene nen he, An nen mondok fanorogo afuni Yerusalem mene inoba halfisikhi logogin mene andoma faget inom, nen o kota andiba yi mene ti mene sik-pikhogo logouwageluk hilingfisikhi logogin mene faget inom, inesanggo holhaluk he it inailo nen inoak leigetik, An nebe legeisogo nobagagik, ikhi logogun.

ZEFANYA 3:17

Hit he, hineisena Tuhan Allah Omame Mondok Hokho mene a'nogo nen awe a'ma hinobagaluk fethinarek werek. Hit he At omameba hinomame aga lagep. Hit hinobaget he Tuhan endawimo agaiyege'luk hai hili'lago, At endawi hundik oba re, hit hineluk ket mene logouwageluk hiling-hinobagali'logo.

LUKAS 15:23

A'nogo hilingisimbik he, wam sapi eak eilagambi fano mene a'nogo waganogo, at faget ninendawimo ninagaiyegeti logolik obaget warogo isasuogo.

LUKAS 15:32

Meneat he, hat hagot yi re, wa'laga anggogo mene re, eluk agasik waga o. Longgo ikhe mene herato o, andi nen he, ninendawimo ninagaiyek hikhi logolik hilingisu meneat hilingiti lago, iluk yagatikhe,” iluk Yesus nen yagaisasikhe.

LUKAS 15:5

A'nogo arat herakhaluk endawimo agaiyek a'luk ot oba sanggenogo waluk he,

LUKAS 15:9

A'nogo arat hera'luk he, hemi inom, at aksumi inom, inawi sili misi'mo welagaikharek mene inom, wolisugunem andogosi wagunem he, na uang sen mene longgo ikhe mene arat herakhigi andi nen he, nit mondogat ninendawimo ninagaiyegesuogo, iluk yagaisikherek lek a'nogo?

YOHANES 16:24

O attagaren huli yogondak huli, an nenu hombuk palogo yi mene ti mene ekhe kino igi'lek welagepma o. Halok he, hinendawimo hinagaiyek hokhorogo asubagaigen he, at kino yagati logoino. A'nogo yagati logoumo, wokhisikhi logogin aro,” iluk yagaisasikhe.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

YOHANES 17:13

An nebe hat hoba wesigin meneat he, yogondak kweangma ya logolik, an nendawimo nagaiyek higirek andi hak, it inendawimo inagaiyek mondok anggoageluk, wene mondogat andi yagaheti o.

YOHANES 3:29

Nen, ap ekhe agwe ikhikhe halok he, he andi ebe agun ap andi aro. Nen ap agwe ikhagain mene werek andi agailak ekhe era'lu mendek logolik, at ane ugunem esanggo hologo logolik endawimo nen agaiyek hikherek hak, an yogondak a'nogo nendawimo nagaiyek hokhorogo hikhi lagi o.

ROMA 15:13

”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.

2 KORINTUS 1:24

Hit hinendawinggen Allah oba himbiret fesigip mene andi, eberogoat iluk hinendawinggen hambukhogo welagep andi nen he, niren, ”Hinendawinggen yi meneba himbiret fouwak,” iluk ninane ninghogo yagahisogoin lego. We, hit hinendawimo agaiyek anggobagaigen iluk lebethisikhi lago andi.

EFESUS 5:18

Anggur enggen amusu hokhorogo nunggunem andi mene nen hinebe lugulugwi palhi logolik weagethinabinogo nen he, ninggi logogubo. Oba nen, we Allah Areagun andiat hinendawimo peterogo wanino.

FILIPI 1:25

An wene andi faget futfuluk, logogin, iluk neluo. Hit hinendawinggen Allah oba himbirik logolik, wurik agik, hinendawimo hinagaiyek anggigik, ikhi logobagaigen he, hit hinebe mondogat ninom logogun aro.

1 TESALONIKA 5:16

Hinendawimo hinagaiyek agu mondok logoino o.

1 PETRUS 1:8

Hiren attagat, at ebe hineilenggen higi'lek meneat he, ebe hinendawi welagep andi. A'nogo logolik, yogondak ya hineilenggen higi'lek meneat he, hinendawimo nen, ”Hobuk fano mondok hilingninabigin,” iluk hinaneba ninggi'nogo pilingisogo u heat logolik, hinendawimo hinagaiyek hokhorogo hikhi lagep andi.

1 YOHANES 1:4

Nen, wene yi faget ninendawimo ninagaiyek anggikhi lago mene andi, hobuk ninendawimo hokhorogo eberogoat ninagaiyek hakhouwogeluk lisu palogo hinoba lakfei wago andi.

2 YOHANES 1:12

Wene hokhorogoat hinoba lakfei wesu mene werek meneat he, suesingga lisu amusuba palu re, nabiro. We, ninendawimo ninagaiyek hikhi lago mene andi ebenagaik ninagaiyek houwogeluk he, ninom misi'mo weneane ninelhaba yet-yet uogeluk, an nebe hinoba wesigin anggikhi lagi o.