YOHANES 15:1 - Allah Wene Fano Wene Hupla Inane

¹ At Yesus nen wene a'nogo yagaisasikhesik, hobuk ekhe mel yagaisasikhe: ”Hele anggur ero ebe mene re, an nebe aro. Nen ebe eisewerek he, an neisena aro.

YOHANES 15:1 ပူးပေါင်းရင်းမြစ်များ

KIDUNG AGUNG 7:12

Nit he hubethogo yabumo lambik, e anggur omanogo mondogat owil mumungsek a, athe owil mondogat fegelhe hea, nen e delima ogore owil mondogat ite hea, iluk halouwogen eme o; Andoma nen he an nen nendawi hundik hilinghafunem neagain aro.

YESAYA 4:2

Linggene ekhe asi wesigin oba re Tuhan nen o kweang yiba yi mene ti mene yago mene fanot foumo re elokhe fano asigin. Linggene andi sambul he afuni Israel mene inagap telasigin mene re inagaiyek higik, inangge enggen ugu palugun mene faget wonoget fakhigik, ugun.

YESAYA 60:21

Afuni andoma logogun mene re eberogo mene nek hilingiti logogun, iren he o kweang andi mondok-mondok faget eise a'luk logogun. Ithe e awi kigilogo An nonggwarek nalong welagi mene a'nogo weinamet fagain iluk yakfesigi mene hangge hilingik logogun.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

YEREMIA 12:10

Ap pok mene yi aple ti aple hilingitu inelu mene nen An neabukwe unggul warisigik, nen An neabu anggur yabu waganek kwe re it ineisogen pusel-pasel isigik ili'lagwi. Nawi elokhe mondok fano mene omanogo re iren hebekhogo o leimo inareng tereng se'ma higit hilingisogo fili'lagwi.

YEREMIA 2:21

Hat hebe re An nen anggur awi yatarek higit, enggen ebe mene fologo fakhigirik yakhigi mene welagen. Oba nen he yogondak hat he enggen awi amu tang mene wuliferek andi hangge agameten andi.

YEHEZKIEL 19:10

Hagaisa re, anggur ero fano mene yabu i endep mene esanggoma heiselogo wulibik andi hangge hilingik. I andoma elesi hokhorogo hilingi'mo re, e ebe mulit hikhi logolik enggi talogo enggen iterek.

HOSEA 10:1

Israel he e anggur enggen mondok hokhorogo iterek andi higit werek. Angge yi mene ti mene enggi werek aga logolik, aren angge mezbah hokhorogoat wute. Yi mene ti mene sik-pik ikhi logolik he tugwi kembu aren fogeraterek kwe omanogo pugunhogo wurik lagaat.

ZAKHARIA 3:8

Imam Agung Yosua ao, hesanggo holin o. Nen hit at agaila'lak imam welagep mene andoma ogo, hit he o hobuk andoma fanorogo logogun mene faget enegengge re hit welagep. Hobuk andem oba re An namingmingengge enu, ”Asimit,” andi lakfei wesigin.

MATIUS 15:13

A'nogo yagatukwama at Yesus nen he, ”Yi mene ti mene an neisena pogoroba mene nen awi yati'lek mene halok he, mondogat henegeisogo lakfisagain aro.

MATIUS 20:1

At Yesus nen hobuk mel yagaisasikhe: ”Allah nen awe a'ma fisikhere'ma andoma emberek higit he, mel hangge. Ap kweang eisewerek mene ekhe eabu anggur yabumo hilingisuageluk ap heraginabik huberat yonggo wulifikhe.

MATIUS 21:33

At Yesus nen wene a'nogo oba lirogo arat yagaisasikhesik he, ”Hobuk wene ekhe yi oba lirogo yagahisak. Ap ekhe anggweang eisewerek mene nen eabumo anggur awi yakfesikhesik he, leget wanhik, enggen perelogo amusu keralhi logogun oba kweang habulhik, ineilenggen logogun oba sasangge talhik, isikhesik he, ap ekhe kwalogo logouwageluk fisaluk he, o ekhema andoma lagaikhe.

MARKUS 12:1

At Yesus nen wene a'nogo yagaisasikhesik he, hobuk wene ekhe oba lirogo yi'nogo yagaisasikhe: ”Ap ekhe eabumo anggur awi yatikhe. Yatikhesik he leget wanhik, enggen sagalogo amusu keralhi logogun oba kweang habulhik, ineilenggen logogun oba sasangge talhik, isikhe. Isikhesik he ap ekhe kwalogo logouwageluk fisaluk he, ebe o yatma andoma lagaikhe.

LUKAS 13:6

A'nogo yagaisasikhesik he, wene ekhe oba lirogo yagaisikhi logolik, mel yagaisasikhe: ”Ap ekhe eabumo e ara awi yago welagaikhe. Were'ma re, Enggen ite a? Lega, iluk eilenggen kogoli lagaikhe mene re, ebe iti'le'ma ha lagaikhhe.

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

YOHANES 1:9

At selek mene andi, kweangma yoma waga logolik, nit afuni mondogat ninebe lombok ninendawimo seleget ninabi wagaikhe.

YOHANES 15:2

Hele enggisok ebe lombok, an noba hundik logolik enggen iti'lek halok, tekhogo lakfisagain o. Meneat he, enggisok ebe lombok enggen ite halok he, ekhe inomat iti logouwageluk wulfuk palogo wusa yogoligin o.

YOHANES 6:32

A'nogo yagatukwama, aren he, mel yagaisasikhe: ”An nen wene ekhe yagahisak. Sumburu pogoroba nen pelak hisa waga lagaikhe andi re, at Musa nen fuk. Lego. Athe, sumburu ebe mene andi re, an Neisena nen afuni kweangma mene inelugerinabuageluk an nebe pogoroba nen pi wagagi andiaro,” iluk yagaisasikhe.

YOHANES 6:55

An nebe inom namep inom, andi re, hinamburu hinagai ebe mene aro.

ROMA 11:17

E zaitun ero fano mene were'ma re, enggi ekhe palogo lakfisaluk he, obali'mo e zaitun enggama mene enggi palogo hunesi wesumo re, e ero hundik logolik amusu werek logou hak, hit andi re, hinebe enda'ma mene Allah nen it Yahudi mene omanogo hinom hunogo hinobagasikhemo fano welagebo.

1 KORINTUS 3:9

Hit hinebe andi Allah eabu hak were'ma re, nit nemberegen Allah wokfisikhi lago. Ekhe re, hinebe Allah awi hak were'ma re, nemberegen Allah awi wurogo fisikhi lagoat.

1 YOHANES 2:8

A'nogo meneat he, o mum were'ma selek arik lagarek andi hak, selek ebe mene ya'nisa wagaikhemo yari'logo andi nen he, wene ket wene komorogo hinoba lakfei wagi andi. At Yesus nen wene andi higithogo hilingitunem ebe agaikhe andi hak, hiren ogo re, a'nogoat, wene andi higithogo hilingitunem ebe ari'logo andi.