YOHANES 14:6 - Allah Wene Fano Wene Hupla Inane

⁶ at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

YOHANES 14:6 ပူးပေါင်းရင်းမြစ်များ

MATIUS 11:27

A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Nen, an Allah amlogo yi afuni mondogat inonggot meneat he, neisena Allah amuat enek elu welagarek. Andi hak he, an neisena Allah andi, afuni mondogat inonggot meneat he, amlogo an namuat enek nelu welagirego. Nen, Allah amlogo anenat nendawimo anggaluk neisena ebe afuni ekhe inelu asuageluk fakhogo yagaisugunemat inelu agaikharego.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

YOHANES 1:4

Nineluget ninaferek mene ero arat welagarek andi nen he, nit afuni seleget ninabi wagaikhe.

YOHANES 10:28

Nombo'ne nugu kwelek, it ineluk mondok logouwageluk inelugerinafi logogin andi nen he, it inebe wa'lasimbik nong asugun lego. It an nenggiba werek kwelek, it ap ekhe nen telogo woginabumo elo'lego.

YOHANES 10:7

A'nogo futfigi'lek werek kwelek, hobuk at Yesus nen he, mel yagaisasikhe: ”Wene eberogoat ekhe yagahisak. Wene domba andi inanggwe re, an nebe aro.

YOHANES 10:9

Kwe re, An nebe aro. Ap sa nen, An nebeba kwikhe halok, ebe tegelek fano mondok logolik, wulifik kwigik ikhi logolik he, engga fano mene nek ninggi logogin o.

YOHANES 14:19

Ninenggi endebat logombik he, afuni kweangma mene ineilenggen neogoin mondok lek meneat he, hit enek he, an nelugat logogin. Nen hit hobuk hinelugat logogun andi nen he, hineilenggen neogoin o.

YOHANES 15:1

At Yesus nen wene a'nogo yagaisasikhesik, hobuk ekhe mel yagaisasikhe: ”Hele anggur ero ebe mene re, an nebe aro. Nen ebe eisewerek he, an neisena aro.

YOHANES 18:37

at Pilatus nen he, ”Halok he, hat eberogoat kain Henupogot he a,” iluk ikhi lagaikhemo, at Yesus nen he, mel yagatikhe: ”An nebe kain Nenupogot hat egen andi aro. Andi fagerat an nen ebe wene abok fakhogo yagaisikhi logoigeluk nebe kweangma yoma pi wagagisik ta'lagagi o. Afuni wene ebe wene andi werekwe asi lagaikha mene nek inebe lombok an nane inesanggo holi'lagwi o,” iluk yagati lagaikhemo,

YOHANES 5:21

Nen, an neisena nen afuni warek mene inelugerinaferek andi hak, amlogo an nen afuni warek mene a'nogoat inelugerinabigin, iluk nendawimo anggigirik mene nek inebe lombok inelugerinafirek.

YOHANES 6:51

Sumburu inelugerinaferek mene pogoroba nen pi wagarek andi re, an nebe aro. Sumburu an nen wogisagain mene andi, ap sa nen nunggu halok, at ebe eluk mondok logogin o. Afuni kweangma mene ineluk logouwageluk an nebe it faget wa'lasigin andi, an nebeat wogisagain,” iluk yagaisasikhe.

YOHANES 6:57

An neisena eluk mondok welagarek mene nen laknobagai wagaikhemo wagagi a'nogo, at eluk welagarek andi nen an neluk welagirek hak, ap sa nen, an nebe ningge halok, an neluk welagirek andi nen, at elugat logogin o.

YOHANES 6:68

A'nogo yagaisikhi lagaikhemo, at Simon Petrus a'nogo nen he, mel yagatikhe: ”Eige! Noe. Ninebe nineluk mondok logogun mene faget he, wene haren yaganisikhi lagen hilingi'mo re, hat herakhobagaluk ap saba logoin anggegen.

YOHANES 8:32

wene ebe wene hinelu asigin o. Hinelu asumo, wene ebe wene andibaat hinebe hele fikhalogo hinale'ma hinobagagin o,” iluk yagaisikhi lagaikhemo,

YOHANES 8:51

Nen, ap sa nen an nane hologo hilingiti logogin halok he, wa'lagi'lek eluk mondok logogin o, iluk eberogoat yagahisigi,” iluk, yagaisikhi lagaikhemo,

KISAH PARA RASUL 3:15

Nineluget ninaferek mene ero ebe at meneat he, hiren watepma Allah nen he, ebe eluget fikhemo, nit nineilenggen eberogoat hogosigen yagahisikhi lago o.

KISAH PARA RASUL 4:12

At Allah nen, nit afuni kweangma yoma mene at ekhe nen telninabuageluk enu yaganisigi'lek andi nen he, alegat mene nen telninabigin elo'lego. We, at Yesus nen telninabuageluk, at alegat enu yaganisasikhe andi,” iluk yagaisasikhe.

KISAH PARA RASUL 9:2

”Noe. An o Damsyik lambik he, it afuni ekhe Yesus ane wanhi logolik ombo'ne nikho mene ekhe werek halok, hemi inom, ap inom, heraginabimbik he, inenggi hele warogo woginarek o Yerusalem yoma fisa wesigen he, it afuni Yahudi mene o kota Damsyik andoma o samban agarek kwe lombok andogori'lagwi mene faget surat ekhe palogo wo'nom o,” iluk yagatikhe.

ROMA 15:16

An nebe at Kristus Yesus awe a'ma logolik afuni endakwe mene woginabuageluk nayonggo fesikhemo, at Allah endawimo fanorogo Areagun andiba it inebe Allah awe a'ma inobagauwageluk, at ane fano wene andi yagaisilik nikhi lagi o.

ROMA 5:2

Nit ninendawinggen Yesus oba himbiret fesugu andibaat, at Allah obabut fano nen fanotninaferek mene andi awe a'ma ninobagaikhe andiba himbiret fuluk welago. Logolik, Allah fogeratu mondok welagaikharek andi hak, nit a'nogoat fogetninabigin o, iluk ninendawimo ninagaiyegeti lago.

ROMA 5:21

Weak hilingitaresik wa'lagaikharek andiba, weak hilingitarek mene omame agaikhe andi hak, ninoe Enupogoren wene ninoba mene korogo wokhaluk, Allah ninom hunogo ninobagasikhe andiba, Allah obabut fano nen endawitninaferek mene andi omame agaikhemo re, nineluk mondok logogun andi.

1 KORINTUS 15:45

Wene a'nogo iluk, Allah ane lisu palhi logolik he: ”Ap Adam attak mene andi, ebe eluk mene elalhikhe,” iluk lisu palogo fesukwa. Meneat he, ap Adam hobuk mene andi, Areagun nen inelugerinaferek mene wagaikhe.

KOLOSE 2:17

Afuni inebe oan wagu kwelek inafumak tak inelokhoma wagarek hak, Kristus ebe oan wagi'lek werek kwelek, wesigin iluk wene mondogat andi mene tak hilingiti lagaukwa meneat he, ebe re, Kristus aro.

KOLOSE 2:9

Mene re, Allah ebe abirengge mondogat Kristus endawimo were'ma at ebe afuni higirat ta'lasi wagaikhesik welagaikhe andi.

KOLOSE 3:4

Ebetu were'ma, at Kristus ninebe hobuk nineluk mondok logouwageluk hilingninaferek mene a'nogo weinamhogo wagunem he, hit at hinomat weinam asumo foget hinabugun andi.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

IBRANI 9:8

A'nogo hilingiti logogun iluk wene komorogo welagaikhe andi oba lirogo, nit furogo futfouwageluk Allah Areagun en, mel yaganisikherek: ”O hulu kweba senggelek andi werek kwelek, Allah onggwarek awi ebe mene kwe huti'lek yagarek welagaikhe,” iluk yaganisili'logo.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

1 PETRUS 2:4

At ebe helep hangge eluk welagarek mene iluk he, oba we'no. Afuni nen he, ”Helep andi weak,” iluk hebisasukwa meneat he, Allah nen he, ”Helep yi mondok fano meneat,” iluk wenagaisogo esinet fesikhe.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.

1 YOHANES 1:8

A'nogo meneat he, niren ikhi logolik he, ”Nit weak ekhe hilingiti'lek,” iluk ikhi lago halok he, nineranen ninonggwarek lalikhi lago andi nen, ebe wene re ninendawimo mondok lego.

1 YOHANES 2:23

Ap sa nen, ”Allah amlogo andi, ebe nabit,” iluk kobologo lakfisikhe halok, eisena Allah ebe wanhi'legaro. Nen, ap sa nen, ”Allah amlogo ebe andi aro,” iluk ane fakhogo ikhe halok, eisena Allah ebe wanhe aro.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

1 YOHANES 5:6

At Yesus Kristus kweangma pi wagaikhesik were'ma ima nek pelafukwa fuk. Ima pelafik, amep wulagaisogo watik, isukwa. A'nogo hilingitukwa iluk, at Allah Areagun nen wene eberogoat enek yaganisikherek mene a'nogo nen fakhogo yaganisikho welagarego.

2 YOHANES 1:9

Ap sa nen wene Kristus nen yaganisasikhe wene andiba louksek hilingitu welagi'lek, hunogoat mene hilingiterek halok he, Allah ebe eisewerek agi'lek werego. A'nogo meneat he, ap sa nen wene Kristus nen yaganisasikhe wene andiba louksek hilingitu logogin halok he, nineisena Allah inom, amlogo Yesus inom, emberek eisewerek agaikhasik werego.

WAHYU 19:11

Wene a'nogo yaganetesi'mo nen ombo'ne re, pogot healagunem wam enu kuda esi kut mene amboroba, ap ekhe enu re Hombunhogo igik. at ekhe re Eberogoat igik, agarek mene, hurek logolik, weim higithogo yafik, wene higithogo inoba figik, kotik, ilik nugunem yethigi o.

WAHYU 22:1

A'nogo yaganetemo higiri'mo nen ombo'ne re, Allah inom, Domba Eak inom, emberek kain welagaikharek oba inobulu'mo nen, i inelugerinaferek mene eil wurik weak inafumak hangge mene elesi wulibisogo re,

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.

WAHYU 3:14

A'nogo yaganetesik, hobuk yaganeti logolik he: ”Eroba nen, yi mene ti mene ero anat were'ma, Allah nen elalhikhe mene andi, at abok nobabut humbunhogo eberogoat enek igirek mene, nenu ebe asuak u hak, Amin, igirek mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Laodikia andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen, yi'nogo palin o.

WAHYU 3:7

A'nogo yaganetesik hobuk yaganeti logolik he: ”An weak hilingiti'lek, tegelek logolik, nane eberogoat enek igirek mene nen kwe hutarek mene Daud mene waluk kwe huti halok, afuni ekhe nen yagasugun elo'lego. Nen, kwe yagati halok, afuni ekhe nen husugun elo'legat mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Filadelfia andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palino.