YOHANES 14:2 - Allah Wene Fano Wene Hupla Inane

² An neisena awiba andoma, o hit logogun oba obalik hokhorogo selek werego. A'nogo lek logoilepma re, an o hit logogun oba tegeli lagain, iluk yagahisele lego.

YOHANES 14:2 ပူးပေါင်းရင်းမြစ်များ

LUKAS 14:22

A'nogo yagatikhemo, at ap a'nogo lagaikhesik ambotkwe wagaikhesik he, oe a'nogo mel yagatikhe: Noe. Yaganeten a'nogo woginarek wagi meneat he, o fena mondok selek werego, iluk yagatikhe.

YOHANES 13:33

Nagainafuri. An nenggi endebat enek ninom logombigen lagain o. Lamo, hiren an nebe hera'nafi logogun meneat he, attagat an nen ap Yahudi mene yagaisasigi hak, o an lagain oba andoma hiren hera'nabik logoin lego, iluk yogondak hit yagahisikhi lagi aro,” iluk yagaisasikhe.

YOHANES 13:36

A'nogo yagaisikhi lagaikhemo, ap Simon enu ekhe Petrus agarek a'nogo nen he: ”Noe, hat o koma lagelugen egen,” iluk, yagatikhemo, at Yesus nen he, mel yagatikhe: ”An lagain oba andoma, hat nombo'ne to'morogo lagain lego. We, hobuk nombo'ne wesigin o,” iluk, yagati lagaikhemo,

YOHANES 14:28

An lagain meneat he, hobuk nambotkwe hinoba wesigin o, iluk yagahisigi a'nogo arat hinesanggo holhep anggigi. An nebe hinendawinggen hundik logoilepma re, an neisena ebe esin, nen an nebe re elo'lek andi nen he, an neisena oba lagain andi faget hinagaiyek a'lebo.

YOHANES 16:4

A'nogo hilinghinafa halok he, hinendawimo nen he, wene yi, aren attagat yaganisikhe a'nogo arat hilingninabi'lagwi yi, iluk hinendawimo ebesubagaigen iluk, wene andi mondogat yagahisigi o,” iluk yagaisasikhe. At Yesus nen wene a'nogo yagaisasikhesik he, hobuk ekhe mel yagaisasikhe: ”An hit ninom yoma welago andi nen he, wene yi mondogat hit hinayonggo fikhi logolik yagahisigi'lek welagagi meneat he,

YOHANES 17:24

Allah neisena, haren kweang oan elalhi'lek logolik, an nebe hendawinggen hundik welagagin andi nen he, fogethafi logouwageluk esinetnafigin a'nogo, it haren fageat wo'netigin mene omanogo ineilenggen neoageluk, o an logogin oba andoma, it ninomat logogun namolo o.

KISAH PARA RASUL 9:16

A'nogo ayonggo figiri'mo re, aren nenu a'nogo yagaisilik nugunem, at yi enggin ti enggin hikhi logogin obaat hikhi logogin mene, an nen yagasigin werego,” iluk yagatikhe.

2 KORINTUS 5:1

Afuni inawi wurik meisalagunem hobuk ket wutarek hak, nit ninagap kweangma elama faget welago yi, wa'lagu halok he, pogoroba ninebe ninetok mondok logogun mene afuni nen fanorogo hilingiti'lek Allah nen hilingisogo ninobagagin mene werego, iluk futfikhi lago.

1 TESALONIKA 5:9

Allah a'mage, nit ninoba fuluk weagetninabigeluk wena'ninafikhe lek. We, ninoe Enupogot Yesus Kristus nen telogo fanotninabuageluk wena'ninafikhe o.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.

IBRANI 6:20

At Yesus nit faget kwe ebekwe yatikhesik o andoma kwisikhesik, ap Melkisedek Allah eisewerek logolik hilingiti lagaikhe andi hak, mondok-mondok hilingiti logogin mene Allah eisewerek kain agaikhesik welagarek andi.

IBRANI 9:8

A'nogo hilingiti logogun iluk wene komorogo welagaikhe andi oba lirogo, nit furogo futfouwageluk Allah Areagun en, mel yaganisikherek: ”O hulu kweba senggelek andi werek kwelek, Allah onggwarek awi ebe mene kwe huti'lek yagarek welagaikhe,” iluk yaganisili'logo.

WAHYU 21:2

A'nogo hilingisogo fikhesik, at onggwarek awi sili o kota Yerusalem ket mene, hemi inaguni helowogeluk inalilingge li'lukhogo wanharek andi hak, at were'ma pogoroba nen pelabi wagunem higi.

WAHYU 3:12

Nen, sa nen omame asigin mene halok, o anduli liafarek andi hak, at a'nogoat Allah onggwarek awi wuri'mo menogo fagain, neisena Allah enu inom, awi kota Yerusalem ket mene pogoroba nen pelabi wesigin mene andi enu inom, an nenu ket mene inom, an nen, at andi oba lisu palogo foumo re, at ebe o andoma nen wulibi wesigin mondok lego,

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,