YOHANES 13:5 - Allah Wene Fano Wene Hupla Inane

⁵ A'nogo itikhesik he, waruk earek meneba i keralogo kwelakfesikhesik he, at agoromi ane wanhi lagaukwa mene omanogo ineisok ebene sobalinafikhesik he, su obakhe hele pukhogo itikhe mene a'nogoba amusu horinabik lagaikhe.

YOHANES 13:5 ပူးပေါင်းရင်းမြစ်များ

KEJADIAN 19:2

mel yagaisasikhe: ”Nogogwi, an naiba set walambik lobagaigo. An naiba ninom nogo ikhi logolik, hineisok ebene sobalubagaigo. O hobit logoin hinamolo halok, hubet siakhogo lobagaigo,” iluk yagaisasikhemo, iren he, ”I O, fano. Nit o sili kota yiba ninom nogo ugun o,” iluk yagatukwa.

KEJADIAN 43:24

Fei wagaikhesik it a'nogo hondoginarek o elonggoma kwisukwasik ap yabu hilingiri'logo mene a'nogo i ineisok terogo sobaluageluk wogisasikhe, inanggo keledai inamburu nunggu mene iluk wogisilik lagaikheat.

2 RAJA-RAJA 3:11

A'nogo isikhemo raja Yosafat en heinok wokhikhi logolik he, ”Nit ninobaget Tuhan oba heinok wokhoageluk he nabi yoma ekhe werega lega?” iluk isikhe. A'nogo isikhemo it raja Yoram agoromi sikhe fisogo mene inoe perwira misik ekhe nen onggo ikhi logolik he, ”Hun Safat amlogo Elisa nek he werego. At andi ebere attak ap Elia lebethikhi lagaikhe agun,” iluk isikhe.

KELUARAN 29:4

At Harun againafuri inom he An nawi sabu salek mene tenda a'nogo solombonma andoma asi we'luk he inebe sobaloak iluk yagaisano.

YESAYA 1:16

Weak mene hinoba werek halok he fanorogo sobalikhi logoino. Hit hinobabut An neilhanem weak hilingiti lagep mene andi herakfisaluk hobuk weak hilingiti logou fuk.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

IMAMAT 14:8

A'nogo hiling fuluk ap a'nogo asu i sobalaluk, esi mondogat palogo kume warikhi logogin. A'nogo hilingitunem at a'nogo ebe mondok pugunsek mene aga iluk o sabu wuri'mo omanogo kwi laga logogin. A'nogo kwi lagain oba nen he, o sabu sale'ma elonggoma a'nogo kwigi'lek enda'ma andoma werek kwelek enek he linggene enggi 7 nen logogin.

ZAKHARIA 13:1

Tuhan Omame Mondok Hokho mene a'nogo nen ikhi logolik, ”Linggene andi sambul he i elesi misik ekhe wulibi waga logolik, Daud ambisangma mene inom, afuni Yerusalem mene inom tugwi kembu fogerati logolik weak hilingiti lagaukwa mene omanogo horogo leget fisagain.

LUKAS 7:38

Waluk wagaikhesik oloba kwisikhesik he, Yesus eisok unggutmo ambotma horok-horok wagaikhesik he, andoma mendek logolik le aga lagaikhe. Le agunem eil amusu Yesus eisok oba pisikhemo re, esiba hobuk horatikhe. Horatikhesik he, eisok oba hai ambe saluk watikhesik he, amusu amben fano mene waluk wagaikhe a'nogo Yesus eisok oba watfesikhe.

LUKAS 7:44

A'nogo yagatikhesik he, at Yesus elokhe hebekhogo, he a'nogo wogetikhesik he, mel yagatikhe: ”Simon. He yi heilenggen hegen a? Lega. An hat haiba kwi wagi meneat he, haren, heisok oba sobalin, iluk, i ekhe wo'neten lek. Meneat he, he yi nek he, eil amusu neisok oba pelafesik he, esiba hotnafe o.

YOHANES 13:10

at Yesus nen he, mel yagatikhe: ”At sa nen, ebe kume arat warek werek halok, at ebe sobalek mondok werek andi nen he, hobuk sobalugun elo'lego. We, eisok enek sobalumo elogo,” iluk yagatikhesik, it mondogat yagaisikhi logolik he, ”Hit a'nogo sobalek mondok welagep meneat he, hinebe mondogat sobalek welagep fuk. Ekhe sobalek lek werego,” iluk, yagaisasikhe. Wene a'nogo yagaisasikhe andi re, at endawimo nen he,

YOHANES 13:6

A'nogo hilingirik laga lagaikhesik, huli at Simon ekhe enu Petrus a'nogo oba asi wagunem he, aren he, mel yagatikhe: ”Noe, hat Henupogoren an neisok ebene sobaligin? Elo'lego,” iluk yagati lagaikhemo,

YOHANES 13:8

at Petrus nen he, mel yagatikhe: ”Noe. Haren an neisok ebene sobalnabigin mondok lego,” iluk yagati lagaikhemo, at Yesus nen he, mel yagatikhe: ”An nen hat sobalhabigin lek halok he, hat hebe an eisewerek logogin lego,” iluk yagati lagaikhemo,

YOHANES 19:34

A'nogo herakfesukwa meneat he, ap tentara omanogo mene ekhe nen he, Yesus abelenggenma sige taukhogo watikhemo, elelekwe amep inom, i inom, wulibi wagaikhe.

KISAH PARA RASUL 22:16

Mene re, hat yogondak ekhe inom logogin lek. Hebe menlasimbik he, hat weak hilingiti lagen mene Allah nen sobalhafik, it ekhe nen ima pelakhafik, uagen he, Yesus enu hombuk palogo Allah ayonggo feino, iluk yaganetikhe,” iluk yagaisasikhe.

1 KORINTUS 6:11

Attak hit ekhe a'nogo hilingiti lagagip meneat he, yogondak he, Allah nen hinendawimo fano sobalogo hinobagaikhesik, hinebe at onggwarek faget fakhasikhemo welagebo. Wene hinoba welagaikhe mene andi, nineisena Allah Areagun nen ninoe Enupogot Yesus Kristus enuba, korogo wokhasikhesik Allah hinom hinambotkwe hunogo hinobagaikhemo welagebo.

EFESUS 5:26

At Kristus nen a'nogo hilingitikhe andi re, nit Allah againafuri mondogat ninebe ninagambut pale'lek, ninagap pulangsek lek, fano logou hak, at eilhanem wene ninoba lekhogo, fano mondok tegelek logouwageluk, ninebe ima pelakninafunem, at Aweneba sobalogo ninobagaluk, at onggwarek faget fakhasikhesik ebe wa'lagaikhe andi.

1 TIMOTIUS 5:10

It afuni ekhe nen it hemi sogwe mene andi inabok ikhi logolik, ”It inobabut fano hilingiri'lagwi,” iluk agarek mene halok, inenu lisu palugun. Fano hilingitarek andi re, inonggwarek ineagwi fanorogo kulinafik, ap pok wagunem inebe fanorogo woginafik, Allah againafuri ekhe ineisok ebene sobalinafik, it ekhe weak were'ma leberisigik, inenggi ekhe kamo igi'lek yi mene ti mene faget leberisikho mondok welagik, agarek mene halok inenu lisu paluguno.

IBRANI 10:22

At ebe andoma were'ma, nit ninendawimo nen he, ”Nit weak hilingito,” iluk ninendawimo menenei ebetorek mene fano hotninafik, ninagap ebene i elokhonggen fano meneba sobalninafik, isikhe andi nen he, ninendawinggen misigat at oba himbiret fuluk ninailo lekhogo, at oba horokhogo kwikhi logouwogo.

1 YOHANES 1:7

A'nogo meneat he, Allah ebe selek oba welagarek andi hak, nit ogo re, selek oba logolik, fano hilingiti lago halok, nit-nit nagailak-hagailak ninom hundik were'ma, nit weak hilingitunem at amlogo Yesus amep oba ho'ninafu mondok welagarego.

1 YOHANES 5:6

At Yesus Kristus kweangma pi wagaikhesik were'ma ima nek pelafukwa fuk. Ima pelafik, amep wulagaisogo watik, isukwa. A'nogo hilingitukwa iluk, at Allah Areagun nen wene eberogoat enek yaganisikherek mene a'nogo nen fakhogo yaganisikho welagarego.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.

HAKIM–HAKIM 19:21

A'nogo yagaisasikhesik aren it a'nogo hondoginarek at aiba lagaukwasik he, it inanggo keledai omanogo nunggu mene wogisasukwa. Nen ap pok mene omanogo re ineisok sobalhukwasik sumburu nasukwa.

1 SAMUEL 25:41

A'nogo yagatukwama re at Abigail a'nogo menlagaikhesik eindep awi yagaisogo ane ikhi logolik he, ”An yi re at Daud amingmingengge hilingik welagimo re, it at amingmingengge andoma ineisok ebene elok sobalinafi logogin o,” iluk isikhe.