YOHANES 13:31 - Allah Wene Fano Wene Hupla Inane

³¹ At Yudas a'nogo arat wulifikhemo logolik, at Yesus nen he, mel yagaisasikhe: ”Nagoromi. An abat ta'lasi wagagi a'nogo Allah nen esinet nobagagunem, afuni nen Allah fogerasugun oba yogondak arat horogasi waga o.

YOHANES 13:31 ပူးပေါင်းရင်းမြစ်များ

MATIUS 8:20

A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.

LUKAS 12:50

Afuni yoma ima pelaginafarek andi hangge, an yi enggin ti enggin hilingnabugun mene re, oan werek kwelek, nendawinggen mondok heiselnafunem welagi.

YOHANES 11:4

at Yesus yagasi lagaukwama, esanggo holhikhesik he, mel yagaisasikhe: ”Ou oba agama werek andi nen ebe wa'lasigin fuk, we an nen higitunem afuni nen Allah ebe fogeratik, amlogo an fogetnafik, uageluk ou oba aga andi o,” iluk yagaisasikhe.

YOHANES 12:23

A'nogo yagasi lagaukwama, at Yesus nen he mel yagaisasikhe: ”An abat ta'lasi wagagi a'nogo, nebe fogetnabugun oba arat horogasi waga o.

YOHANES 12:28

halok he, Neisena, hat henu esinet fakhan o,” iluk yagatunem he, pogoroba nen ane ikhi logolik, mel isikhe: ”Arat esinet fakhigirik he, hobuk esinet fakhagain aro,” iluk yagatunem.

YOHANES 14:13

Nen at sa nen, yi mene ti mene an nenu hombuk palogo Allah kino yagate halok he, an amlogo nen hilingitunem, it afuni nen neisena fogerasuageluk, an nen hilingisigin o.

YOHANES 16:14

An nane yagahisikhi lagi mene andi, aren wanimbik he, hit yagahisikhi logogin andi nen an agaugwet nobagakhi logogin o.

YOHANES 7:39

Iluk, wene a'nogo yagaisasikhe andi re, afuni inendawinggen at oba eberogoat himbiret fagarek mene nek inebe lombok Allah Areagun wogisagain, iluk abok isikhe meneat he, andem sambul at Yesus ebe fogeratu kwelek lagagin a'nogo oan lagagi'lek andi nen he, Allah Areagun oan pelabi wagi'lek werek kwelek isikhe.

KISAH PARA RASUL 2:36

At Yesus ebe re, hiren eba menfuluk watepma, at Allah nen he, Hinoe Enupogot Kristus ebe yiat, iluk menfikhe andi. Halok he, hit afuni Israel mene mondogaren he, Wene andi eberogoat, iluk hinelurogo logoino,” iluk yagaisasikhe.

KISAH PARA RASUL 3:13

Nineisena Allah andi, Abraham inom, Ishak inom, Yakub inom, ninombalak ekhe inom, ineisena Allah andi nenat he, amlogo Yesus esinet fesikhe andi. Mene re, hiren, it ekhe nen wasuageluk inenggiba fegepma re, at Pilatus nen enggi hele fikhalogo wulakfeigeluk ugunem, hiren he, Ap andi ninabiro, iluk egep a'nogo.

2 KORINTUS 3:18

Ineilenggen inafumak oba it afuni ekhe inebe pikhirat yerisagarek andi hak, nit mondogat ninelokhonggen kwe palek le'ma re, afuni nen ninoe Enupogot fogeratarek mene andi afumak hak ineilenggen yetnisili'lagwi. Nit ninebe at ninoe hangge asuageluk he, hobugalek hilingninafu mondok were'ma fogeratarek mene andi ekhe inomat hokhot ninobagali'logo. At Allah Areagun andi ebe Enupogot atma arenat hilingninabi'logo.

EFESUS 1:12

At ebe fogeratu mondok welagaikharek mene a'nogo, niren fogerati logouwageluk, ninendawinggen omanggum Kristus oba himbiret fesugu mene halok wenagaisogo wo'ninafikhe andi.

EFESUS 2:7

At Allah a'nogo hilingitikhe andi re, o hobuk logogun andem oba logolik afuni nen he, ”Allah obabut fano mondogen endawitninafikhe,” iluk enegat futfikhi logouwageluk telninafikhe andi, ebe re, Kristus Yesus nenat telninafikhe.

FILIPI 2:11

A'nogo kuluk, inambeba lombok nineisena Allah fogerati logolik he: ”Ninoe Enupogot Yesus Kristus andi aro,” iluk, fakhogo ugunat andi.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

1 PETRUS 2:12

It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.

1 PETRUS 4:11

A'nogo ikhi logolik, Yesus Kristus hinom hundik logolik hilingitunem, it afuni ekhe nen Allah fogerati logouwageluk, hit ekhe nen wene yagaisikhi logolik, Allah aneat yagaisigik, hit ekhe nen it ekhe leberisikhi logolik, Allah omame wo'nisikherek andibaat leberisigik, ikhi logoino. A'nogo hilingiti logolik, Yesus omame hokho etok mondok welagarek mene a'nogo fogeratu logouwogeluk, ”Amin,” igi andi.