YOHANES 13:21 - Allah Wene Fano Wene Hupla Inane

²¹ At Yesus nen, wene a'nogo arat yagaisasikhesik oba nen, at endawimo weak agaikhemo, ane fakhogoat mel yagaisasikhe: ”Hit ap hinebe ya mene ekhe nen an nebe noasuageluk yonggo lagain o, iluk eberogoat yagahisigi,” iluk yagaisasikhe.

YOHANES 13:21 ပူးပေါင်းရင်းမြစ်များ

MATIUS 26:21

hu'lagaukwasik seni Paskah a'nogo ninggi logolik mel yagaisasikhe: ”Hit ap ya mene ekhe nen, an nebe noasuageluk yonggo lagain o, iluk, eberogoat yagahisigi,” iluk yagaisasikhe.

MATIUS 26:38

”An nendawinggen mondok weak agasik wa'lasigin hangge hilingnabi'logo o. Halok, hit ya logolik he, ninomat ninebe hebelogo logouwok,” iluk yagaisaluk he,

MARKUS 14:18

Lagaukwasik he oloba kwisukwasik hu'lagaukwasik he, seni Paskah a'nogo ninggi logolik, at Yesus nen mel yagaisasikhe: ”Hit mene ekhe sumburu an nemberek misi'mo ninggi lago mene andi nen, an nebe noasuageluk yonggo lagain o, iluk eberogoat yagahisigi,” iluk yagaisasikhe.

MARKUS 3:5

Kamo isukwama re, at Yesus eilenggen isilik lagaikhesik he, endawimo nen he: ”Inobabut lagi-lagorek yi ri!” iluk endawimo weak agaikhesik a'mage lagasikhe. A'mage lagasikhesik inoba uarogo re, ap a'nogo mel yagatikhe: ”Henggi pisat han o,” iluk yagatikhemo re, enggi pisat hasikhemo arat fano agaikhe.

YOHANES 11:33

it afuni Yahudi mene Maria ombo'ne wagaukwa mene omanogo inomat le agunem, at Yesus nen eilenggen isasikhesik, it endawi nen endawinggen heiselhikhemo re, inoba heinok wogisikhi logolik he, mel yagaisasikhe.

YOHANES 11:35

At le agaikheat.

YOHANES 11:38

A'nogo isukwama, at Yesus endawinggen heiselhikhemo re, warek ebe oumo anggwe folele'ma helep te'merogo fei lagaukwaba andoma ha lagaikhe.

YOHANES 12:27

At Yesus nen wene a'nogo yagaisasikhesik he, samban ekhe mel isikhe: ”Neisena, an yi enggin ti enggin hagain andi nen, yogondak nendawinggen mondok heiseli'logo andi re, haren nebe telnabin o, iluk yagahesu meneat he, a'nogo hilingnabuagelugat wagagisi'mo andi nen he, a'nogo igin lego, Neisena,

YOHANES 13:18

An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa: Ap ekhe sumburu nemberek misi'mo ninggi lago mene yi nenat weaget nabigeluk menlaga o, iluk isukwama lisu palek werek andi legasigin lek. Eberogoat hilinglasigin.

YOHANES 13:2

Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe,

YOHANES 13:22

A'nogo yagaisikhi lagaikhemo, iren he, ”Andi sa nen hilingisigin mene faget ikhe,” iluk inobakhe palagaikhesik he, ineilenggen ekhe nen ekhe yethigik, isukwa.

KISAH PARA RASUL 17:16

At Paulus, Silas Timotius emberek faget nenangorogo o kota Atena andoma logolik he, o andoma tugwi kembu awi wurik mondok hokhorogo were'ma eilenggen hasikhesik, endawimo mondok weak agaikhe.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.