YOHANES 13:2 - Allah Wene Fano Wene Hupla Inane

² Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe,

YOHANES 13:2 ပူးပေါင်းရင်းမြစ်များ

EZRA 7:27

Surat a'nogo palogo wogetikhemo re, at Ezra nen ikhi logolik mel isikhe: ”Tuhan Allah nit ninombawi nen fogerati lagaukwa mene a'nogo o Yerusalem At onggwarek awi a'nogo haluageluk raja endawimo kagalhemo, eil wo'ninafe andi nen At ebe fogerasuogo.

NEHEMIA 2:12

A'nogo logolik, an nen he,” Allah nen o kota Yerusalem meisalhukwa a'nogo hobuk ambotkwe legeisogo wusuagaluk yaganetemo nen wagarigo,” iluk afuni mondogat yagaisigi'lek welagagi. A'nogo welagagisik, nenggi ekhe sambul nogo iluk o hubanggoat neluk agagisik, nagaila'lak inebe pire, henagan, ekhe inayonggo fesigisik he, wam amboloba nikharek mene ekhe welagaikhe le'ma re, we, wam keledai an amboloba hurek lagain mene nek waluk, o kota abel endakwe wulifugu.

MATIUS 10:4

Simon ”O Kanaan yoma ninawi werek mene nek logouwogo,” iluk ikhi lagaikhe mene a'nogo inom, Yudas Iskariot Yesus wasuageluk yonggo lagaikhe mene a'nogo inom, inenu andem menfisasikhe.

LUKAS 22:3

A'nogo weim abok ugu kwelek he, it Yesus agoromi inebe 12 omanogo mene, ekhe enu Yudas Iskariot a'nogo endawimo Iblis kwisikhe.

LUKAS 22:31

Yesus nen a'nogo yagaisasikhesik he, ekhe Petrus oba mel yagatikhe: ”Simon! Simon! hesanggo holin! Gandum afulfulengge fologo hebisagarek andi hak he, hit mondogat a'nogo, at Iblis nen hinebe folhinabigeluk Allah kino yagatemo aren elok iluk yagate meneat he,

YOHANES 13:11

”At andi nen an nebe noasuageluk yonggo lagain,” iluk elu logolik andi nen he, mel yagaisasikhe: ”Hit sobalek mondok welagep meneat he, hinebe mondogat sobalek welagep fuk. Lego,” iluk yagaisasikhe andi.

YOHANES 13:4

A'nogo elu logolik, sumburu ninggi lagaikhesik ebe menlagaikhesik he, asu ebe laberek mene nonggologo fesikhesik he, kume su wanhikhesik obakhe hele pukhogo itikhe.

KISAH PARA RASUL 5:3

Fei wagaikhemo, at Petrus nen he, ”Ananias. Iblis nen hendawimo kagalhemo Allah Areagun lalogo kweang onggo fena minggilogo honggwarek faget fakhaluk wagen andi nenahalok.

2 KORINTUS 8:16

Niren hit faget ninghogo hilingisuogeluk hilingiti lago hak, at Titus a'nogoat hilingiti logouwageluk Allah nen endawimo kagalhunem hilingiri'logo andi nen he, Allah hai wati logouwogo.

EFESUS 2:3

Attagat nit mondogat it hilingiri'lagwi hagat hilingiti lagagu. Ninobabut afuni inobabut inetogat logolik hilingitarek hak hilingiti logolik, ninoba aigage lagagunem weak hilingitik, ninendawimo anggaluk weak hilingitik, ikhi lagagu. Andem sambul he, afuni inobabut inetogat logolik hilingitarek ninom higirat were'ma, Allah a'mage lagaluk he, weagetninabigeluk welagaikhe.

WAHYU 17:17

A'nogo hilingisugun andi re, Allah nen isikhe mene higithogoat hilinglasuageluk, aren at endawimo anggikherek mene andi, it ap kaindek andi inendawimo kagalhemo, it inendawinggen misigat logolik, iren he, at mene olomene hangge a'nogo yagati logolik, nit kain ninenuwerek welago mene andi, hat kain henuwerek logoinogo, iluk eisewerek fuluk, inomen, he yanani nilik nikherek mene a'nogo ebe wasugun andi.