YOHANES 12:34 - Allah Wene Fano Wene Hupla Inane

³⁴ A'nogo isikhemo, it afuni hokhorogo omanogo nen he, mel yagatukwa: ”Wene Allah nen komotninafikhe wene andiba re, nit afuni telninabuageluk Allah nen ap ekhe lakfei wesigin andi ebe wesimbik he, eluk mondok logogin. Iluk isikhemo ninesanggo holhorek meneat he, haren ikhi logolik he, An abat ta'lasi wagagi a'nogo afuni nen kweangma yoma mennobagagagun iluk egen andi re, ap ekhe abat ta'lasi wesigin isikhe andi ebe sa faget isikhemo nen egen,” iluk yagatukwa.

YOHANES 12:34 ပူးပေါင်းရင်းမြစ်များ

MAZMUR 110:4

Tuhan nen wene watheti logolik, ”Ap an eisewerek mene enu Melkisedek welagaikhe andi hak, hat hebe re, hetok mondok a'nogo logogin,” iluk wene wathetikhe mene andi re, ane oak wanigin lego.

MAZMUR 72:7

At ebe mendek were'ma andem he katokhogo hilingitarek mene andi nek saga ilik laga logouwak, nen tugi yatu werek kwelek andem he, yi mene ti mene sik-pikhogo nek hilinglaguba logouwak.

YESAYA 53:8

At ebe hele warogo fagasik ayo wurogo ebe lisogo waluk laga logolik unggum wa'lagu mene oba faga. At ebe ninggi'nogo hilinglasigin iluk kumut haga mene ekhe werek lek, Nit ninunggulenu mene ninaweak faget at ebe wa'laga.

YESAYA 9:7

Tuhan nen afuni Israel mene weak mondok hilingitunem wene inoba mondogat fesikhe.

DANIEL 2:44

A'nogo meneat he it ap andi raja menlasimbik afuni ferinarek logogun sambul andem he, Allah pogoroba mene andi nen ap ekhe Enupogot mondok-mondok logogin mene menfagain o. A'nogo menfoumo re afuni aren ferinarek were'ma, afuni inunggulenu ekhe nen at mabenet figik, ap raja andi obulu'mo ekhe menlagik, ikhi logogun mondok lego. A'nogo menfoumo logolik, aren ap ekhe raja a'luk afuni ferinarek logogun mene andi mondogat wulil tagalogo legetfisagain o.

DANIEL 7:14

Andi nen at a'nogo legeisogo fikhi logouwageluk, ebe raja menfikhesik, afuni mondogat At enggiba logouwageluk wogetunem higi. A'nogo wogetemo, afuni mondogaren inunggulenu lombok, inagap lombok, inane lombok, At awe a'ma logolik At faget hilingitunem yethigi. Aren omameba ferinarek mondok logolik inoe kain raja were'ma, it ekhe nen mabenet fisogoin mondok lek mene yethigi.

DANIEL 7:27

A'nogo hilingisimbik he, o kweangma yi awi ti awi mondogat inogogwi inenupogoren inenggi omameba ferinarek welagaikharek andi inom, inomame werek welagaikharek andi inom, mondogat waganogo Allah againafuri mene inenggiba fagain. A'nogo foumo, iren ferinarek mondok-mondok were'ma, ap kweangma mene inenu werek welagaikharek mene andi mondogat inebe it inawe a'ma logolik it faget hilingiti logolik inane hologo hilingiti logogun o,” iluk yaganete yethigi.

MIKHA 4:7

It afuni andoma re, ineisok endenek mene hakhogo hilingfisaluk it inawi eroma nen he, yatma woginarek fisa lagagi mene andomaba nen, it fena ineluk werek mene andoma re An nen inunggulenu ket mene salogo fisamo, inunggulenu hokho mene hilinglagik, inomame hokho agik, ugun o. A'nogo hilingfisambik An nebe Tuhan At logolik Tom Sion oba andoma melalinafu mondok logogin,” iluk ikhe.

MATIUS 16:13

O andoma nen, at Yesus o sili Kaisarea ap Filipi nen hokhotfesikheba andoma lagai wagaikhesik he, at agoromi ane wanhi lagaukwa mene omanogo heinok wogisikhi logolik, mel yagaisasikhe: ”It afuni nen, an abat ta'lasi wagagi a'nogo an nebe faget ikhi logolik he, sa iluk ili'lagwi nogo,” iluk yagaisasikhemo,

MATIUS 21:10

Kwisukwama re, it afuni andoma mene mondogat aleik wati logolik he, ”Egi! Ap yi sa anggegep,” iluk isukwama re,

MATIUS 8:20

A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.

YOHANES 10:34

At Yesus nen he, mel yagaisasikhe: ”Wene Allah nen komotninafikhe wene a'nogoba ikhi logolik he, ”Hit hinebe Allah hak welagep,” iluk lisu palogo fesukwama werek a'nogo lega?

YOHANES 12:32

An nebe kweangma yoma mennobagaumo re, an nen afuni mondogat lithigik woginarek nonggwarek noba fisa wesigin o,” iluk yagaisasikhe.

YOHANES 15:25

A'nogo meneat he, Allah nen yi'nogo hilingi'no, ti'nogo hilingi'no, iluk komorinafikhe wene andiba, ane yi'nogo lisu palek werek: wene ero le'maat, iren an inabiret nobagasukwa, iluk isikhemo, lisu palogo fesukwa mene andi ebe asuageluk a'nogo hilingiri'lagwi o.

YOHANES 8:28

A'nogo futfigi'lek werek kwelek, aren he, mel yagaisasikhe: ”An abat ta'lasi wagagi a'nogo, hiren an nebe legeisogo nobagagun andi sambul hiren he: Etok mondok welagarek mene a'nogo ebe yiaro. Aren wene yaganisikhi logolik he, endawimo nen kagalogo igi'lek. We, at eisena nen yagaterek mene nek, yaganisikhi lagama, iluk, hinelu asugun o.

ROMA 3:19

Wene Allah nen komotninafikhe wene andi, it hologo logogun mene nek yagaisasikhe, iluk nit ninelu. Allah alegaren afuni o yi awi ti awi mondogat wene inoba figik, kotik, ugunem, at ekhe nen wene oba koragain elo'lek asuageluk komotninafikhe andi.

ROMA 5:18

Wene igi andi re, mel igi anggigi. Ap ekhe nen Allah ane sebelogo weak misigamat hilingitikheba, wurep oba re, afuni mondogat wene inoba fesikhesik weagetfisasikhe andi hak, ap ekhe nen Allah ane hologo higithogo misigam faget hilingitikheba, wene afuni mondogat inoba mene korogo wokhigik, inelugerinafik, isikhe.

IBRANI 7:24

A'nogo meneat he, at Yesus enek he, Allah eisewerek eluk mondok logogin andi nen he, Allah nen, it afuni ekhe at obali'mo menfisagain lego. We, at amuat mondok logogin o.