YOHANES 12:3 - Allah Wene Fano Wene Hupla Inane

³ A'nogo nunggu kwelek, at he Maria nen amusu enu naruwastu amben fano mene onggo hokhorogoat palharek mene Yesus eisok oba watfesikhesik he, at Maria onggwarek esiba tetikhe. A'nogo tetikhemo, oloba a'nogo amben mondok sang-pang isikhe.

YOHANES 12:3 ပူးပေါင်းရင်းမြစ်များ

MAZMUR 132:2

Yakub eisena Tuhan homame mondok hokho mene a'nogo nen, Hat Honggwarek henu hombuk palogo, yagahetikhe mene andi, honggorasimbik herak fugun o.

AMSAL 27:16

O sogoi wagunem kwe palfou elo'lek andi hak, nen amusu inenggimo yinggilogo fisogo logou elo'lek andi hak, at oba hane palfein iluk yagasumo ane palfou re elo'lek.

KIDUNG AGUNG 1:12

An noe raja re at nogoli'lago meneba wengik were'ma re, an nangge narwastu amusu amben sang-bang ili'lago.

KIDUNG AGUNG 1:3

Hat hamben he mondok fano sang-bang eri'lago, henure amusu amben fano mene kweisalogo pugunem amben eterek andi higit hilingik welagen; andiba re helime silerigen inendawinggen ninggerek!

KIDUNG AGUNG 4:10

Nagot nemberek lombolek welago mene, hat ninom ninendawinggen ninggerek mene andem he enduk mondok fano, anggur agai enduk maben hak oba nen, andi nek he enduk mondok mit-mirengge hilingik. Haren amusu yugulhi lagen mene amben sang-bang ugunem, yi mene ti mene amben andoma elo'lek hak hilingik kwelek andi nek he mondogat mit-mirengge hilingik.

LUKAS 10:42

Meneat he, wene misik ekhe hilingisu werek kwelegat he, haren yi mene ti mene faget enek hilingiti lagen. Hagot Maria yi nek he, wene fano wene misik andiat wenagaisogo eisewerek agasi'mo re, Herakfisan iluk yagasigin mondok lego,” iluk yagatikhe.

LUKAS 7:46

Nen, haren amusu an nunggul oba ekhe watnobagegen lek meneat he, he yi nek he, amusu amben fano mene neisok oba watnobagaikhe o.

YOHANES 11:2

He Maria andi ebe re, amusu amben fano mene ninoe Enupogot Yesus eisok oba watikhesik esiba tetikhe mene a'nogo inom inaiba were'ma inenggi ekhe sambul he at Lazarus oba ou hunitikhemo re,

YOHANES 11:28

A'nogo yaga'luk he, Marta nen oe Maria wolha lagaikhesik mel yagatikhe: ”Ninoe wene yaganisili'logo mene a'nogo ebe wagasik horok yoma logolik wolhili'logo,” iluk ane samik-samokhogo yagatikhe.

YOHANES 11:32

Wagu kwelek, he Maria a'nogo eilenggen Yesus ebe yethasikhesik he, oba wagaikhesik eindep awi yagaisogo awe a'ma soma isikhesik he, mel yagatikhe: ”Noe, hat yoma we'lendik logoilenma re, an nerei wa'laga andi, wa'la'lep lek anggigi o,” iluk yagatikhesik le agunem.

YOHANES 19:39

A'nogo wani wagaikhemo, at Nikodemus, attagat hubanggo Yesus oba wagaikhe mene a'nogo nen, e mur enggen amusu inom, e ekhe amusu amben fano mene inom, nanggelek-hanggelek hilingisogo enggin he 30 kilo hangge waluk Yusuf emberek wagaukwa.