YOHANES 12:23 - Allah Wene Fano Wene Hupla Inane

²³ A'nogo yagasi lagaukwama, at Yesus nen he mel yagaisasikhe: ”An abat ta'lasi wagagi a'nogo, nebe fogetnabugun oba arat horogasi waga o.

YOHANES 12:23 ပူးပေါင်းရင်းမြစ်များ

YESAYA 60:9

Andoma re kapal Allah againafuri o yatma andoma nen woginarek wagasik yasi waga mene o. Emas, perak inom ogore iren nineisena Tuhan Allah a'nogo fogeratu mene faget waluk wagaikha aro. Andi re Israel mene ineisena Allah, Horek Mondok welagarek mene, Aren againafuri inoba agaugwerinabigiluk hilinginaferek mene a'nogo.

MARKUS 14:41

Kamo isukwama re, at enggi pireba eilenggen isa wagaikhesigen, hobuk lagaikhesik isa wagaikhesik he, mel yagaisasikhe: ”Hit set walogo nogo mondok ugu logogun a? Nogo arat egebo. An hilingnabugun a'nogo yogondak yi aro. Ap ekhe nen it ap weak hilingiri'lagwi mene nen, an abat ta'lasi wagagi a'nogo noasuageluk inenggiba arat nobagagun yi yethani!

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

YESAYA 55:5

Hiren he it inunggulenu amu mene inayonggo fisamo re, iren weak-weak hit hinambit wesugun, An Tuhan Allah Israel mene ineisena horek mondok welagirek mene a'nogo nen hit hinenu legeisogo hinobagasigimo re nonggwarek nenuba igi o,” ikhe.

YOHANES 12:16

A'nogo kwisikhe meneat he, andi sambul, irat agoromi ane wanhi lagaukwa mene omanogo nen, wene hilinglagaikhe mene andi futfigi'lek. Meneat he, at Yesus wa'lagaikhesi'mo nen hobuk Allah nen eluget fesikhesik esinet fesikhemo nen, inendawimo ebetukwasik he, mel isukwa: ”At faget Allah ane lisu palek werek aro. It afuni nen at faget hilingitunem nineilenggen hasugu a'nogo re, wene lisu palek werek andi higithogoat hilingitukwama o,” iluk inendawimo ebetukwa.

MATIUS 26:45

Arat iluk agoromi inoba wagaikhesik he, mel yagaisasikhe: ”Hit set walogo nogo ikhi logolik mondok logogun a? Ap ekhe nen ap weak hilingitarek mene nen an abat ta'lasi wagagi a'nogo noasuageluk inenggiba nobagagin andi arat nobagagin yi yethani!

MARKUS 14:35

A'nogo yagaisasikhesik he, at samban igiluk orogat andem kweangma elokhe sagaum weinglagaikhesik, mel isikhe: ”Neisena! An yogondak yaat weaget nabuogeluk werek andi re, weaget nabinogo o, iluk isikhe,

YOHANES 7:39

Iluk, wene a'nogo yagaisasikhe andi re, afuni inendawinggen at oba eberogoat himbiret fagarek mene nek inebe lombok Allah Areagun wogisagain, iluk abok isikhe meneat he, andem sambul at Yesus ebe fogeratu kwelek lagagin a'nogo oan lagagi'lek andi nen he, Allah Areagun oan pelabi wagi'lek werek kwelek isikhe.

YOHANES 12:27

At Yesus nen wene a'nogo yagaisasikhesik he, samban ekhe mel isikhe: ”Neisena, an yi enggin ti enggin hagain andi nen, yogondak nendawinggen mondok heiseli'logo andi re, haren nebe telnabin o, iluk yagahesu meneat he, a'nogo hilingnabuagelugat wagagisi'mo andi nen he, a'nogo igin lego, Neisena,

YOHANES 13:1

Nen, ohealekwe seni enu Paskah a'nogo mene nouwogeluk, at Yesus nen ”An afuni o kweangma yoma fisaluk neisena oba nambotkwe lagagin a'nogo, arat horogasi waga,” iluk, at elu welagaikhe, nen at onggwarek agoromi kweangma mene endawinggen hundik welagaikhesik, hobuk inebe abit agi'lek endawinggen hundik mondogat welagaikhe.