YOHANES 12:1 - Allah Wene Fano Wene Hupla Inane

¹ Wene a'nogo isukwasik werek kwelek, inenggi fuaben welagaukwasigen ekheba seni Paskah a'nogo mene nouwogeluk oan werek kwelek, at Yesus o Betania ap Lazarus wa'lagaikhemo nen eluget fesikhe a'nogo awiba wagaikhe.

YOHANES 12:1 ပူးပေါင်းရင်းမြစ်များ

MATIUS 21:17

it afuni omanogo hebisasikhesik, o sili hokhoma andoma nen wulibi wagaikhesik he, o Betania nogo i wagaikhe.

MARKUS 11:11

o Yerusalem kwisukwa. Kwisukwasik he, at Yesus ebe Allah awi wuri'mo kwisikhesik yi mene ti mene mondogat eilenggen penetu kwelek, o arat hubagaikhemo, agoromi inebe 12 nen omanogo inom o Betania wulibi wagaukwa.

LUKAS 24:50

At Yesus nen wene a'nogo warisasikhesik, it agoromi omanogo o sili hokhoma nen woginarek wulifikhesik he, o Betania andoma lagaikhe. Lagaikhesik, enggi liakfesikhesik he, ”Allah nen kwelakhinarek logolik fanothinafi logouwago,” iluk hai warinafikhe.

LUKAS 7:37

Hu'lagaikhesik, sumburu ninggi logolik were'ma, he o sili andoma mene ekhe weak hilingiti lagaikhe mene abok afuni inelu mene, afuni nen, ”Yesus o a'li logolik sumburu nili'logo,” iluk isukwama esanggo holhikhesik he, amusu amben fano mene onggo hokho palogo iwak helep enu pualam mene hilingik oba elonggoma hinago waluk wagaikhe.

YOHANES 11:1

Ap ekhe enu Lazarus erugwi Maria agot Marta inom inaiba o Betania misi'mo mene welagaukwa.

YOHANES 11:43

hobuk ane hokhorogo ikhe logolik he, mel yagatikhe: ”Lazarus. Wulibime o,” iluk yagatikhemo,

YOHANES 11:44

Lazarus ebe wa'lagaikhe mene a'nogo eluk a'luk, enggi eisok engga yeligat, elokhonggen su laberegat, wulibi wagaikhe. A'nogo wulibi wagaikhemo, at Yesus nen it afuni andoma welagaukwa mene omanogo yagaisikhi logolik he: ”Ebe kwe loagen, oba engga su mene yelik yoma fikhal feni o,” iluk yagaisasikhe.

YOHANES 11:55

Welagaukwa andem sambul he, it afuni Yahudi mene seni enu Paskah nenggarek a'nogo mene nogoin oba arat horogasi wagaikhemo nouwogeluk logolik, it inenggi sabul horogo iluk, Yahudi mene hilingitarek hak hilingisuogeluk, inawi lombogen o Yerusalem andogoti lagaukwa.

YOHANES 12:12

A'nogo isukwasik werek kwelek, o healekwe, it afuni nen he, ”At Yesus o Yerusalem wesigeluk weri'logo,” iluk isukwama, it afuni hokhorogo seni Paskah nunggunem andogotukwa mene omanogo inesanggo holhukwasik he,

YOHANES 12:20

It afuni seni ninggi logolik Allah fogerasuogeluk wagaukwa andi re, it ap Yunani mene fena inom wagaukwa.

YOHANES 12:9

At Yesus nen a'nogo yagaisasikhesik were'ma, afuni nen he, ”At Yesus o Betania werego,” iluk isukwama, it afuni Yahudi mene inebe hokhorogoat inesanggo holhukwasik lagaukwa. A'nogo lagaukwa andi re, at Yesus enek ineilenggen houwogeluk lagaukwa fuk. Athe Lazarus warek mene Yesus nen eluget fesikhe mene a'nogo emberegat ineilenggen isouwogeluk lagaukwa.