YOHANES 11:52 - Allah Wene Fano Wene Hupla Inane

⁵² Mene re, it afuni Yahudi mene faget enek isikhe fuk. Afuni mondogat Allah againafuri mene nek o yi awi ti awi pugulogo lagaukwasik welagaikharek mene inom lambukhogo inobagaigeluk, Yesus wa'lasigin mene faget isikhe.

YOHANES 11:52 ပူးပေါင်းရင်းမြစ်များ

KEJADIAN 49:10

At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.

MAZMUR 22:15

I kweisalhugunem lek agarek hak, nomame mondok lek agik, noak mondogat enggalim oba nen orolhigik lagunem hangge welagik, nendawinggen kwe wam sei nunggunem hakhogo amok le'legenggetunem welagik, hilingiti lagi o.

MAZMUR 22:27

A'nogo nolhetunem, it afuni inelagaik mene re eberogo nen inalabut ninghogo nogoin aro. It afuni At Tuhan oba waga logogun mene re, At enek fogerati logogun. It andi yagaisikhi logolik he, ”Hinendawimo hinagaiyek hugu mondok logoino,” iluk yagaisikhi logogunat.

MAZMUR 72:19

At enu esin mondok welagarek andi nen he, fogeratu mondok logouwok. Nen o yi awi ti awi mondogat he At ombakbagen enek sagorek logouwak. Eberogo nen a'nogoat aga logouwak Amin, iluk igi andi.

YESAYA 49:18

Hebe bene inom habel fena-fena andoma inom fanorogo kwelakhan o, Afuni hat agoromi mene andoma wagaikhasik hera'lu kabogesi wagaikhasik werek. An Allah neluk mondok welagi mene a'nogo nenuba ikhi lagi o, Helime silerik inaguni helouwogelu'mo inalilingge liafu mene faget inamolo agarek hak, eberogo nen hat he afuni hat hagainafuri mene werek aple nen he hawonok asigin o.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

YESAYA 55:5

Hiren he it inunggulenu amu mene inayonggo fisamo re, iren weak-weak hit hinambit wesugun, An Tuhan Allah Israel mene ineisena horek mondok welagirek mene a'nogo nen hit hinenu legeisogo hinobagasigimo re nonggwarek nenuba igi o,” ikhe.

YESAYA 56:8

Tuhan Lego Mondok logolik, Israel mene huginabi lagaukwama nen sugulogo woginarek wagaikhe mene a'nogo nen ikhi logolik, ”An nen afuni amu mene woginarek wesimbik, it mondogat andogorek werek mene ninom seberogo kabogeti logogun nen fisa wesigin o,” iluk ikhe.

YESAYA 60:4

Hat hunggul legeisogo heilenggen habel fena-fena a'lima yerisan, it inebe mondogat seberogo hat hambit sugulogo wesuogeluk weri'lagwi a'li o. Hat hagainafuri ap mene re yatma nen wesugun, nen helime yenggerugwi re hamboginarek wesugun.

YEHEZKIEL 34:12

An nen he ap gembala nen at anggo domba heraginabi laluk, hesangge pesangge werek mene omanogo misi'mo kaboget fisa we'luk halinafarek hakhogo, It nagainafuri andi re inebe linggene mum mene weagerinaferek mene andiba nen nalek falek werek mene andoma woginarek fisa wesigin.

HOSEA 1:10

A'nogo yaganetesik he, ekhe mel yaganeteat: ”Meneat he, hobuk An nen he, afuni Israel mene inebe ial i laut hokho yenggelek mene era'lukwe inenggi wenatik, iwak elema kwelagaisogo kilo walhigik, u mondok elo'lek andi hak, inebe mondok hokhorogo hilingisogo fisagain o. Yogondak An nen he, Hit An nagainafuri lego, iluk yagaisigirek aro. A'nogo meneat he, hobuk, hit An Allah neluk mondok welagirek mene nagainafuri o, iluk yagaisagain oba werego.

LUKAS 15:8

A'nogo yagaisasikhesik he, wene ekhe mel yagaisasikhe: ”He ekhe uang sen mene ebe 10 nen fisogo were'ma misigat ekhe longgo ikhe halok he, herakfisigi'lek esage ibilogo re, o hulukwe lelem mondok wulak fuluk tegelhi logolik he, arat herakhikherek a'nogo lek?

YOHANES 1:12

A'nogo herakfisasukwa meneat he, it afuni ekhe nen at ebe wanhukwasik he, inendawinggen at oba himbiret fesukwama, Allah nen at againafuri ebe mene asuageluk miginafikhe.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

YOHANES 10:16

Nen, An nanggo domba ebe lalma yoma nek werek fuk. O ekhema-ekhema werek aro. Nanggo andoma mene nane inesanggo holuageluk woginarek wesigelugat welagi o. Fisa wesumo, it An nanggo domba yonggo palek misikwe nikhi logogun. A'nogo nugu kwelek, An nalegaren kwelaginarek logogin o.

YOHANES 12:32

An nebe kweangma yoma mennobagaumo re, an nen afuni mondogat lithigik woginarek nonggwarek noba fisa wesigin o,” iluk yagaisasikhe.

ROMA 3:29

At Allah re, nit afuni Yahudi mene nek nineisena nogo? It endakwe mene ninomat nineisena lek nogo? Eberogoat afuni endakwe mene ninomat nineisena o.

ROMA 4:17

Wene andi faget Allah nen Abraham mel yagatikhe: ”Yi afuni ti afuni inunggulenu hokhorogoat ineisena re, hat menhobagagi o,” iluk yagatikhemo lisu palogo fesukwa. A'nogo yagatikhemo re, at Abraham endawimo nen he, ”At Allah re, afuni warek mene inelugerinafik, nen, yi mene ti mene lek mene aneba weregetfigik, ikherek mene nen abok yaganete andi eberogoat yaganete o,” iluk endawinggen oba himbiret fesikhe andi.

EFESUS 1:5

At Allah ninebe endawi nen, onggwarek endawimo nenat, ”Kristus Yesus nen, it woginafunem an nagainafuri asuageluk,” attagaren ninebe wenagaisogo wo'ninafikhe andi.

EFESUS 3:11

Eroba nen, at Allah nen a'nogo hilingninabigeluk endawimo anggasikhe mene andi, at Tuhan Kristus Yesus nen hilingisuageluk lakfei wagaikhemo, ebe hilingitikhe andi.

YAKOBUS 1:1

At Iblis nen hinendawinggen kagaligeluk yi enggin ti enggin hinoba fugunem hinendawimo hinagaiyek hikhi logoni o.

1 PETRUS 1:1

Nerugwi nagaila'lak. An Petrus, Yesus Kristus nen na yonggo fesikhesik laknobagai wagaikhe mene a'nogo nen, wene yi lisu palogo hit nineisena Allah nen, hinebe attagat wenakhinafikhe mene, yogondak ya elama faget o yi awi ti awi pugulogo lagepsik, o propinsi Pontus inom, Galatia inom, Kapadokia inom, Asia inom, Bitinia inom, afuni inanggelekwe lombok welagepsek mene a'nogo hinoba lakfei wagio. Hinebe Allah nenat endawimo anggaluk wenakhinafikhesik, Yesus Kristus ane hologo hilingiti logouwageluk awe a'ma hinobagagik, amep oba hothinafik, igeluk he ”An nonggwarek nagainafuri asubagaigeluk wokhinafio,” iluk at Areagun en wokhinafikhe andi. Allah obabut fano a'nogo nen fano mene wokhisigik, hinendawinggen hobugalep hambugethinafik, hokhorogo ikhi logouwago.

1 YOHANES 2:2

At ebe a'nogo logolik, nit yi weak ti weak hilingitorek mene sebelogo legetfisaluk, ho'ninaferek. A'nogo hilingiterek andi re, nit weak hilingitorek mene faget enek fuk. Athe, yi afuni ti afuni kweangma mene mondogat weak hilingitarek mene faget ninomat ho'ninaferego.

1 YOHANES 3:1

At Allah nen he, ”It yi an nagainafuri,” iluk ta'ninafikhemo eberogoat nit ninebe at againafuri welago. A'nogo welagorek andi nen, ninebe at endawi mondok welagarek andi hani! A'nogo meneat he, it afuni kweangma mene inobabut inetok mene omanogo nen Allah ebe inonggot andi nen he, nit ninebe inonggoraro.

1 YOHANES 3:10

Allah againafuri inom, Iblis againafuri inom, ninendawi wenggelogo inobabut enegat hilinglari'lagwi re, yi. Ap sa nen obabut higithogo hilingiti'legat, erugwi agaila'lak endawirinafi'legat, hilingiri'logo halok, at andi ebe Allah amlogo lego.

1 YOHANES 3:2

Nerugwi nagaila'lak, nendawilage. Yogondak nit ninebe Allah againafuri welago meneat he, hobuk ninebe logogun mene weinamet figi'lek oan hinago werego. A'nogo meneat he, nit ninelu re, Yesus ebe yogondak werek mene nineilenggen furogo hogoin andi nen, at wesigin andi sambul ebe wagunem, nit ninebe at ebe werek andi hak hilinglasuguno.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.