YOHANES 11:44 - Allah Wene Fano Wene Hupla Inane

⁴⁴ Lazarus ebe wa'lagaikhe mene a'nogo eluk a'luk, enggi eisok engga yeligat, elokhonggen su laberegat, wulibi wagaikhe. A'nogo wulibi wagaikhemo, at Yesus nen it afuni andoma welagaukwa mene omanogo yagaisikhi logolik he: ”Ebe kwe loagen, oba engga su mene yelik yoma fikhal feni o,” iluk yagaisasikhe.

YOHANES 11:44 ပူးပေါင်းရင်းမြစ်များ

KEJADIAN 1:3

A'nogo hilingitunem At Allah nen ikhi logolik mel isikhe, ”O wei uago.” iluk isikhemo, arat wei isikhe.

HOSEA 13:14

Unggulenu ari mene arire wa'lagaikharek mene omameba nen An nen telinabigin mondok lego. Wa'lagaikharek mene yi, ou enggin mene andoma sagarogo lakfei me o! Hat heabu inebe legetfisikhi lagen mene a'nogo hilingisin o. An nen afuni inunggulenu yi mene hobuk nendawirinabigin mondok nabiro.

MARKUS 5:43

A'nogo fogeratukwa meneat he, at Yesus nen he, mel yagaisasikhe: ”An hilingitunem hineilenggen neegep mene andi, afuni ekhe mondok yagaisagubo,” iluk komorinafikhesik he: ”Hele ari sumburu ekhe noagen wogo'ni o,” iluk yagaisasikhe.

LUKAS 19:20

It a'nogo yagaisasikhemo nen, hobuk at ekhe wagaikhesik he, mel yagatikhe: Noe. Hat hobabut mondok ningsek logolik, hat mene le'maat he, it ekhe mene heligik, nen, haren awi feik lakfigi'lek, we, it ekhe nen awi feik lakfaga meneat he, enggen henggi abisak paligik, egendek a'nogo nen, hobabut palhirik, nailo nen he, uang emas hokho mene misigat wo'netigin a'nogo an su likak tetu mene elonggoma yelogo fisogo welagirik he, wokhesi wagi yi o, iluk yagatikhe.

LUKAS 7:15

yenggerek wa'lagaikhe mene a'nogo eluk agaikhesik hurek logolik ane isikhe. Ane isikhemo re, Yesus nen yenggerek a'nogo agaisa wogetikhe.

YOHANES 10:30

”Neisena nemberek ninebe re, misigaro,” iluk yagaisikhi lagaikhemo,

YOHANES 11:39

Ha lagaikhesik he, mel yagaisasikhe: ”Helep ari lenggakhogo lakfeni o,” iluk yagaisasikhemo, ap wa'lagaikhe mene a'nogo erei Marta nen he, mel yagatikhe: ”Noe. At ebe salhosik oba nen ninenggi henaganat welagosik ekhe welago yi. Halok, arat fili agasik amben agama o,” iluk yagatikhemo,

YOHANES 11:43

hobuk ane hokhorogo ikhe logolik he, mel yagatikhe: ”Lazarus. Wulibime o,” iluk yagatikhemo,

YOHANES 19:40

Emberek a'nogo wagaukwasik he, it afuni Yahudi mene nen warek salinafarek hagat amusu warogo su kut meneba yinggilogo fesukwa.

YOHANES 20:5

A'nogo arat wagaikhesik, oumo warek fesukwaba a'nogo ot soma iluk eilenggen sorogo kwelakhasikhe hak he, su kut mene a'nogo nek nonggolek kweangma were'ma eilenggen hasikhesigat he, ebe oumo elema kwigi'lek kamo isikhe.

YOHANES 20:7

A'nogo meneat he, su Yesus ungguloba puksek mene nonggolek a'nogo nek he, su kut mene nonggolek welagaikheba aremnogo inom misi'mo welagaikhe lek. We ale'ma hak yinggilogo were'ma eilenggen hasikhe.

YOHANES 5:21

Nen, an neisena nen afuni warek mene inelugerinaferek andi hak, amlogo an nen afuni warek mene a'nogoat inelugerinabigin, iluk nendawimo anggigirik mene nek inebe lombok inelugerinafirek.

YOHANES 5:25

Nen, afuni warek mene nen, an Allah amlogo nane inesanggo holugun oba oan werek meneat he, arat asi wagasik werego. It nane inesanggo holugun mene halok, ineluk a'luk mondok logogun o, iluk, eberogoat yagahisigi.

FILIPI 3:21

Andi ebe wesimbik he, nit ninebe ninomame lek logolik, ninagap fili agarek mene yi herakfisaluk obali'mo re at onggwarek agap hak fogeratarek mene a'nogo nirogo a'nogoat ninagap ket mene hilingninobagagin. At omameba yi mene ti mene mondogat at awe a'ma fisagain andi nen he, at ebe fogeratarek hak, nit ninebe fogetninabugun mene hilingisogo ninobagagino.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

1 SAMUEL 2:6

Allah mel yagatikhe: ”Neisena Tuhan nenat, afuni inoatik, inelugerinafik, egendego. Afuni wa'la'luk lagaikharek oba kweang a'ma pelaginaplugen, hobuk andoma nen liakfisa wagendegaro.