YOHANES 11:25 - Allah Wene Fano Wene Hupla Inane

²⁵ At Yesus nen he mel yagatikhe: ”Afuni ineluk mondok logouwageluk, an nenat inelugerinafirego. At sa nen endawinggen an noba eberogoat himbiret foumo nen wa'lasigin halok he, at ebe wa'lasigin meneat he, hobuk eluk asigin o.

YOHANES 11:25 ပူးပေါင်းရင်းမြစ်များ

MAZMUR 36:9

Hat hailoba nen nunggu mene mondok hokho pokhorogo wogisikhi lagen andiba it mondogat inoba homot fisikherek, nen inagai re Hat agai meneat eil mondok wurik fano mene wogisikhi lagen andiba homot fisikherek.

YESAYA 26:19

Hat againafuri endamat wa'lagaukwa mene omanogore inambotkwe ineluk asugun, it inebe warek nekhengge menlasugun. Ap kweang elema salinafa mene re, menlasimbik inagaiyekhogo wuni wati logogun. Lilengge nen kweangma sakhoraterek hak, Hat againafuri o endam wa'lagaukwa mene omanogo inambotkwe inelugerinabigin.

YESAYA 38:16

Tuhan neisena, Hat Haneba inom Hat hilingiti legen oba inom an neluk wo'nom o, an he Hat Hobaget neluk logoiyogen he fanotnabin o.

LUKAS 23:43

at Yesus nen he, mel yagatikhe: ”O yogondak yibaat o fanoma Firdaus andoma nemberek kwimbik logogun o, iluk eberogoat yagaheti,” iluk yagatikhe.

YOHANES 1:4

Nineluget ninaferek mene ero arat welagarek andi nen he, nit afuni seleget ninabi wagaikhe.

YOHANES 14:19

Ninenggi endebat logombik he, afuni kweangma mene ineilenggen neogoin mondok lek meneat he, hit enek he, an nelugat logogin. Nen hit hobuk hinelugat logogun andi nen he, hineilenggen neogoin o.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

YOHANES 3:36

Halok he, sa nen endawinggen Allah amlogo oba eberogoat himbiret fili'logo halok ineluk logogun mene eise agasik werego. Meneat he, sa nen, at amlogo andi ane holhi'lek obakhe nene herakfisili'logo halok, ineluk mondok logogun mene andi eise asigin lek. We Allah a'mage oba fembik logogin o.

YOHANES 5:21

Nen, an neisena nen afuni warek mene inelugerinaferek andi hak, amlogo an nen afuni warek mene a'nogoat inelugerinabigin, iluk nendawimo anggigirik mene nek inebe lombok inelugerinafirek.

YOHANES 5:26

Ineluk mondok welagaikharek mene ero an neisena onggwarek eise welagarek andi hak, an amlogo nenggiba fikhemo eisewerek welagi o.

YOHANES 6:35

aren he, mel yagaisasikhe: ”Sumburu inelugerinafirek mene andi re, an nebe aro. Ap sa nen an noba wagik, endawinggen noba eberogoat himbiret figik, igin halok he, sumburu nele agik, i nele agik, ikhi logogin mondok lego.

YOHANES 6:44

An Neisena laknobagai wagaikhe mene a'nogo nen, afuni lithigik an noba woginarek wagi'lek halok, noba wesugun elo'lego. We, aren it ekhe lit-lit woginarek wagunem noba wesugun halok o wurep oba an nen inelugerinabigin aro.

KISAH PARA RASUL 3:15

Nineluget ninaferek mene ero ebe at meneat he, hiren watepma Allah nen he, ebe eluget fikhemo, nit nineilenggen eberogoat hogosigen yagahisikhi lago o.

ROMA 4:17

Wene andi faget Allah nen Abraham mel yagatikhe: ”Yi afuni ti afuni inunggulenu hokhorogoat ineisena re, hat menhobagagi o,” iluk yagatikhemo lisu palogo fesukwa. A'nogo yagatikhemo re, at Abraham endawimo nen he, ”At Allah re, afuni warek mene inelugerinafik, nen, yi mene ti mene lek mene aneba weregetfigik, ikherek mene nen abok yaganete andi eberogoat yaganete o,” iluk endawinggen oba himbiret fesikhe andi.

ROMA 8:2

An attak he, weak hilingitaresik wurep oba inebe mondok wa'lagaikharek andi mene nen hele warogo hak fetnarek welagaikhe. A'nogo were'ma, hobuk Allah Areagun en Kristus Yesus ninom hunogo ninobagakhi logolik nineluget ninaferek mene a'nogo nen, hele fikhalogo nobagaikhemo welagi.

1 KORINTUS 15:18

Andi hak, it ekhe Kristus inom hundik logolik wa'lagaukwa mene andi re, nong a'lep aro.

1 KORINTUS 15:29

Wene ekhe re, it afuni wa'lagaukwa mene hobuk inelugerinabigin mondok lek logoilepma re, it faget it ekhe ima pelaginafi lago andi re, ninggi'nogo hilingisugun anggegep? Nenahalok ima pelaginafi logogun.

2 KORINTUS 4:14

A'nogo yagaisikhi logolik, ninendawimo yi'nogo anggikhi lago. At Allah nen he, ninoe Enupogot Yesus ambotkwe eluget fesikhe andi hak, nit at ninom higithogoat nineluget ninafikhesik he, hit ninomat Yesus oba ninobagai lagain iluk ninelu.

FILIPI 1:23

An hilingisu mene wene ebe pire mene nen miming nabi'lago, andi nen he, an wa'lasigin halok he, at Kristus nemberek logoumo fano. Ebe fano mondok he andi aro.

FILIPI 3:10

At Kristus yi enggin ti enggin hilik-hilik wa'lagaikhe hak, nemberek higithogoat, an a'nogoat enggin hilik-hilik, wa'lasiginat anggikhi lagi. Mene re, at wa'lagaikhemo, Allah omameba eluget fesikhe hak, an a'nogoat wa'lasumo, neluget nabigin iluk, oba eberegat welagi.

1 TESALONIKA 4:14

At Yesus ebe wa'lagaikhesigen eluk agaikhe andi eberogoat iluk futfikhi lago. Andi nen, afuni at inom hundik logolik wa'lari'lagwi mene hobuk Allah nen inelugerinabimbik, Yesus inom mondok logouwageluk eberogoat woginabigin iluk futfikhi logouwagaro.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

WAHYU 20:5

Afuni wa'lagaukwa mene omanggum andiat inelugerinafesik menfisikhe isigi. A'nogo meneat he, it afuni wa'lagaukwa mene fena ekhe nek he, o mo lagagik, pigik, ugu kwelek inambotkwe inelugerinafi'lek 1.000 tahun hilingisuageluk fisikhemo were'ma isigi.

WAHYU 21:4

A'nogo logolik, yi wene ti wene attak mene legetfisaluk, aren it ineil amusu arat terogo fagain andi nen he, inebe wa'laga logogun legat, inendawimo weak aga logogun legat, le aga logogun legat, heinet wati logogun legaro,” iluk ugunem holhi.

WAHYU 22:1

A'nogo yaganetemo higiri'mo nen ombo'ne re, Allah inom, Domba Eak inom, emberek kain welagaikharek oba inobulu'mo nen, i inelugerinaferek mene eil wurik weak inafumak hangge mene elesi wulibisogo re,

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.