YOHANES 11:24 - Allah Wene Fano Wene Hupla Inane

²⁴ at Marta nen he mel yagatikhe: ”O wurep oba afuni wa'lagaukwa mene inelugerinabigin andi sambul, at Lazarus andi hobuk ambotkwe eluk asigin iluk an nelu aro,” iluk yagati lagaikhemo,

YOHANES 11:24 ပူးပေါင်းရင်းမြစ်များ

MAZMUR 17:15

Oba nen he, an enek he weak hilingiti lagi le'ma re, Hat hebe neilenggen heagain o. An nebe nogokhi lagiba nen neluk a'luk he, Hat hebe ninom hundik welago mene andi faget ebethealuk he, nendawimo nagaiyek mondok aga lagi o.

YESAYA 25:8

Tuhan Omame Mondok Hokho mene a'nogo nen he wa'lagaikharek mene a'nogo mondok-mondogat lek hilingisogo fagain! Aren he afuni inelokhe lombok it ineil amusu mondogat terinabigin. Nen, At againafuri o kweangma yoma nen sebelogo fisugunem welagaikharek mene omanogo inoba nen waganogo lakfisagain. Tuhan nen hilingisigin iluk ane mondogat ikhe mene andi re eberogo nenat hilingisigin.

YESAYA 26:19

Hat againafuri endamat wa'lagaukwa mene omanogore inambotkwe ineluk asugun, it inebe warek nekhengge menlasugun. Ap kweang elema salinafa mene re, menlasimbik inagaiyekhogo wuni wati logogun. Lilengge nen kweangma sakhoraterek hak, Hat againafuri o endam wa'lagaukwa mene omanogo inambotkwe inelugerinabigin.

HOSEA 13:14

Unggulenu ari mene arire wa'lagaikharek mene omameba nen An nen telinabigin mondok lego. Wa'lagaikharek mene yi, ou enggin mene andoma sagarogo lakfei me o! Hat heabu inebe legetfisikhi lagen mene a'nogo hilingisin o. An nen afuni inunggulenu yi mene hobuk nendawirinabigin mondok nabiro.

HOSEA 6:2

Ninenggi pire henagan yaba re ninoba ou welago mene Aren fano hilingninabigin o. Nen nit ninebe nineluk At awe a'ma ninobagaumo logogun.

YOHANES 11:23

at Yesus nen he: ”Hat herei ambotkwe eluk asigin aro,” iluk yagati lagaikhemo,

YOHANES 6:39

Nen, at endawimo anggikherek mene an nen hilingisuageluk laknobagai wagaikhe andi re, ebe yi: Aren afuni an wo'neterek mene mondogat ekhe pelakfisigi legat, o wurep oba, an nenat inelugerinabuageluk,

YOHANES 6:40

neisena endawimo anggikherego. A'nogo anggikhi logolik, afuni nen Allah amlogo nebe yi ineilenggen niigik, inendawinggen noba eberogoat himbiret figik ugu halok, inebe lombok ineluk mondok logouwageluk, o wurep oba an nen inelugerinabuageluk endawimo anggikherego,” iluk yagaisasikhe.

KISAH PARA RASUL 24:15

It ap yi nen he, afuni fano hilingiri'lagwi mene inom, weak hilingiri'lagwi mene inom, inebe wa'lasimbik were'ma eberogoat Allah nen inelugerinabigin, iluk inendawinggen Allah oba himbirik werek andi hak, an a'nogoat welagi o.

IBRANI 11:35

it hemi ekhe ineagwi warek mene hobuk inelugerinafunem woginafik, hilingirik waga lagaukwa. A'nogo hilingirik wagu kwelek, it ekhe re, inebe hobuk fano logogun mene Allah nen inelugerinabuageluk, afuni ekhe nen inebe wiik-weakhogo hilinginafu kwelek, inagap elele heligi'lek welagaukwa.