A'nogo weregen, it againafuri ap inom, hemi inom, Yakub endawimo fanorasuogeluk ugunem, aren he, ”Hiren an nendawimo fanot nabugun he, nabit,” iluk isikhesik he, mel isikhe, ”An namlogo faget, ouwak le agu mondok were'ma nen huli nebe wa'lasigin o,” iluk isikhesik, amlogo faget asu weak mene laberogo pelagwi fesikhesik welagaikhe.
YOHANES 11:19 - Allah Wene Fano Wene Hupla Inane19 it afuni Yahudi mene hokhorogo, he Maria inom, Marta inom, inerei Lazarus ware'ma inendawimo fanorogo iluk, inoba wagaukwasik welagaukwa. အခန်းကိုကြည့်ပါ။ |
YOHANES 11:19
28 ပူးပေါင်းရင်းမြစ်များ
A'nogo menlagaikhemo at raja Daud en ikhi logolik he, ”At Nahas andi re nagailak ninom mondok hundik welago mene hilingi'mo re, an nen at amlogo Hanun andi ninom pali wasigiluk welagi,” iluk isikhe. A'nogo isikhesik at Daud en he hun Hanun eisena wa'lagaikhemo endawimo konogo iluk he ap o Amon kweang oba omanogo lakfisasikhe.
it ap inailo lek mene nek folhigik he at Saul ebe warek a'nogo inom, at amlogomi warek omanogo inom, woginabi lagaukwasik waluk he o Yabes wagaukwa. Wagaukwasik he iren andoma e hokho mene ekhe wulibik were'ma a'ma andoma salinafukwasik, it inebe fong watu inenggi sabiren sumburu heang fesukwasik welagaukwa.
At Ayub weak a'nogo oba agaikhe andi nen, agaila'lak inebe henagan, Elifas aiba Teman mene andi inom, Bildad aiba Suah mene andi inom, Zofar aiba Naamah mene andi inom, inesanggo holhukwasik he, inailokwe lombogen andogotukwasik, iren he, ”Nit at Ayub endawimo fanorogo ninom le agu logouwogen oba louwok,” iluk isukwasik he, wagaukwa.
A'nogo hilingisogo fesikhemo, at Ayub ogogwi inom, erugwi inom, agaila'lak inebe mondogat inom, afuni attak at inom hundik welagaukwa mene mondogat inom, yi enggin, ti enggin Tuhan nen Ayub oba lakfei wagaikhe andi faget, iren ouwak le agik, endawinggen sebelhik, uogeluk, oba andogotukwasik, at Ayub aiba andoma seni isatukwa. A'nogo isati logolik, it inebe lombogen uang inom, senggan emas mene misiktek inom, Ayub wogetukwa.
Tuhan neisena! An limamit falhu welagi mene andoma nane hesanggo holin o, Aben an konnafu mene ekhe werek lek. Haren an alomat lasuageluk nobagegenma re, it naselei mene nen inagaiyek hili'lagwi. Linggene haren abok isigin mene a'nogo wesuak. An enggin mondok elo'lekhogo hikhi lagi mene ya re, it inoba ogo a'nogoat hoageluk hilingfisano.
O Yerusalem, kota Sion nendawi hundik mene yi, hat hebe wolelenggenhogo hilinglagen mene andi re i laut yenggelek esanggo mondok wurilik welagarek andi hak agen o. Hat hendawimo konogo iluk An nen ninggi'nogo yagahesu hak anggegen? Hat enggin hikhi lagen ari hak mene enggin a'nogo haga mene ekhe werek le'ma, hat hilingik welagen mene andi eberogo nen he ap ekhe nen halogo hobagaumo re elo'lego.
ကြော်ငြာတွေ