YOHANES 10:9 - Allah Wene Fano Wene Hupla Inane

⁹ Kwe re, An nebe aro. Ap sa nen, An nebeba kwikhe halok, ebe tegelek fano mondok logolik, wulifik kwigik ikhi logolik he, engga fano mene nek ninggi logogin o.

YOHANES 10:9 ပူးပေါင်းရင်းမြစ်များ

MAZMUR 95:7

Andi re, we At amu nit nineisena Allah were'ma, nit he At mene anggo domba hakhogo At againafuri mene welagoma re Aren halninafu werek. Hinombawi nen o Meriba inom, o Masa leimo inom andoma nen,

YESAYA 40:11

Ap domba halherek mene nen hilingiterek hak, Aren halinaferek mene andoma re a'nogo halinafu werek. At onggaregenat andoget fisaluk he domba eagwi omanogo agaumo felikhogo woginaferek, obabut sakhorek oba re Aren domba isa omanogo inelokhe palogo woginapluk lagarek.

YEHEZKIEL 36:38

Yogondak o kota ulun enek hilinglagama afuni inareng lek awi ari hobuk he o Yerusalem attak linggene esin mene faget ebeti logolik kaboge'luk domba warogo nolhu mene warogo fugunem hopo ikhi lagaikhe a'nogo hak hilinglasigin. A'nogo hilinglagunem hiren An Tuhan welagirek mene a'nogo furogo hinelu asugun o, iluk ikhe.

ZAKHARIA 10:12

An nen nagainafuri inomamet fisagain, andi nen he, iren An nane hologo hilingiti logolik An nobaget enek hilingitu logogun, iluk An Tuhan nen nane mondogat igi o.” isikhe.

YOHANES 10:1

At Yesus nen wene a'nogo yagaisasikhesik he, hobuk ekhe mel yagaisasikhe, ”An nen wene ekhe eberogoat yagahisago. Ap sa nen domba enggi abisak wanigeluk ebe lalma kwigeluk he, kwe ebekwe kwigi'lek obakhe talogo kwikhe halok he, at andi yogot enggi abisak wanherek mene aro.

YOHANES 10:3

At domba eisewerek logolik kwalogo welagarek mene andi ebe wagu halok, at ekhe domba awi kweba kagalek welagarek mene nen kwe huthugunem, at eisewerek mene a'nogo nen ane fakhugunem, it domba omanogo nen at ane inesanggo holharek andi nen he, inenu lombok wolisaluk, woginarek enda'ma wulifarego.

YOHANES 10:7

A'nogo futfigi'lek werek kwelek, hobuk at Yesus nen he, mel yagaisasikhe: ”Wene eberogoat ekhe yagahisak. Wene domba andi inanggwe re, an nebe aro.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,