YOHANES 10:7 - Allah Wene Fano Wene Hupla Inane

⁷ A'nogo futfigi'lek werek kwelek, hobuk at Yesus nen he, mel yagaisasikhe: ”Wene eberogoat ekhe yagahisak. Wene domba andi inanggwe re, an nebe aro.

YOHANES 10:7 ပူးပေါင်းရင်းမြစ်များ

MAZMUR 100:3

At Tuhan andi ebere, Allah werek a'nogo hinendawimo ebe'no. Nit ninebe re Arenat elalninafikhemo re, At onggwarek meneat welago. Inanggo tegelharek andi hak, ninebe At againafuri mene welagoma, Arenat tegelninafu welagarek.

MAZMUR 79:13

Andiba re nit Hat againafuri hanggo domba Haren halninafi lagen mene nen he, ninenggi mondok-mondok andomaba Harenek hai wathafu welagik, nen mo lagagik pigik ugu kwelek andomaba Harenek fogethafu welagik, hilingitu logogun o.

MAZMUR 95:7

Andi re, we At amu nit nineisena Allah were'ma, nit he At mene anggo domba hakhogo At againafuri mene welagoma re Aren halninafu werek. Hinombawi nen o Meriba inom, o Masa leimo inom andoma nen,

YESAYA 53:6

Nit ninebe mondogat he wam domba longgo ikherek andi hak nonghong isugusik welagagu, kwe inanggwe lombok lagaikharek andi hak ninobabut lombogen weak hilingiti logagu. Nit ninebe mondogaren weak hilingiti lagagu mene a'nogo Tuhan nen waganogo at oba fakhasikhe.

YEHEZKIEL 34:31

Eberogo, hit he An nandomba were'ma An nen hit nunggu mene wokhisigirek. Hit he An nagainafuri welagep, An he hit hineisena Allah welagi. An Tuhan Lego Mondok welagirek mene a'nogo nen nane mondogat igi, ikhe.

YEHEZKIEL 36:38

Yogondak o kota ulun enek hilinglagama afuni inareng lek awi ari hobuk he o Yerusalem attak linggene esin mene faget ebeti logolik kaboge'luk domba warogo nolhu mene warogo fugunem hopo ikhi lagaikhe a'nogo hak hilinglasigin. A'nogo hilinglagunem hiren An Tuhan welagirek mene a'nogo furogo hinelu asugun o, iluk ikhe.

YOHANES 10:1

At Yesus nen wene a'nogo yagaisasikhesik he, hobuk ekhe mel yagaisasikhe, ”An nen wene ekhe eberogoat yagahisago. Ap sa nen domba enggi abisak wanigeluk ebe lalma kwigeluk he, kwe ebekwe kwigi'lek obakhe talogo kwikhe halok he, at andi yogot enggi abisak wanherek mene aro.

YOHANES 10:9

Kwe re, An nebe aro. Ap sa nen, An nebeba kwikhe halok, ebe tegelek fano mondok logolik, wulifik kwigik ikhi logolik he, engga fano mene nek ninggi logogin o.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,