YOHANES 10:27 - Allah Wene Fano Wene Hupla Inane

²⁷ Hit hinendawimo a'nogo anggikhi lagep meneat he, it ekhe an nanggo domba mene halok, nane inesanggo holharesik, iren an nebe inelu a'nogo nen he, nombo'ne wagaikharego.

YOHANES 10:27 ပူးပေါင်းရင်းမြစ်များ

1RAJA-RAJA 18:21

A'nogo lagasukwama, at Elia ebe afuni omanogo inoba horokhogo wagaikhesik he, mel yagaisasikhe: ”Huli ki huli nen hinendawinggen pire logogun anggegep. Nineisena Tuhan andi ebe Allah halok, nineisena Tuhan Allah andiat fogerasugun o. Nen, tugwi kembu Baal andi ebe Allahat halok, tugwi kembu Baal mene andiat fogerasugun o,” iluk yagaisasikhemo, it afuni andoma andogotukwa mene omanogo inane endebat halok ogo ekhe igi'lek kamo isukwa.

YESAYA 66:22

Pogot ket mene inom kweang ket mene inom An nomameba hambukhogo logogin andi hak, hit hinerembul oba nen tagomangge mene inom, hit hinenu inom, mondok-mondok logogin.

MATIUS 16:24

A'nogo yagatikhesik he, at agoromi ane wanhi lagaukwa mene omanogo ekhe mel yagaisasikhe: ”Ap sa nen an nombo'ne nikhi logoigeluk halok he, obabut onggwarek faget endawinggen tulem logolik hilingiterek mene andi, Nabit, iluk herakfisaluk, e nunggulik oba menfisaluk inoatarek mene andi meneat waluk nombo'ne nikhi logoigeluk wesuago.”

MATIUS 17:5

A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,

MATIUS 25:12

aren he, ”Hit andi sani. Hinebe an nonggoro, iluk, eberogoat yagahisigi,” iluk yagaisasikhe.

MATIUS 7:23

an nen fakhogo yi'nogo yagaisagain: Hit hinebe an nonggoro. Weak mondok hilingirik nikhi lagep mene andi nera'lu ya logogubo. Pugulakhani, iluk yagaisagain o,” iluk yagaisasikhe.

MARKUS 10:21

at Yesus eilenggen oba kwelakhasikhesik endawi agaikhesik he, mel yagatikhe: ”Hat he, wene misigat enek ekhe hilingiti'lek welagen o. Hat yoma nen lambik he, hangge yi mene ti mene andoma mondogat it ekhe inoba awasi lan o. Awasimbik he, onggo wokhesugun mene andi, it afuni ekhe inangge lek inelagaik mene andi sumburogo wogisano. A'nogo wogisegen halok he, hat pogoroba mene hokhoat eisewerek asigin o. Halok, a'nogo arat sumburogo wogisaluk he, an nombo'ne nikhi logoinogen we'no,” iluk yagatikhemo,

MARKUS 8:34

Wenagetikhesik he, afuni hokhorogo omanogo inom, agoromi ane wanhi lagaukwa mene omanogo inom, wolisasikhemo wagaukwama re, mel yagaisasikhe: ”At sa nen an nombo'ne nikhi logoigeluk halok he, obabut onggwarek faget hilingiterek mene andi, ”Nabit,” iluk herakfisaluk he, eba menfisaluk inoatarek mene andiat waluk he, an nombo'ne nikhi logoigeluk wesuago.

LUKAS 13:27

aren he, hit o koma nen wagep. Hinebe an nonggoro. Hit weak hilingiti lagep mene noba kwi wagup. Andemenat pikhit lani o, iluk yagahisagain werego.

LUKAS 9:23

A'nogo yagaisasikhesik, wene ekhe it afuni mondogat yagaisikhi logolik, mel isikhe: ”Sa nen an nombo'ne nikhi logoigeluk halok he, onggwarek faget hilingiterek mene, nabit, iluk hebisaluk he, eba menfisaluk inoatarek mene andi, agayo meneat hundik-handik waluk he, an nombo'ne nikhi logoigeluk wesuago.

YOHANES 10:14

Domba kwalogo welagirek mene nobabut fano re, nebe Anaro. Neisena nen An elu, An nen at nelu welagorek andi hak, An nen nanggo domba nelu, nen iren an inelu welagorego. A'nogo logolik, An nanggo domba elelerogo wa'lasigiluk welagi.

YOHANES 10:16

Nen, An nanggo domba ebe lalma yoma nek werek fuk. O ekhema-ekhema werek aro. Nanggo andoma mene nane inesanggo holuageluk woginarek wesigelugat welagi o. Fisa wesumo, it An nanggo domba yonggo palek misikwe nikhi logogun. A'nogo nugu kwelek, An nalegaren kwelaginarek logogin o.

YOHANES 10:8

An wagi'lek oan werek kwelek, it afuni ekhe attak wagaukwa andi re, it inebe mondogat domba yogot wanhik, hinatik, agarek mene wagaukwa andi nen he, it domba nen, it inane inesanggo holhi'lek welagaukwa.

YOHANES 12:26

Nen, ap sa nen an namingmingengge logolik, endawimo nen he, an Yesus faget hilingiti logogin, iluk anggikhe halok he, an logogin oba andoma nemberegat mondok logouwogeluk nombo'ne waga logouwago. Nen, sa nen an faget hilingiti logogin mene andi, neisena nen at ebe agaugwet fagain o, iluk nane eberogoat yagahisigi,” iluk yagaisasikhe.

YOHANES 21:22

aren he, ”An nendawimo nen he, ap ari ebe elugat were'ma, an hobuk wesigin anggigi halok he, haren hilingisu mene fuk. An nobalombogo. A'nogo meneat he, hat enek he, an nombo'ne nikhi logoino o,” iluk wene a'nogo yagatikhe mene andi,

YOHANES 5:25

Nen, afuni warek mene nen, an Allah amlogo nane inesanggo holugun oba oan werek meneat he, arat asi wagasik werego. It nane inesanggo holugun mene halok, ineluk a'luk mondok logogun o, iluk, eberogoat yagahisigi.

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

YOHANES 8:43

A'nogo wagarik, wene yagahisikhi lagi mene hit futfigi'lek welagep andi nenahalok. A'nogo welagep andi re, an nane holek logou hinabit andi nen o.

KISAH PARA RASUL 3:23

Sa nen wene aren yagahisagain mene andi esanggo holhi'lek halok he, Allah nen, at againafuri inanggele'ma nen lisogo wulakfisambik weagetfagain o, iluk yagaisasikhe.

1 KORINTUS 8:3

A'nogo meneat he, at ekhe nen, Allah ebe endawinggen hundik halok he, Allah nen at andi ebe elu o.

GALATIA 4:9

Mene re, an nen he, ”At Allah hinebe elu welagarek,” iluk uwem, ”Hit yogondagen Allah ebe hinelu agep,” iluk igi andi. Halok he, hit hinonggwaregen munggwarengge obabut weak omame lek mene, eilmo lek mene, andi oba hobuk hinambotkwe awe a'ma kuogeluk ikhi lagep andi, nenahalok.

2 TIMOTIUS 2:19

Mene re, Allah nen o tik hak watikhe mene ningsek mondogat logogin andiba lisu mel iluk palek werek andi: ”Ninoe Enupogot onggwarek againafuri wenaginafikhe mene andi inebe elu o,” iluk isikhe. Nen, wene ekhe re, ”It ekhe nen he, An nebe ninoe Enupogot amlogo aro, iluk, ili'lagwi mene halok, Weak hilingisugun ninabiro, iluk herakfisaluk kwanirogo helalaga logouwago,” iluk, isikhemo lisu palek werek andi.

IBRANI 3:7

Andi nen he, Allah Areagun en mel yaganisikherek: ”O yogondak yaba Allah ane hinesanggo holhep halok he,

WAHYU 14:4

It afuni andi inebe re, tegelek logouwogeluk, hemi inom nogo igi'lek logolik, inambeba nen ineranen ekhe agarek legat, nen, afuni ekhe nen he, ”It andi weak ekhe hilingitama,” iluk wene inoba fou legat mene, logolik, Domba Eak a'nogo kwe komakwe lagu halok, ombo'ne nugunem, sumburu ebe oan werek kwelek, attak mene nenggarek andi hak, Allah nen yi afuni ti afuni inanggele'ma nen kigilogo inonggo palogo telinafikhemo, it inebe Allah inom, andomba fisagasik, were'ma isigi o.

WAHYU 3:20

Yethani! An nebe kweba mendek logolik, kwe ane papaget hikhi lagi o. A'nogo papaget hugunem, sa nen nane esanggo holimbik he, kwe hutneagain halok, an at oba kwi wesimbik he, sumburu ninggi logolik nagailak-hagailak higit nemberek hundik logogun o.