YOHANES 10:25 - Allah Wene Fano Wene Hupla Inane

²⁵ At Yesus nen he, mel yagaisasikhe: ”An arat yagahisikhi lagi meneat he, hiren eberogoat iluk anggikhi lagep lego. An neisena nen nayonggo fesikhemo hilingiti lagi andi, an nabok fakhogo yagahisa hagat hilingiti lagi meneat he,

YOHANES 10:25 ပူးပေါင်းရင်းမြစ်များ

YOHANES 10:32

A'nogo hilingiti lagaukwama, at Yesus nen he, mel yagaisasikhe: ”An Neisena nen fano mene hokhorogoat hilingisuageluk nayonggo fesikhe mene hilingitunem, hineilenggen niikhi lagep andoma mondogat he, ekhe ki mene weak hilingitiba nen nebe noasuogeluk ikhi lagep,” iluk yagaisikhi lagaikhemo,

YOHANES 10:37

An Neisena nen he, yi'nogo hilingiti logoin o, iluk nayonggo fuluk laknobagai wagaikhe mene, ebe hilingiti'lek logoilema re, hiren nebe futnobagaluk hinendawinggen noba himbiret fogoin elo'lego.

YOHANES 10:38

Meneat he, an nen hilingitu kwelegat, hit eberogoat iluk hinendawinggen an noba himbiret fou hinabit andi o. A'nogo hilingiti lagi mene andi eberogoat iluk futfeni o,” iluk a'nogo yagaisikhi lagaikhemo,

YOHANES 11:47

A'nogo yagaisa lagaukwama re, it ap Allah eisewerek inogogwi kaindek inom, Farisi mene inomen he, it ap wene ero pilingiterek mene wolisasukwama wagaukwama re, mel yagaisasukwa: ”At ap andi ebe futfouwageluk elalin mene hokhorogo hilingiri'logo andi re, niren ninggi'nogo hilingisuok anggegep?

YOHANES 12:37

At Yesus ebe iren futfouwageluk ineilhanem elalin mene hokhorogoat hilingiti lagaikhe meneat he, iren, At eberogoat iluk, ebe futfikhi lagaukwa mondok lek.

YOHANES 14:11

An nenat neisena nemberek hundik, nen, neisena nen an nemberek hundik welagorek igi andi, eberogoat iluk, hit futfeni o. Andi futfogoin elo'lek halok he, an hilingiti lagi mene andi hineilenggen hambik, futfeni o.

YOHANES 20:30

At Yesus nen it agoromi ane wanhi lagaukwa mene nen at ebe futfouwageluk ineilhanem elalin hilingiti lagaikhe mene fena hokhorogoat hilingitikhe meneat he, buku yiba lisu palhikhe lek.

YOHANES 3:2

At ap andi o hubanggo inenggi ekhe sambul Yesus oba wagaikhesik he, mel yagatikhe: ”Guru noe. Ap ekhe Allah emberek hundik lek halok he, haren elalin mene hilingirik nikhi lagen andi hak, hilingisu mondok elo'lego. Andi nen he, haren wene yaganisoageluk Allah nen lakhobagai wagama wagen, iluk ninelu ago,” iluk yagatikhe.

YOHANES 7:31

It ekhe nen fakfouwogeluk ikhi lagaukwa meneat he, it afuni hokhorogo omanogo inebe fena hokhorogoat inendawinggen Yesus oba eberogoat himbiret fesukwasik mel isukwa: ”Ap ari elalin mene hilingite andi re, elo'lek anggegep? Nen, afuni telninabuageluk Allah nen lakfei wesigin isikhe a'nogo wesimbik he, ebe futfouwageluk elalin mene hokhorogoat hilingisigin nogo? Lego,” iluk isukwa.

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

YOHANES 8:24

Andi nen he, an nen wene attak yagahisikhi logolik he, weak hilingiti lagep mene wene hinoba werek kwelek wa'lasugun o, iluk yagahisigi a'nogo re, mel faget igi. Hiren an faget he, At ebe etok mondok welagarek mene aro, iluk hinendawinggen noba eberogoat himbiret fogoin lek halok he, wene hinoba werek kwelegat wa'lasugun andi nen igi o,” iluk yagaisasikhe.

YOHANES 8:56

Nen, hit hinomba Abraham a'nogo nen, an wesigin mene faget ikhi logolik, At wagunem neilenggen hagain, iluk an naleik wati lagaikhesi'mo andi nen he, eilenggen arat neasikhesik endawimo agaiyek anggasikhe,” iluk yagaisikhi lagaikhemo,

YOHANES 8:58

aren he, mel yagaisasikhe: ”An nane eberogo yagahisago. Ap Abraham andi ebe oan ta'lagi'lek werek kwelek, an netok mondogat welagirego,” iluk yagaisasikhe

KISAH PARA RASUL 2:22

Mene re, hit Israel mene nerugwi nagaila'lak. An nane igin yi holini. Yesus aiba Nasaret mene a'nogo Allah nen ayonggo fesikhemo, ninom logolik, wene futfouwageluk hilingisu lek mene Allah nen enggi omamerogo elalinat hilingiti lagaikhe andi re, ebe Yesus nenat hilingiti lagaikhe. Halok he, Yesus Allah nen lakfei wagaikhemo, iluk enegat agaikhe andi hinelu.

IBRANI 2:3

Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.