YOHANES 10:10 - Allah Wene Fano Wene Hupla Inane

¹⁰ Nen, it ap yogot wanharek mene wagaikharek andi, domba yogothinatik, inoatik, inebe mondok legetfisigik, hilingisuogeluk wagaikharek meneat he An wagagi andi nek he, it afuni yi mene ti mene hokhorogo oba heilarogo welagaikharek andi hak, inebe ineluk mondok logouwageluk inelugerinafunem, ebe mene oba heilarogo logouwageluk wagagi o.

YOHANES 10:10 ပူးပေါင်းရင်းမြစ်များ

YESAYA 56:11

It inebe re, mene hugurue mene nen inoba homot fisikherek lek a'nogo hak werek. Ap inogogwi ferinarek welagaikharek mene andoma re fut fili'lagwi lek. It inebe lombogen he inendawimo anggili'lagwi mene omanogo faget enek hilingiti logolik, ambisangma helogoin mene faget heratu welagaikharek.

HOSEA 7:1

A'nogo isikhesik Tuhan nen ikhi logolik, ”Hundik-handik An nen nagainafuri Israel mene inebe fano hilinginafik, inambotkwe pugunhogo fisigik, hilingisigin iluk hilingitu sambul aremnogo isikhi lagimo re, weak hilingisugun mene inom, inaniniba hilingisugun mene inom enek hilingiri'lagwi. Iren he, ineranhogo wene lalalengge hilingitik, afuni inaiba yogot hinasi kwigik, ebekhe kwe nen telogo heligik, hilingiri'lagwi andi.

MATIUS 18:10

A'nogo yagaisasikhesik he, ekhe mel yagaisasikhe: ”Malaikat Allah pogoroba yonggo pelakfisa wagarek mene nen yenggerugwi yi hangge kwelaginarek logolik neisena eilhanem mondok welagaikharek andi nen he,” yenggerugwi andi hinendawimo nen sebelfisagubo.

MATIUS 18:11

An abat ta'lasi wagagi a'nogo re, afuni nong ari'lagwi mene andi heragaisogo telinabigeluk wagagi o.

MATIUS 21:13

mel yagaisasikhe: Lisu palek oba re, at Allah nen ikhi logolik, ”An nawi wurik yi faget afuni nen ikhi logolik he, o samban ikhi logogun oba, iluk ikhi logogun o, iluk isikhemo lisu palek werego. Meneat he, hiren he, it ap afuni inagarek inenggi abisak telogo helagarek mene inawi hak wurogo fisikhi lagep yi ri!” iluk wenagisasikhe.

MATIUS 23:13

A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!

MARKUS 11:17

Wene palhikhesik, it afuni omanogo komorinafi logolik, mel yagaisasikhe: ”At Allah nen ikhi logolik he, An nawi wurik yi faget afuni nen ikhi logolik he, Yi afuni ti afuni inunggulenu lombok samban ikhi logogun oba o, iluk ikhi logogun, isikhe mene lisu palek werek a'nogo lek? A'nogo iluk lisu palek werek meneat he, hiren he, it ap afuni inagarek inenggi abisak telogo helagarek mene inawi hak wurogo fisikhi lagep yi ri!” iluk inenggali warogo komorinafikhe.

LUKAS 19:10

Telhinafe mene andi, an abat ta'lasi wagagi a'nogo, it afuni nong ari'lagwi mene heragaisogo telinabigeluk wagagi aro,” iluk yagaisasikhe.

YOHANES 10:1

At Yesus nen wene a'nogo yagaisasikhesik he, hobuk ekhe mel yagaisasikhe, ”An nen wene ekhe eberogoat yagahisago. Ap sa nen domba enggi abisak wanigeluk ebe lalma kwigeluk he, kwe ebekwe kwigi'lek obakhe talogo kwikhe halok he, at andi yogot enggi abisak wanherek mene aro.

YOHANES 10:11

Domba eisewerek logolik kwalogo welagirek mene, nobabut fano re, An nebe aro. Domba eisewerek fano mene andi re, anggo domba elelerogo wa'lasigin iluk endawimo anggikherek.

YOHANES 12:47

An kweangma yoma pi wagagi andi re, afuni wene inoba feigeluk pi wagagi fuk. We, inebe telinabigeluk pi wagagi andi nen he, at sa nen an nane esanggo holhesigat he, nane hologo hilingite lek halok, an nenat wene oba fagain fuk. Lego.

YOHANES 12:6

A'nogo wene palhikhe andi re, afuni inangge lek mene andi endawi nen isikhe fuk. We, at agaila'lak inom mondogat inarupiah mene fisogo logolik, at onggwarek faget hinagaisogo helikhi lagaikhe andi nen isikhe.

YOHANES 3:17

Nen, an Allah amlogo kweangma yoma laknobagai wagaikhe andi re, yi afuni ti afuni wene inoba fuluk weagerinabuageluk laknobagai wagaikhe fuk. We, inebe telinabuageluk laknobagai wagaikhe o.

YOHANES 5:40

hinebe hineluget hinabuageluk an noba wesu re, hinabiro.

YOHANES 6:51

Sumburu inelugerinaferek mene pogoroba nen pi wagarek andi re, an nebe aro. Sumburu an nen wogisagain mene andi, ap sa nen nunggu halok, at ebe eluk mondok logogin o. Afuni kweangma mene ineluk logouwageluk an nebe it faget wa'lasigin andi, an nebeat wogisagain,” iluk yagaisasikhe.

ROMA 2:21

A'nogo it afuni ekhe yagaisikhi logoligat he, hinonggwarek yanggulikhi lagep lek yoma ri! Hiren ikhi logolik he, ”Yogot wanhubo,” iluk it ekhe yagaisikhi logoligat he, hit hinonggwarek yogot wanhi lagep yoma ri!

1 TIMOTIUS 1:15

Afuni weak hilingitu were'ma Kristus Yesus nen ninebe telninabigeluk kweangma yoma pi wagaikhe iluk igi andi, afuni nen he, ”Wene andi eberogoat,” iluk furogo wanugun mene. Afuni ekhe weak endebat hak hilingitarek meneat he, an enek he, weak hokhorogo mondok hilingiti lagagi andi.

IBRANI 6:17

A'nogo hilinglagarek andi hak, Allah nen he, ”Afuni an nendawimo anggaluk abok yagaisigirek mene halok, nane hebelogo hobuk hunogoat mene ekhe yagaisigirek lego,” iluk, it abok yagaisasikhe mene halok enek eberogoat anggoageluk he, hombuk palogo yagaisasikhe andi.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

2 PETRUS 1:11

Ninoe Enupogot Yesus Kristus telninabi'logo mene a'nogo, kain mondogat logogin oba andoma hinobagai kwikhi logolik, aren he, ”Hit hinebe eisewerego,” iluk, hai warogo fanorogo wokhinarek kwigino.