YOHANES 1:39 - Allah Wene Fano Wene Hupla Inane

³⁹ aren he, ”Hiren hineilenggen tomok hobagaigen we'ni o,” iluk yagaisasikhe. A'nogo yagaisasikhemo, it inomat lagaukwasik he, o mo kobok i lagu kwelek jam 4 sore hangge, at welagaikheba ineilenggen hasukwasik, inom welagaukwa.

YOHANES 1:39 ပူးပေါင်းရင်းမြစ်များ

AMSAL 8:17

Afuni ekhe nen, an inendawinggen hundik halok, an nen it inoba nendawinggen hundik welagiregaro. An hera'nabik noba wesugun halok, an nebe ninom ambi asugun aro.

LUKAS 24:29

A'nogo hilingitikhemo re, it ap aremnogo nen he, mel yagatukwa: ”Ah! O hubasigeluk, mo arat kobok ikhe yoma re, ninom yoma nogo uogo,” iluk, fakfesukwama re, inom nogo uogeluk oloba kwisukwa.

YOHANES 1:38

A'nogo ombo'ne lagunem Yesus elokhe hebekhogo eilenggen yerisasikhesik he, mel yagaisasikhe: ”Nagoromi, hit nena mene herarik wagep?” iluk yagaisasikhemo, iren he, nit ninaneba, ”Wene yaganisikhi lagen mene noe,” iluk u hak, it inaneba, ”Rabi, noe. Hat hawi o koma welagen mene?” iluk yagatukwama,

YOHANES 1:40

Nen, it ap inebe pire Yohanes ane ugunem inesanggo holhukwasik, Yesus ombo'ne lagaukwa mene andem ap ekhe enu re, Andreas, Simon Petrus a'nogo agot.

YOHANES 1:46

at Nataniel en he, mel yagatikhe: ”A! O Nasaret a'lima nen fano mene ekhe elogat wesu hak nogo? Elo'lego,” iluk isikhemo, at Filipus nen he: ”hat heilenggen tomok hanogen eme o,” iluk yagatikhe.

YOHANES 4:40

A'nogo eberogoat himbiret fesukwasigen hobuk Yesus oba wulibi wagaukwasik, mel yagatukwa: ”Hat ninom yoma logouwogo,” iluk fakfesukwama, inom andoma inenggi pire welagaukwa.

YOHANES 6:37

Menere, an pogoroba nen pi wagagi andi re, an nonggwarek nendawimo nen kagalogo hilingisigeluk pi wagagi fuk. We, At laknobagai wagaikhe mene endawimo anggikherek mene andiat higithogo hilingisigeluk pi wagagi andi nen he, afuni an Neisena nen wo'neterek mene inebe lombok noba wagunem he, an nen, hit an noba wesugun lek, iluk wenagisagain lego.

WAHYU 3:20

Yethani! An nebe kweba mendek logolik, kwe ane papaget hikhi lagi o. A'nogo papaget hugunem, sa nen nane esanggo holimbik he, kwe hutneagain halok, an at oba kwi wesimbik he, sumburu ninggi logolik nagailak-hagailak higit nemberek hundik logogun o.