Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOHANES 1:34 - Allah Wene Fano Wene Hupla Inane

34 at ebe neilenggen furogo higiri'mo andi nen he, futfigi o. A'nogo futfigirik, at andi Allah amlogo eberogo aro, iluk, abok hit fakhogo yagahisikhi lagi yi,” iluk yagaisasikhe.

အခန်းကိုကြည့်ပါ။ ကော်ပီ




YOHANES 1:34
42 ပူးပေါင်းရင်းမြစ်များ  

Raja nen ikhi logolik he, ”An he, Tuhan nen wene menfikhe mene andi faget eberogo anggikhi logogin. Aren an noba ikhi logolik he, Hat he An namlogo, Yogondak yi sambul An hat heisena agi o.


A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Nen, an Allah amlogo yi afuni mondogat inonggot meneat he, neisena Allah amuat enek elu welagarek. Andi hak he, an neisena Allah andi, afuni mondogat inonggot meneat he, amlogo an namuat enek nelu welagirego. Nen, Allah amlogo anenat nendawimo anggaluk neisena ebe afuni ekhe inelu asuageluk fakhogo yagaisugunemat inelu agaikharego.


at Simon Petrus a'nogo nen he, ”Hat hebe re, Kristus Allah eluk mondok welagarek mene amlogo, nit telninabuageluk aren lakfei wesigin iluk abok yaganisasikhe a'nogo aro,” iluk yagatikhe.


A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,


at Yesus ane igi'lek kamo isikhemo re, at ap kain Allah eisewerek mene a'nogo nen he, ”Allah amlogo Kristus lakfei wesigin isukwa a'nogo, ebe hat halok he, yaganisanok iluk, at Allah eluk mondok welagarek mene enu hombuk palogo yagaheti o,” iluk yagatikhemo,


”Wi! Haren he, mel isigin anggigi: Allah awi wurik yi meisalogo fembik he, nenggi pireba wuti logombik ekhe henaganek meneba katokhogo wusigin, iluk isigin a'nogo re, hebe Allah amlogo halok he, honggwarek hebe e ariba nen telogo pi me ta!” iluk inunggul kwanit hikhi logolik inane asegen wokhikhi lagaukwa.


Endawinggen Allah oba himbirik logolik, ”An Allah amlogo o, iluk ikhi laga a'nogo re, at Allah nenat teligin anggikhe halok he, telinik he,” iluk isukwa.


Nen, ap tentara mene inoe kain mene inom, agoromi fena Yesus era'lu kagalek welagaukwa mene omanogo inom, lugul langethigik, yi elalin mene hilinglagik, isikhe omanogo ineilenggen hasukwasik inailo hokhorogo agaukwasik he, ”Ap yi re, Allah amlogo eberogoat higi o,” iluk isukwa.


Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.


A'nogo nele were'ma re, at Iblis inendawimo kagalik nikherek mene a'nogo oba wagaikhesik he, ”Hat eberogoat Allah amlogo halok he, helep yoma sumburu roti mene hilinglasuagen yagasin o,” iluk, yagatikhemo,


mel yagatikhe: ”At Allah nen: Hat heisok helep oba temukhogo waranogo iluk, an nagoromi malaikat pogoroba yonggo pelakfisa wagirek mene omanogo nen inenggi talek oba wokhabuagen yagaisagain o, iluk isikhemo lisu palek werek andi, hat eberogoat Allah amlogo halok, pok harogo maroma pin,” iluk yagatikhe.


inane hokhorogoat mel yagatukwa: ”Allah amlogo yi. Haren he, nit ninggi'nogo hilingninabigeluk wagen. Nit ninoasigin oba oan werek kwelegat he, hat tak ninoasigiluk wagen yoma ri!” iluk yagatukwa.


Fano wene, Yesus Kristus, Allah amlogo nen hilingiti lagaikhe wene yagahisak.


Eilenggen hugu kwelek aremnogoat, Allah ane pogoroba nen mel isikhe: ”Hat hebe an namlogo nendawinggen hundik mene. Hat faget nendawimo nagaiyek hakhigirego,” iluk ane pelakfei wagaikhe.


at malaikat a'nogo nen he, ”Allah Areagun hoba louk i wesimbik he, kunmo kwagarek hak, nineisena Tuhan Allah omame hokho andi awe a'ma hobagagin. Hobagaumo re, heak Allah alegat amlogo tasumo re, afuni nen, At andi Allah amlogo, iluk ikhi logogun o.


Allah Areagun sue pel hangge ot oba labok i pi wagaikhe. A'nogo hilingitikhemo re, pogoroba nen ane mel isikhe: ”Namlogo nendawi e! Noba liok ikhe o,” iluk isikhe.


Afuni ekhe nen Allah ebe ineilenggen mondok higi'lek meneat he, at amlogo misigat tago eisena era'lu emberek higit welagaikhe mene andi nenat Allah ebe furogo yaganisa wagaikhe andi.


At Nataniel en he, mel yagatikhe: ”Noe. Allah amlogo nit Israel mene ninoe kain Henupogot he, harat hiigi o,” iluk yagatikhe.


”Neisena nemberek ninebe re, misigaro,” iluk yagaisikhi lagaikhemo,


An nen he, Nebe Allah amlogo, igi andi nen, Allah enu weagete, iluk nenahalok ikhi lagep? Allah nenat nayonggo fuluk eberogoat nebe wenagaisogo kweangma yoma laknobagai wagaikhe meneat he, nenahalok ikhi lagep.


At Marta nen he, mel yagatikhe: ”Noe, hat hebe Allah amlogo Kristus Allah nen wenagaisogo menfuluk lakfei wesigin isukwa a'nogo harat, iluk fut hobagagi o,” iluk yagatikhe.


it ap Yahudi mene omanogo nen he, mel yagatukwa: ”Aren ikhi logolik, An nebe Allah amlogo, isikhe andi nen, wene Allah nen komotninafikhe wene, niren hilingitorek andi higithogoat ebe wasu higit aro. Halok he, wasugun anggikhi lago,” iluk yagatukwa.


A'nogo yagatikhemo, at Tomas nen he, ”Eige! Noe, hebe henupogot Allah at hiigi o,” iluk yagatikhemo,


A'nogo meneat he, lisu palek werek yi mondogat he, hiren he, Yesus andi Allah amlogo, nit afuni telninabuageluk wenagaisogo lakfei wagaikhe a'nogo eberogoat iluk futfuluk hinendawinggen at oba eberogoat himbiret fuluk At enu hombuk palhunem hineluk mondok logobagaigeniluk lisu palogo figi o.


Niren he, ninoe hat Allah onggwarek faget menhobagaluk, eberogoat aren lakfagai wagaikhemo iluk, fut hobagagosik ninendawinggen hat hoba himbiret fogo o,” iluk a'nogo yagatikhemo.


At Allah amlogo Yesus Kristus, an nebe nen yagahisigik, Silas nen yagahisigik, Timotius nen yagahisigik, isugu mene a'nogo obabut he, ”Io,” ilugen, ”Lego,” iluk ikherek lek. Allah nen, ”Io. Wokhisagain,” iluk abok yaganisa hak, Yesus ebe wo'nisasikhemo werek andi.


Ap sa nen, ”Allah amlogo andi, ebe nabit,” iluk kobologo lakfisikhe halok, eisena Allah ebe wanhi'legaro. Nen, ap sa nen, ”Allah amlogo ebe andi aro,” iluk ane fakhogo ikhe halok, eisena Allah ebe wanhe aro.


Nen, at ekhe nen obabut weak hilingitu mondok welagarek halok he, at Iblis obabut eroba nenat weak hilingiri'logo andi nen he, at andi ebe re, Iblis amlogo werego. Mene re, at Allah amlogo weinamhogo wagaikhe andi re, at Iblis obabut hilingiterek mene andi, mondok sebelogo legetfisageluk wagaikhe o.


Mene re, Allah nen, ”Hit hinebe nendawi welagi,” iluk fakhogo sele'mat feigeluk, amlogo misigat tago a'nogo nen, nineluget ninabuageluk kweangma pelabi wagaikhe andi.


At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.


Ap sa nen wene Kristus nen yaganisasikhe wene andiba louksek hilingitu welagi'lek, hunogoat mene hilingiterek halok he, Allah ebe eisewerek agi'lek werego. A'nogo meneat he, ap sa nen wene Kristus nen yaganisasikhe wene andiba louksek hilingitu logogin halok he, nineisena Allah inom, amlogo Yesus inom, emberek eisewerek agaikhasik werego.


A'nogo yaganetesik hobuk mel yaganete: ”An Allah amlogo neilenggen endu amulok hangge, nen, neisok he, tembaga endumo weratunem amulit papaget hikherek andi hangge a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Tiatira andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palino:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ