Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOHANES 1:19 - Allah Wene Fano Wene Hupla Inane

19 At Yohanes nen wene a'nogo yagaisikho were'ma, it ap Allah eisewerek mene inom, inunggulenu Lewi mene inomen, ”Yohanes. Hat hebe re sa nogo?” iluk, oba heinok wanuageluk, ap Yahudi mene o Yerusalem en lakfisa wagaukwama Yohanes oba wagaukwa.

အခန်းကိုကြည့်ပါ။ ကော်ပီ




YOHANES 1:19
27 ပူးပေါင်းရင်းမြစ်များ  

It ap kaindek Yahudi mene era'lu andogosi wagaukwasik he, mel yagatukwa: ”Ninendawinggen firik werek kwelek herakninobagakhi lagen yi, ninendawinggen siokhogo, huli ninenggi kiba nen yaganisagain. Allah nen Kristus ayonggo fuluk lakfei wesigin isikhe a'nogo hebe harat halok he, fakhogoat yaganisan o,” iluk yagati lagaukwama,


it ap kaindek Yahudi mene nen he, helep inenggim wanhukwasik Yesus ebe mondok wasuogeluk isukwa.


it afuni Yahudi mene hokhorogo, he Maria inom, Marta inom, inerei Lazarus ware'ma inendawimo fanorogo iluk, inoba wagaukwasik welagaukwa.


Yesus nen it ap omanogo a'nogo yagaisasikhemo, it ap kaindek Yahudi mene nen Yesus ebe wenageti logoligat he, mel yagatukwa: ”Haren hilingiten yi re, eisewerek logolik hilingisu hagat hilingitenma, iluk futhobagauwogen he, elalin mene ekhe hilingisin ta,” iluk wenagetukwa.


A'nogo yagaisasikhemo re, it ap kaindek Yahudi mene omanogo nen he, mel yagatukwa: ”Aha! Allah awi yi oan wutu kwelek 46 tahun welago meneat he, haren, nenggi pire wuti logombigen, nenggi ekheba nen arat wusigin iluk egen andi re, elogat wusu hagen egen a? Elo'lego,” iluk yagatukwa.


A'nogo weat werek kwelek higitikhemo lagunem he, it ap kaindek Yahudi mene nen ineilenggen hasukwasik he, ap ou kerat fano aga mene a'nogo mel yagatukwa: ”Nagot yi. O yogondak he, ninenggi sabit oba Allah faget weat logolik, hat halit andi waluk la lek mene waluk laga lagen o,” iluk yagatukwa.


A'nogo yagatikhemo, at ap a'nogo it ap kaindek Yahudi mene inoba lagaikhesik he, wene mel yagaisasikhe: ”Ap an ou higitnafe igi a'nogo re, Yesus nenat higitnafemo o,” iluk yagaisasikhe.


A'nogo yagaisasikhemo re, it afuni Yahudi mene inenggi sabit oba Allah faget weat werek kwelek, Yesus nen ap a'nogo ou fano higitikhe andi nen, at Yesus ebe weaget fouwogeluk isukwa.


it ap kaindek Yahudi mene omanogo nen inenggi sabit oba Allah faget weat logolik, Yesus nen ou higisu lek mene higitikhe andiba nek ebe wasuogeluk isukwa fuk. Athe, aren, ”An nebe Allah nemberek higit,” u hak he, ”An neisena ebe Allah aro,” iluk isikhe andi nen ebe wasuogeluk ebenagai'mo weim abok isukwa.


At Yesus nen a'nogo yagaisikhi logolik, ”Sumburu roti pogoroba mene andi re, an nebeat pi wagagi o,” iluk yagaisasikhe andi nen, it ap Yahudi mene nen, at abok nguluk-habuk palhi logolik,


A'nogo yagaisasikhemo re, it ap Yahudi mene omanogo, it-it wene palhi logolik he, wene mel isukwa: ”Ap yi sani, ap yi ebe mene nit noageluk ninggi'nogo wo'nisagelugen yaganisikhe anggegep?” iluk isukwama.


Wene a'nogo arat yagaisasikhesik he, it ap kaindek Yahudi mene nen, Yesus ebe wasuogeluk weim abok ikhi lagaukwa andi nen he, at ebe o Yudea pimbik nikhi logou abiren he, o Galilea tonggwe andoma nikhi lagaikhe.


Andoma pisikhesik werek kwelek, it ap kaindek Yahudi mene seni isatunem logolik Yesus ebe herasuogeluk heinok wanhi logolik he, ”At ebe koma werek?” iluk isukwama,


Yagaisugunem he, it ap kaindek Yahudi mene nen he, mel isukwa: ”Egi! Nailo e. Ap yi sekolah hilingiti'lek meneat he, yi wene ti wene yoma ninggi'nogo nen elu aga anggegep,” iluk isukwama,


it ap Yahudi mene inogogwi omanogo nen he, mel isukwa: ”Ap yi nen yaganisikhi logolik he, o an lagain oba andoma hit logoin elo'lego, iluk yaganisikhe andi re, at onggwaregen warageluk ili'logo he a,” iluk isukwama,


At Yesus nen wene a'nogo yagaisasikhemo, it ap Yahudi mene omanogo nen he, mel yagatukwa: ”Hat hebe ap Samaria mene yi re! Munggwarengge obabut weak mene hendawimo kwikhesik werego, iluk ikhi lago a'nogo eberogoat yagaheti lago higi,” iluk yagati lagaukwama re,


it ap Yahudi mene omanogo nen he, mel yagatukwa. ”Ap Abraham inom, ap Allah ane yagaisikhi lagaukwa mene omanogo inom, arat wa'larik lagaukwa meneat he, haren ikhi logolik, ap sa nen an nane hologo hilingiti logogin halok, wa'lagi'lek eluk mondok logogin o, iluk egen andi nen he, munggwarengge obabut weak mene eberogoat hendawimo kwikhesik werek, iluk futhobagogo.


it ap Yahudi mene omanogo nen he, mel yagatukwa: ”Hat hebe ta'lagagin oba nen 50 tahun oan hilinglagi'lek meneat he, Abraham elok heilenggen hasigindigen ikhi lagen a? Elo'lego,” iluk yagatukwama,


Yagaisikhi lagaikhesik, aren hilingisu mene arat hilingiti lagaikhesik, wurep oba hilingisigeluk he, mel yagaisasikhe: Hiren an sa anggikhi lagep. Hiren nenangorogo welagep andi, ebe an lego. Hinendawimo eberek logoino. At ebe an nombo'ne wesigin o. Wagunem he, an nebe yenggerek. Kain he, ebe araro. At eisok sepatu laberek mene andi, an nen fikhaligin elo'lego, iluk yagaisasikhe.


A'nogo yagatukwama, at Paulus nen he, ”Yohanes nen ima pelaginafi lagaikhe andi, it afuni nen, weak hilingiti lago mene arat herakfisogosik ninobabut hebelago, iluk ugu halok pelaginafi lagaikhe. A'nogo pelaginafi logolik he, mel yagaisikhi lagaikhe: An nombo'ne ap ekhe wesigin. Halok hinendawinggen at oba himbiret fuluk logoino o, iluk ebe Yesus fagerat yagaisikhi lagaikhe andi,” iluk yagaisasikhe.


Nen, hit ekhe hinoumo henanggo inailo mene hinoba aga halok, it ap Allah eisewerek Lewi mene nen, yi'nogo hilingi'no, ti'nogo hilingi'no, iluk yagahisoagaluk yagaisigi mene iren yagahisugunem mondok higithogoat hilingiti logoino o.


Allah amlogo nen yaganisikhi logolik he: ”Allah ebe re, selek andi atma re, o mum he at oba welagarek mondok lek,” iluk yaganisasikhe mene, nit ninesanggo arat holhugu mene yagahisikhi lago andi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ