YOHANES 1:15 - Allah Wene Fano Wene Hupla Inane

¹⁵ Wene at ebe faget Yohanes nen mel yagaisasikhe: ”An nombo'ne hobuk ap ekhe wesigin, iluk abok yagahisigirek a'nogo re, ebe yi aro. At yi hobuk an nombo'ne waga meneat he, ebe an oan ta'lagi'lek werek kwelek, at attagat welagaikhe andi nen he, an nebe sebelek mene, noe Kain mene re, araro,” iluk ane hokhorogo yagaisikhi lagaikhe.

YOHANES 1:15 ပူးပေါင်းရင်းမြစ်များ

MATIUS 3:11

A'nogo yagaisasikhesik ekhe mel yagaisasikhe: ”Hit weak hilingiti lagep mene herakfisaluk hinobabut eberogoat hebelaga iluk, an nebe yenggerek nomame lek mene nen we ima pelakhinafi lagi. Mene re, at kain omame hokho mene hobuk wesigin o. At ebe kain omame hokho andi nen he, an nebe yenggerek mene nen eisok sepatu kwelabek mene waluk la re elo'legat. Aren ima pelakhinabu hak, Allah Areagun inom, endu inom, hinoba pelakfei wesigin o.

KOLOSE 1:17

At Allah nen yi mene ti mene oan elalhi'lek werek kwelek at Kristus ebe welagaikhesik he, yogondak yi mene ti mene obali'mo lombok werek andi. Arenat fisogo were'ma fano werego.

YOHANES 17:5

Neisena. Kweang oan elalhi'lek logolik, nemberegat esin welagagu a'nogo mene yogondak hat were'ma andoma esinet nobagain o.

LUKAS 3:16

at Yohanes nen mel yagaisasikhe: ”An nebe yenggerek mene nen we ima nek pelakhinafi lagi o. Mene re, at ekhe kain omame hokho mene hobuk wesigin o. At ebe wesimbik he, aren ima pelakhinabu hak, Allah Areagun inom, endu inom, hinoba pelakfei wesigin o. At ebe kain omame hokho andi nen he, eisok hele homago mene, an yenggerek mene nen fikhaligin he, elo'lego.

MIKHA 5:2

Tuhan nen hobuk a'nogo hilinginabigin iluk, yogondak we elama ya it ninaselei mene nen fetninarek logolik yaganisikhi logouwageluk ninobagaikhemo logogun andi. A'nogo fetninarek logolik werek kwelek at raja andi agaisa nen tasigin iluk Allah nen anggasikhe higithogo ta'lagu halok, afuni at unggulenu mene hele warogo woginarek lagaukwa mene andoma re hobuk it inunggulenu Israel mene inom sebesi wesugun.

YOHANES 8:58

aren he, mel yagaisasikhe: ”An nane eberogo yagahisago. Ap Abraham andi ebe oan ta'lagi'lek werek kwelek, an netok mondogat welagirego,” iluk yagaisasikhe

WAHYU 2:8

A'nogo yaganetesik, hobuk yaganeti logolik, ”An he, eroba nen pikhit erembul oba mondok logogin mene a'nogo arat wa'lagagisigen hobuk neluk agagisik welagirek mene a'nogo nen, wene yi yagahesik: At Allah nen malaikat ayonggo fesikhesik lakfei wesu hak, at againafuri o Smirna andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yagahesik:

IBRANI 13:8

At Yesus Kristus ebe re, o attagen, yogondagen, etok mondok welagarek andi hak, hobuk a'nogoat etok mondok logogin o.

YOHANES 1:27

At andi ebe hobuk an nombo'ne waga meneat he, at ebe kain, an nebe yenggerek andi nen he, at eisok sepatu kwelabek mene andi, an nen nonggoligin elo'lego,” iluk yagaisasikhe.

MARKUS 1:7

Ariginhi logolik, mel yagaisikhi lagaikhe: ”An nebe yenggerek nomame lek mene wagi yi, ap kain omame hokho mene hobuk wesigin o. At ebe kain omame hokho andi nen he, at eisok agut yelik mene an nen neindep awi yakfulugen fikhaligin he, elo'lego.

WAHYU 1:11

”Hat heilenggen hagain mene andi, lisu palino o. Palogo re, it Allah againafuri 7 gereja nen andogotarek mene, o enu Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba lakfeino o,” iluk yaganete.

YESAYA 9:6

At ebe re Daud en tagomangge mene ebe raja logolik ferinarek logogin. At omame mondok hokho logogin. Aren ferinarek logogin kwe andoma mondogat he liok-layokhogo nek were'ma mondok fanorogo logogun. O Aren ferinarek logogin oba andi re wene higithogo tegetu awene inom, wene melalek werek meneba inom higithogo hilingitu logolik yogondak huli nen hobuk huli andoma mondok-mondok logogin. Nineisena Tuhan Omame Mondok Hokho mene a'nogo nen andoma mondogat eberogo nek hilingisigin o,” isikhe.

AMSAL 8:22

Attak Allah nen yi mene ti mene elalhi'lek logolik, an tak elalnafikhe. Afuni nen inagainafuri manggusa taginafarek andi hak, Aren attak elalhikhe mene re, an nebe aro.