YOHANES 1:14 - Allah Wene Fano Wene Hupla Inane

¹⁴ Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 1:14 ပူးပေါင်းရင်းမြစ်များ

MAZMUR 2:7

Raja nen ikhi logolik he, ”An he, Tuhan nen wene menfikhe mene andi faget eberogo anggikhi logogin. Aren an noba ikhi logolik he, Hat he An namlogo, Yogondak yi sambul An hat heisena agi o.

MAZMUR 45:2

An nane pugun paganhogo nendawimo nen lagai wagunem ikhi lagi mene andoma re, at raja faget ikhi lagi o. Ap wuni kogalek awuni felalhi lagaukwa mene mondok inendawi kagalek mene nen lisu palu hak, an namelinggen oba nen kogalek awuni nek foukhogo welagi o.

MAZMUR 85:9

Niren ninambotkwe sugulogo weak hilingisi lago lek halok he, hit hinendawi serogo logobagaigen hinobagagin iluk Aren nit againafuri ninoba wene watnisikhe. Arigini'mo an he, At nineisena Tuhan Allah ane ili'lago mene andi nek nesanggo holek logoile namolo welagi o.

YESAYA 40:5

Andiba re At Tuhan Omame Mondok Hokho welagarek mene a'nogo weinamet fugunem yi afuni ti afuni inebe mondogaren ineilenggen hogoin o. Wene andi eberogo mene, Tuhan ebe nenat ikhe!”

YESAYA 53:2

Tuhan endawimo anggikhi logolik At amingmingengge andi re e kweang amusu le'ma nen fulelogo lagaikherek hak lagauwak anggikherek. Niren at he fano pugun se'ma hogoin oba ekhe werek lek, nen nit ninamolo a'luk ninendawinggen wanu mene ogo ekhe werek legat.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

YEHEZKIEL 37:27

An he hit ninom hundik mondok logolik it inebe An nagainafuri asugun nen An he it ineisena Allah asigin.

MATIUS 1:16

Yakub en Yusup he Maria agun a'nogo, tatik, he Maria nen he, Yesus, niren Kristus ikhi lago a'nogo tatik, eroba nen taginabik wagaukwa.

LUKAS 2:11

Yogondak telhinabigin mene kain Enupogot Kristus a'nogo, o ap Daud awi sili welagaikheba a'nogo ta'lagasik werego.

LUKAS 2:7

eak manggusa abat takhasikhe. Takhasikhesik he, o afuni pok mene nogo agarek oba mondok peteregen he, su kain meneba yinggilogo, e sang tale'ma wam amburu ninggerek oba ebe fesukwa.

LUKAS 9:32

A'nogo ugu kwelek, at Petrus agaila'lak aremnogo inom nogo ineil agaikhemo nogo isukwasik, ineluk agaukwasik he Yesus ebe amulit hokho yegelhugunem, ap inebe pire aremnogo Yesus inom were'ma ineilenggen isasukwa.

YOHANES 1:1

Omanggum eroba nen, wene Ebe Wene welagaikhe. Ebe Wene andi re, Allah inomat logolik he, ebe Allah at welagaikhe.

YOHANES 11:40

at Yesus nen he, mel yagatikhe: ”An nen wene yagaheti logolik, hendawinggen an noba eberogo himbiret fegen halok he, Allah fogeratarek mene a'nogo nen ekhe hilingitunem heilenggen hagain aro, iluk arat yagaheti lek nogo? Yagaheti aro,” iluk yagatikhemo,

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

YOHANES 14:9

at Yesus nen he, mel yagatikhe: ”Filipus nagore. An o endamat a'lima nenat ninom welago meneat he, haren an nebe futnobabagagi'lek welagenma higi, i a? At sa nen an eilenggen niikhe andi re, An Neisena eilenggen hikhe o. A'nogo meneat he, haren, Heisena andi yaganisan o, iluk egen andi ninggi'nogo nen egen.

YOHANES 17:22

Nit ninebe misigat welagorek andi hak, it a'nogoat inebe misigat logouwageluk, an nebe haren esinetnafigin hak, an nen it arat esinet fisigi o.

YOHANES 17:24

Allah neisena, haren kweang oan elalhi'lek logolik, an nebe hendawinggen hundik welagagin andi nen he, fogethafi logouwageluk esinetnafigin a'nogo, it haren fageat wo'netigin mene omanogo ineilenggen neoageluk, o an logogin oba andoma, it ninomat logogun namolo o.

YOHANES 18:37

at Pilatus nen he, ”Halok he, hat eberogoat kain Henupogot he a,” iluk ikhi lagaikhemo, at Yesus nen he, mel yagatikhe: ”An nebe kain Nenupogot hat egen andi aro. Andi fagerat an nen ebe wene abok fakhogo yagaisikhi logoigeluk nebe kweangma yoma pi wagagisik ta'lagagi o. Afuni wene ebe wene andi werekwe asi lagaikha mene nek inebe lombok an nane inesanggo holi'lagwi o,” iluk yagati lagaikhemo,

YOHANES 2:11

At Yesus ebe futfouwageluk elalin mene ekhe hilnigiti'le'ma attak hilingitikhe re, o Galilea o sili Kana logolik hilingitkhe andi. A'nogo hilingitikhe andiba, at fogeratarek mene inelurogo yagaisasikhemo, it at agoromi ane wanhi lagaukwa mene omanogo Yesus ebe futfesukwasik, inendawinggen at oba eberogoat himbiret fesukwa.

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

YOHANES 3:18

Halok, sa nen endawinggen an noba eberogoat himbiret fikhe halok he, Allah nen wene oba fuluk weaget fagain lek meneat he, sa nen endawinggen an Allah amlogo misigat tago mene yi noba eberogoat himbiret figi'lek andi nenat weaget fagain mene wene arat oba fikhemo werego.

YOHANES 6:51

Sumburu inelugerinaferek mene pogoroba nen pi wagarek andi re, an nebe aro. Sumburu an nen wogisagain mene andi, ap sa nen nunggu halok, at ebe eluk mondok logogin o. Afuni kweangma mene ineluk logouwageluk an nebe it faget wa'lasigin andi, an nebeat wogisagain,” iluk yagaisasikhe.

YOHANES 8:32

wene ebe wene hinelu asigin o. Hinelu asumo, wene ebe wene andibaat hinebe hele fikhalogo hinale'ma hinobagagin o,” iluk yagaisikhi lagaikhemo,

ROMA 8:3

Attak he, Allah nen komotninafikhe wene a'nogo, nit afuni ninobabut lebelek andi nen he, fano hilingninabu elo'lek agaikhe. Elo'lek agaikhemo re, nit afuni ninobabut weak hilingitu were'ma, Allah onggwarek amlogo nit hangge hilingla'luk, nit weak hilingitorek mene andi wene oba fesikhesik sebelfisoageluk lakfei wagaikhemo sebelfisasikhe andi.

ROMA 9:5

Nit ninombalak he, iren tagongge mene. At Kristus ebe nit afuni ta'lagorek hak ta'lagaikhe andi, it mene nen tatukwa mene re, ebe Allah mene aro. Yi mene ti mene mondogat he, a'ma hak meneat he, at enek he, abel ponggwe lego mene andi nen he, at enek fogerati logogun andi, ebe asuak, iluk u hak, ”Amin,” ikhi logouwok.

1 KORINTUS 15:47

Allah nen attak ap Adam andi ebe kweang abu'ne mene elalhikhesi'mo re, obabut kweang mene aro. Meneat he, ap Adam hobuk mene andi pogoroba nenat wagaikhe.

2 KORINTUS 12:9

aren he: ”Hat lebelek halok he, an nomame hokhoatma hebe nendawithafirek mene a'nogo nen, elok fanothafi logogin o,” iluk yaganetikhe. A'nogo yaganetikhe andi nen, at Kristus omame an nendawimo nobagasikhe mene andiat logouwageluk he, an nebe lebelegat logolik, nendawimo nagaiyekhogo fogerakhikhi logogin o.

GALATIA 4:4

Were'ma re, at Allah nen amlogo ayonggo fesikhesik kweangma lakfei wesigin arat higit asi wagaikhemo re, lakfei wagaikhemo, he kweangma mene nenat tatikhe. A'nogo tatikhemo, wene Allah nen komotnininafikhe wene a'nogo awe a'ma logolik esanggo hologo hilingiti lagaikhe.

EFESUS 3:8

Allah againafuri mene mondogat inenuwerek werek kwelegat he, an nenu lek, elo'lek mene, at Allah obabut fano nen, fano wene pilingisogo u elo'lek mene, Kristus nen wogisikherek a'nogo afuni endakwe mene yagaisilik nikhi logouwageluk nayonggo fesikhesik neabu andi wo'netikhemo welagi.

KOLOSE 1:19

At Allah nen: ”An nendawimo namolo re, an nobabut netok mondok welagirek andi hak, an namlogo a'nogoat nemberek higit mondogat logouwago,” iluk, endawimo anggasikhe higithogoat welagarek.

KOLOSE 2:3

Allah endawimo wenggelek logolik, yi wene ti wene mondok elu mene andi re, at endawimo hinago welagaikhe meneat he, Kristus alegaren fakhogo yaganisikherek.

KOLOSE 2:9

Mene re, Allah ebe abirengge mondogat Kristus endawimo were'ma at ebe afuni higirat ta'lasi wagaikhesik welagaikhe andi.

1 TIMOTIUS 3:16

Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.

IBRANI 1:3

Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.

IBRANI 1:5

Allah nen at yagati logolik, ”Hat An namlogo o. Hebe yogondak takhafi,” iluk, yagatikhe andi hak, it malaikat mene ekhe wene a'nogo yagaisasikhe nogo? Lego. Nen ekhe re, ”An he, at eisena asigin. Nen, athe, an namlogo asuak,” iluk it malaikat ekhe yagaisasikhe nogo? Legaro.

IBRANI 10:5

A'nogo hilingiti lagaukwa andi nen, at Kristus kweangma pi waga logolik, Allah mel yagatikhe: ”Hat he, afuni nen wam wathetik, yi mene ti mene wokhetik, agarek andi mene wokheti logogun habit andi nen he, an nebe afuni hangge hilingisogo nobagagin yi o.

IBRANI 2:11

Yesus ebe, nit afuni weak hilingitorek mene hotninafikhe mene inom, nit aren horogo ninobagaikhemo welago mene inom, ninom lambukhogo re, nineisena misigat. Andi nen he, at Yesus nen enggali legat, ”It afuni andi an nerugwi nagaila'lago,” iluk ikherek andi.

IBRANI 5:5

At Kristus a'nogoat, ”An Allah eisewerek kain logogin,” iluk onggwaregen wenagaisogo menfakhigi'lek. We, at Allah nenat wenagaisogo menfesikhesik wene mel yagatikhe: ”Hat An namlogo o. Hebe yogondak takhafi,” iluk yagatikhe andi.

1 YOHANES 4:14

Niren he, ”Allah nen amlogo nineilenggen hikhi lagagu mene andi nen, nit afuni kweangma mene telninabuageluk lakfei wagaikhemo,” iluk abok fakhogo yagahisikhi lago.

1 YOHANES 4:9

Mene re, Allah nen, ”Hit hinebe nendawi welagi,” iluk fakhogo sele'mat feigeluk, amlogo misigat tago a'nogo nen, nineluget ninabuageluk kweangma pelabi wagaikhe andi.

2 YOHANES 1:7

A'nogo hilingiti logogun andi re, it afuni inebe hokhorogoaren, ”Yesus Kristus andi abat ta'lasi wagi'lek,” iluk, lalinafarek mene inebe weinam agaikhasik kweangma o yi awi ti awi mondogat sagarek andi nen, nendawi-hendawirogo hilingiti logogun igi andi o. It andi inebe re, Kristus inom mondok weak logolik afuni lalinafarek mene a'nogo aro.

WAHYU 19:13

Nen, at andi asu uan mep labulik mene laberogo, nen, enu re Allah Wene ikhi lagaikha.

WAHYU 21:3

A'nogo higiri'mo nen, hobuk nesanggo holhi hak he, at Allah kain welagarek obuluk oba a'nogo nen, at ekhe ane hokhorogo ikhi logolik: ”Yethani! Allah afuni inom mondok logogin mene, awi a'li yethani! A'nogo logolik, it at againafuriat logogun, nen, at Allah it ineisena inendawinggen oba eberogoat himbirik logogun meneat logolik, inom mondok logogun o.