YOHANES 1:11 - Allah Wene Fano Wene Hupla Inane

¹¹ At onggwarek awiba wagaikhe meneat he, at oe agoren ebe wanhi'lek herakfisasukwa.

YOHANES 1:11 ပူးပေါင်းရင်းမြစ်များ

MATIUS 15:24

A'nogo yagatukwama, at Yesus nen he, mel yagaisasikhe: ”Allah nen it afuni Israel mene inebe re, wam domba longgo i lagarek andi hak werek andi nen, it enek isa lan iluk laknobagai wagama o,” iluk yagaisasikhe.

LUKAS 19:14

Lagu kwelek he, it oe agot omanogo ap andi inabiren he, wene palhukwasik, at ap andi ninoe kain enupogot logogin he, ninabit, iluk yagaisa lano, iluk, yonggo ombo'ne lakfisasukwa.

YOHANES 1:10

Arenat pogot kweang eleahikhe meneat he, at ebe kweangma wagaikhesik were'ma re, it afuni kweangma mene yoma nen, at ebe futfigi'lek welagaukwa.

YOHANES 1:12

A'nogo herakfisasukwa meneat he, it afuni ekhe nen at ebe wanhukwasik he, inendawinggen at oba himbiret fesukwama, Allah nen at againafuri ebe mene asuageluk miginafikhe.

YOHANES 19:27

at agot a'nogo yagati logolik he, ”Nagot. Hat hagaisa ari aro,” iluk ugu kwelek aremnogoat Yesus agaisa a'nogo, at agot a'nogo ouwa'ma logouwageluk awiba waluk lagaikhe.

YOHANES 3:32

At eilenggen hasikhe mene inom, esanggo holhikhe mene inom, fakhogo yagaisugu kwelek meneat he, it afuni mondogaren he, aren wene pilingisogo yagaisikherek mene andi, inobakhe nene herakfisili'lagwi.

KISAH PARA RASUL 13:26

Halok he, hit afuni Abraham en tagongge mene inom, endakwe mene Allah ane hologo hilingiti lagep mene yoma inom, nerugwi nagaila'lak. Wene telninabigin wene andi Allah nen nirat ninoba lakfei wagama yi.

KISAH PARA RASUL 13:46

A'nogo isukwa meneat he, it Paulus Barnabas emberegat inailo lek hogoat logolik he, mel isukwa: ”Allah ane andi hit tak yagahisa hagat yagahisa wago meneat he, hit hinabiren herakfisikhi lagep, hinonggwaregen he, nit nabulal-habulal hilingninabigin he, ninabiro, iluk u hagat ikhi lagep andi nen, nit nineisena Allah nen ninayonggo fikhi logolik yaganisasikhe hagat hilingisugun. Aren: An nen he, afuni endakwe mene selegerinafik, o wurep oba werek mene telinafik, igeluk he, esage ibilik hangge, hit hinebe heragaisogo menhinobagagi o, iluk yaganisasikhe higithogo, hebekhogo it afuni endakwe mene yagaisa logoin o,” iluk yagaisasukwa.

KISAH PARA RASUL 21:6

A'nogo iluk, hai wat-wat ikhi lagagusik, it inambotkwe inaiba wagu kwelek, nit e so elema kwisugu.

ROMA 15:8

Wene andi faget ekhe yagahisak. At Kristus wagaikhesik he, it inagap inenggalimo mene palek Yahudi mene omanogo inawe a'ma kwisikhe andi. A'nogo kwisikhe andi re, Allah nen he: ”An nen yi'nogo hilinginabigin o,” iluk ninambulak abok yagaisikhi lagaikhe a'nogo eberogoat ebe agik,

ROMA 9:1

An nerugwi nagaila'lak ninunggulenu misigat mene weak werek andi nen, nendawinggen weagat welagik, kwanirek welagik, ikhi lagi. Nendawimo nen he, ”Allah nen, an Kristus nemberek hundik welago mene andi kobokhogo heraknobagaluk, it inobali'mo homan nobagailebe, anggikhi lagi andiba, it woginabile,” iluk Kristus nemberek hundik logolik igi andi re, eberogoat igi. Nera nen igi lego. Allah Areagun nendawimo logolik, ”Wene andi re, eberogoat,” iluk yaganetik, nonggwarek nendawimo nen ogo re, ”Eberogoat igi,” iluk anggigik, igirek.

ROMA 9:5

Nit ninombalak he, iren tagongge mene. At Kristus ebe nit afuni ta'lagorek hak ta'lagaikhe andi, it mene nen tatukwa mene re, ebe Allah mene aro. Yi mene ti mene mondogat he, a'ma hak meneat he, at enek he, abel ponggwe lego mene andi nen he, at enek fogerati logogun andi, ebe asuak, iluk u hak, ”Amin,” ikhi logouwok.

GALATIA 4:4

Were'ma re, at Allah nen amlogo ayonggo fesikhesik kweangma lakfei wesigin arat higit asi wagaikhemo re, lakfei wagaikhemo, he kweangma mene nenat tatikhe. A'nogo tatikhemo, wene Allah nen komotnininafikhe wene a'nogo awe a'ma logolik esanggo hologo hilingiti lagaikhe.