YOEL 3:9 - Allah Wene Fano Wene Hupla Inane

⁹ Wene yi, afuni inunggulenu lombok yagaisikhi logolik he, mel ino: Weim yabuogoluk fik fougetik, ap tentara inobabut mondok weak mene andogorogo fisigik, inagoromi inobabut mondok hibilik hebelek mene mondogat wesuageluk inayonggo figik, imbik he, weim sineli we'ni o.

YOEL 3:9 ပူးပေါင်းရင်းမြစ်များ

MAZMUR 96:10

Hiren afuni inunggulenu amu mene inoba yagaisikhi logolik he, Tuhan andi re ebe Raja werego! Kweang he mondok ningmanibere'ma re abolok u lek hak, Aren afuni kweangma werek mene katokhogo nek inawene pilingisogo ayo wurinafarek, iluk yagaisikhi logoni.

YESAYA 34:1

Yago, hit yi afuni ti afuni hinunggulenu lombok welagep mene omanogo andogosi we'luk he hinesanggo holi we'ni o. O kweangma welagaikharek mene felelenghogo wesimbik holuak.

YEREMIA 31:10

Tuhan nen ikhi logolik, ”Yago, hit yi afuni ti afuni hinunggulenu lombok andoma nen holini o! I laut fena fikhit andoma An nane ikhi lagi mene andi yagaisa lani. An nagainafuri An nen telfol isasigi mene omanogo re, An nen andogorogo fisa wesimbik afuni nen domba halharek hak, An nen halinafi logogin.

YEREMIA 50:2

”Enek engge porogo hilingfuluk he yi afuni ti afuni inunggulenu lombok faget wene menfikhi logolik Babel he sebelaga o ino! Wene andi re sebelogo fou fuk! It inanggembu Dewa Merodakh a'nogore mondogat wolelenggen ete, nen alik waganek mene hemi inom ap inom inalfulukwa kogouk hilingik mene omanogo re eraphogo yinhun ikhe, nen kembu aren mene mondogat inenggalirogo hilingik mene omanogo re wolelenggenhogo lek aga o, iluk yagaisano.

YEREMIA 51:11

Tuhan nen he Babel wolelenggen inabigiluk he ap raja-raja Media mene inoba inayonggo fikhe. Aren ap Tuhan Aiba a'nogo weaget fesukwa mene andoma inoba ambisangma hilingfisageluk he a'nogo hilingite andi. Ap sikhe pisogo inap inogogwi perwira nen he,” Tok enggat kabelini! Tok peiyengge fouge'ni!,

YEREMIA 51:27

Hat raja utara fikhit mene yi re! Weim sineli kwikhi logolik enenggetan o! Ap inunggulenu mene nen holouwageluk trompet ane fusin! Yi afuni ti afuni inunggulenu lombok lirinabimbik he Babel hinom weim yabini. Ap kerajaan Ararat mene inom, Mini mene inom, Askenas mene inom ogore, tok sineli wesuageluk yagaisan. Pin kugun mene andi faget melalinafu mene ap misik ekhe inoe panglima logouwageluk menfein o. Kuda re pulue esa hangge omanogo abologetan o.

YEREMIA 6:4

A'nogo logolik iren yi'nogo ikhi logogun, ”Nit he o Yerusalem pin kugun enggere fik-foukhogo hilingi'ni o! We o linggene yibaat kuogen weni!” ikhi logogun. A'nogo ikhi la'lugen nekhengge iren ikhi logolik he, ”Eige, nit he aninuto higi! Ninafumak mondogat uan agik, o arat mumumenggetik, hilingiri'lago yi o.

YEHEZKIEL 38:17

Hat hobaget An nen namingmingengge nabi Israel mene inebene nen nane isigi lek nogo? Iren wene hobuk hilinglasigin mene faget ikhi logolik, An nen he ap misik ekheba Israel mene huginabi loageluk mimingisigin o, iluk iren yagahisikhi lagaukwaat anggigi. Iluk An Tuhan Lego Mondok welagirek mene a'nogo nen nane mondogat igi,” ikhe.

YEHEZKIEL 38:7

At fik-foukhogo logouwageluk yagaom, at agoromi tentara inom sebe'luk lagaikharek mene omanogo re enegengge hilingitu mene hol fuluk hilingisugun nen he foukhogo logouwageluk miming inabino.

MIKHA 3:5

Afuni an nunggulenu mene ap nabi heaba lalinafi logolik he, it ekhe nen ambi uang wogisagarek mene inoba re, ”Hobuk fanorogo logogun,” iluk yagaisigik, nen it ekhe wogisugu lek mene omanogo inoba re inendawimo seramet fisaluk he inom weim palek hak welagik, hilingiri'lagwi andi. Nen it ap inebe nabi heaba logolik a'nogo hilingitarek inap andoma faget Tuhan nen ikhi logolik he,

HAGAI 2:7

Yi afuni ti afuni inunggulenu lombok welagaikharek mene mondogat he An nen abologet hilik lambik he, it inangge yi mene ti mene werek mene andoma mondogat waluk wesumo re, An nawi wuri'mo oma mondogat he it inangge andoma nen peterek logogin.

ZAKHARIA 14:2

Tuhan nen yi afuni ti afuni inunggulenu lombok andoget fisambik o Yerusalem inom weim yabi kuageluk yagaisagain. Ma re kota andi telambik o wurik andoma mondogat sebelogo fakhigik, nen hemi o andi mene pailak hilinginafik, nen it afuni o andi mene inebe fena minggilogo re hele warinarek laluk inamingmingengge hilingisogo fisigik, nen fena minggilik logogun mene re o kota logouwageluk fisigik ugun.

ZAKHARIA 14:3

A'nogo hilingisumo nen Tuhan wesimbik o attak it ap inunggulenu inap andi inom hilingiti lagaikhe higithogo it inom weim yabi wesigin.