YOEL 3:5 - Allah Wene Fano Wene Hupla Inane

⁵ Hiren An mene emas inom, perak inom, yi mene ti mene onggo hokho mene inom, hinenggiabusak helaluk lagagipsik hinandugwi kembu awi wuri'mo at faget hilingiti lagep oba andoma fakha lagagip.

YOEL 3:5 ပူးပေါင်းရင်းမြစ်များ

2 RAJA-RAJA 12:18

Wenggelhikheba nen he, at Yoas nen kwi wesu fuk iluk onggo re uang lakfisasikhe. Uang andoma re at Yoas onggwaregen Tuhan obaget fuluk wogetikhe mene inom, Yosafat en inom, Yoram en inom, Ahazia nen inom, ap raja at Yoas ebe menlagi'lek kwelek melalinafi lagaukwa mene omanogo nen Tuhan obaget fesukwa mene inom, andi nen ekhe emas o Tuhan Awi andoma kwalogo fikhi lagaukwa mene omanogo mondogat inom, o raja awi istana ba andoma werek mene inom lakfisasikhe. Lakfisasikhe mo re, at Hazael en weim o Yerusalem kwi lagain iluk wenggelhikhe mene a'nogo sebelogo fesikhe.

2 RAJA-RAJA 16:8

Nen, a'nogo lakfikhi logolik, at Ahas nen he raja Asyur mene a'nogo endawimo agaiyekhogo iluk he emas perak inom o Tuhan Awi wuri'mo werek mene omanogo inom, nen yi mene ti mene raja ebe ailoba werek mene omanogo inom lakfisasikhe.

2 RAJA-RAJA 24:13

Wene a'nogo oan hilinglagi'lek werek kwelek At Tuhan nen, ”Yi'nogo hilinghinabugun,” iluk yagaisasikhe higithogo re, at Nebukadnezar en yi mene ti mene ap Salomo nen Tuhan Awi wuri'mo logouwageuk, ebe emas mene hilingitikhe mene omanogo mondogat inom, yi mene ti mene onggo hokho mene ekhe Allah awi wuri'mo a'nogo welagaikhe mene inom, Yoyakin aiba welagaikhe mene inom, wanhikhesik o Babel waluk lagaikhe.

YESAYA 11:11

Linggene andi sambul he Tuhan en at omameba againafuri alinlan logogun mene o Asyur inom Mesir inom, o Patros kweang oba inom, Sudan inom, Elam inom, Babel inom, Hamat inom, i alonggen kwe yathogo werek mene omanogo mondogat woginarek inambotkwe sugulogo wesugun.

YEREMIA 23:7

Inenggi ekhe wesigin meneba re afuni An Allah neluk mondok welagirek mene o Mesir en afuni Israel mene woginarek wulibi wagagi mene a'nogo nenuba ekhe hombuk palhi logogun lego,

YEREMIA 50:28

(Afuni o Babel en heise o Yerusalem wagaikha mene nen he, nit nineisena Tuhan Allah a'nogo nen it Babel mene nen Tuhan Awi wurik a'nogoba hilingfesukwa mene a'nogo faget onggo hilingfikhe mene tindelha.)

YEREMIA 51:11

Tuhan nen he Babel wolelenggen inabigiluk he ap raja-raja Media mene inoba inayonggo fikhe. Aren ap Tuhan Aiba a'nogo weaget fesukwa mene andoma inoba ambisangma hilingfisageluk he a'nogo hilingite andi. Ap sikhe pisogo inap inogogwi perwira nen he,” Tok enggat kabelini! Tok peiyengge fouge'ni!,

YEHEZKIEL 37:12

A'nogo hilingik enggere ninagainafuri Israel mene faget hobuk hilinglasigin mene inelurogo yagaisan o, An Tuhan Lego Mondok welagirek mene nen kweangma it inebe salek oba omanogo nen ineluk asuageluk kwe hut fagain. A'nogo hilingfuluk it inebe andoma nen An nen feisalogo wulak fisambik kweang it Israel mene inanggweang oba logouwageluk inambotkwe fisa wesigin.

DANIEL 11:38

Aren agamhogo re, dewa it ombawi nen ogo fogerati lagaukwa lek mene, dewa agalep leget kagalek werek mene a'nogo fogerati logogin, a'nogo hilingiti logolik he aren emas, perak, permata inom nen fugungge amu mene inom, dewa it ombawi nen ogo apne wanhi lagaukwa lek mene andiba obaget fuluk wogeti logogin.

OBAJA 1:17

Allah nen ekhe inom ikhi logolik, ”A'nogo hilinglasugun oba nen he tom Sion oba andoma nen it fenakwe nek he inagap telinabigin o, nen tom andiba re An nonggwarek nandom hilinglasigin. Andi nen he it Yakub en tagongge mene omanogo re inanggweang inonggwaregen mene omanogo hobuk ambotkwe helogoin aro.