YOEL 3:2 - Allah Wene Fano Wene Hupla Inane

² A'nogo hilinginafi logolik, afuni inunggulenu lombok inebe mondogat An nen andogorogo fisambik he, o tonggo fanoma wene inoba figik kotik igin oba andoma woginarek lagain o. A'nogo woginarek lambik he, iren An nagainafuri inoba weagerogo fisasukwasik it Israel mene inanggweang omanogo sumburogo helikhi logolik, An nagainafuri o ekhema-ekhema pugulogo wulaginafukwa andi nen he, o andoma An nen woginarek lambik wene inoba fagain o.

YOEL 3:2 ပူးပေါင်းရင်းမြစ်များ

2 TAWARIKH 20:26

Inenggi enggaminogo nek enggere, At Tuhan nen hilingitikhe mene omanogo faget he, Tuhan fogerasuogeluk o Fogeratuba Tonggoma andoma kabogetukwa. Andiba re, Tonggo andi enu re, ”Fogeratuba,” salhukwa.

YESAYA 66:16

Andi re afuni weak hilingita mene re, Aren endu oba inom nen karok oba inom unggum inoba fembik inebe hokhorogo inoasigin.

YESAYA 66:18

An he iren ili'lagwi mene inom wenggeli'lagwi mene inom mondogat he nelu o. An nen afuni yi awi ti awi inunggulenu lombok misi'mo lambulogo fisageluk wesigin. Nen andoma andogosugun sambul andi re iren An nomame welagi mene a'nogo ineilenggen enegat neogoin.

YEREMIA 12:14

Tuhan nen ikhi logolik, ”It o negara Israel inom horokhogo werek mene o kweang An nen nagainafuri Israel mene wogisigimo nen weaget faga mene a'nogo faget he wene re yi'nogo yi o: Kweang oba nen wilibik engge sanogetarek hak, ap inanini mene andoma re it inanggweang oba nen An nen wulak fisagain o, nen Yehuda re it inenggiba yinggilogo fisogoma nen An nen lologo fisagain.

YEREMIA 25:31

At ane ugu mene re o kweang wurep-wurep andoma mil esi lili'logo. Tuhan nen he yi afuni ti afuni inunggulenu lombok inoba wene paligiluk hilingiri'logo, Afuni mondogat wene inoba figik, kotik imbik he, ap inanini mondogat weak mene re unggum wogisagain,” iluk ugunem higi.

YEREMIA 49:1

Amon faget Tuhan nen ikhe mene re yi, ”Nenahalok kweang it inunggulenu Gad mene andoma re ap kembu Dewa Milkom fogeratarek mene nen telagasik werek nogo? Afuni Israel mene nen o andoma faget ili u mene re ekhe werek legen a?

YEREMIA 50:17

Tuhan nen ikhi logolik, ”Afuni Israel mene re domba ulukhogo nugunem mene singga nen mugusogo telfol isugu mene hangge hilingik. It andi attak-attak he raja Asyur mene nen tak inoasi wagaikhe, andi nen ombo'nere raja Babel mene Nebukadnezar en he inoak kerephigik nawaga.

YEHEZKIEL 25:8

Tuhan Lego Mondok welagarek mene a'nogo nen ikhi logolik, ”Moab mene nen ikhi logolik Yehuda mene andi re it inunggulenu amu-amu mene higit hilingigo, ili'lago.

YEHEZKIEL 34:6

Andiba re An nen mene domba omanogore punu uan meneba inom, tom ebene inom andoma yugunat nikherek. It he o kweangma mondogat sagare'ma re ap misigen ogo futfisigik, heraginafik ili'lagwi lek.

YEHEZKIEL 35:10

Hiren ikhi logolik, Yehuda inom, Israel inom, nen it inanggweang lombok andoma eise re, nit welago ikhi lagep, nen An Tuhan Allah nebe re it ineisena welagiba nen he, hit hinangge asigin andi.

YEHEZKIEL 36:1

Tuhan nen an noba yaganeti logolik, ”Afuni wa'lagaikharek mene yi re, o Israel oba andoma afuni tom tomkwe werek mene inoba re Tuhan Lego Mondok werek mene awene menfouwageluk yaganete mene yi holuakhogo yagaisan o,

YEHEZKIEL 36:5

An nanini noba louksek logolik An nen it inunggulenu hit haningisogo werek mene andoma inoasigin iluk nane arat igimo o, nen ebe tukhumhogo re it Edom mene andi faget igi. Andi erore iren inagaiyekhogo inalitnorati logolik An nanggweang a'nogo heligik, nen o lei engga werek mene teligik, aga andi nen hilingisigin.

YEHEZKIEL 38:22

Athe An nen unggum wogeti logolik, ou amben weak meneba inom, amep wulagaisogo inom, wene oba fagain. Nen meiso sogenggen hokho mene inom, meiso es mene inom, endu belerang mene inom oba re, at oba inom ap agoromi tentara andoma inoba inom it inunggulenu hokhorogo at inom seberek mene andoma inom inoba kweisal fisagain.

YEHEZKIEL 39:11

Tuhan ane ikhi logolik, ”Andem mondogat hilinglasigin sambul he, An nen Gog ebe salugun oba kweang Israel oba andoma wogosigin. Kweang wogosigin oba re tonggo afuni soganisaluk lagaikharek oba Laut Mati abel fena mo lagai wagarek fikhit andoma. Andoma re Gog inom agoromi tentara inom inebe mondok salinabugun. Nen tonggo andi enu re, ’Tonggo Gog agoromi inom esa logalek oba,” iluk ikhi logogun.

YOEL 3:12

Tuhan nen hobuk ekhe inomat ikhi logolik he, ”An nebe hurek logolik, afuni inunggulenu lombok An nagainafuri mene inera'lukwe o yi awi ti awi unggum inoba feigiluk welagi andi nen he inebe fik foukhogo hilingfuluk o tonggo Penghakiman wene inoba figik kotik igin oba andoma wesuago.

YOEL 3:14

An Tuhan nawi tegelinabigin oba a'nogo weak-weagat asigiluk werek andi nen he, afuni inebe mondok hokhorogo inenggi wenasu elo'lek mene o wene inoba figik, kotik igin oba werego.

AMOS 1:11

A'nogo isikhesik Tuhan nen ikhi logolik he, ”It afuni o Edom inap he hundik-handik weagenek hilingitu weragen he, eberogoat An nen unggum wogisagain o. Iren he inendawirinafi'lek engge it inagaila'lak Israel mene a'nogo inoasi kwisukwa. A'nogo hilinginafukwasik he iren ina'mage inoba fikhi logolik inendawirinafi'lek sebelinarek welagaikha andi.

MIKHA 4:12

A'nogo ili'lagwiba nen he nineisena Tuhan nen it inoba hilingfisagain mene faget wene mondogat ebethesik he inebe re gandum enggen lolugun iluk palogo kabogetarek a'nogo hak, wene inoba fagain iluk foukhogo fikheba nen iren futfigi'legengge logolik ili'lagwi andi.

ZEFANYA 3:8

Oba nen he hinelurogo! An nebe menlasimbik hinabusakwe sagal-fagal hinabigin sambul andi yerogo logoni. An nen anggikhi logolik yi afuni ti afuni inuggulenu lombok inom o kerajaan andoma inom andoget fisambik, An anini a'nogo it inoba kweisaligiluk hilingiti lagi. Ma re, o kweangma yoma mondogat he An nanini nen endu fasigin mene a'nogoba endu nagain.

WAHYU 11:18

Afuni inunggulenu lombok mondogaren, Inanini hoba fikhi lagaikha mene, Haren ogo hanini inoba fagain andi. A'nogo inoba fikhi logolik, Afuni wa'lagaukwa mene ekhe, Wene inoba fikhi logolik, It ekhe wene inoba kosigin mene, Hat hane yagaisagarek mene inom, Hagainafuri inenu werek inom, inenu lek mene inom mondogat, Hat inailorogo logolik, Hane wanho welagaikharek mene faget, Onggo arat wogisagain andi. It ekhe o kweangma weagetfesukwa mene, Haren it arat weagerinabigin andi. A'nogo hilingisigin andi nen, Hai wathafi lago o,” iluk wuni wati lagaikha holhi.

WAHYU 16:14

Munggwarengge andi inebe re, Iblis agoromi mene afuni inoba louk i wagunem hilingisu lek mene elalin hilingitarek mene a'nogo aro. It a'nogo wulibi wagaikhasik he, Allah omame hokho yi mene ti mene hilingisu higit enek a'nogo awi wei igin andiba weim inom yabuogeluk, ap inenupogot yi awi ti awi andogerinabuogeluk, weim yonggo laga lagaikha isigi.

WAHYU 16:16

Nen, it Iblis agoromi inobabut weak mene nen, it ap kaindek omanogo, o it afuni Ibrani mene inaneba enu Harmagedon agarek oba andi, andogorogo fisugunem yerisigi.

WAHYU 16:6

It ap andi nen, hat hagainafuri mene inom, hat hane yagaisagarek mene inom, inamep wulagaisogo inoatukwama re, mep noageluk wogisegen andi re, inobabut obaat higithogo wogisegen o, neisena,” iluk ikhi laga holhi.

WAHYU 20:8

A'nogo liabi wagunem he, weim yabuogeluk, afuni inunggulenu lombok pogot ero-ero po'likwe, ma'likwe, elikwe, yikwe, welagaikharek mene lalinabigeluk inendawimo kagalik laga-laga higi. Andi re, o enu Gog mene inom, Magog mene inom, inoba weim yonggo lagasik, inebe mondok hokhorogo ial laut yenggelek esanggokwe welagarek andi hangge andogorogo fisikhemo welagaikha isigi.