YOEL 3:19 - Allah Wene Fano Wene Hupla Inane

¹⁹ Meneat he, it Mesir mene nen inom, Edom mene nen inom, afuni Yehuda mene weak hilingiti'le'maat, inaiba andoma were'ma inamep wulagaisogo inoatukwa andi nen he, o Mesir he lei kweang amusu mondok iringi'mo hilinglagik, O Edom he esilek lei mondok pirim-pirim uguba hilinglasumo re, afuni inebe andoma ekhe logogun mondok lego.

YOEL 3:19 ပူးပေါင်းရင်းမြစ်များ

MAZMUR 137:7

Neisena Tuhan, o Yerusalem a'nogo afuni Babel mene nen sebelhunem he, it Edom mene nen mel isukwa andi, ”Meisalogo lakfisano, meisalogo lakfisano, o tik warek huli meisalogo lakfisano,” iluk isukwa mene andi re hendawimo eberek logoino o.

YESAYA 11:14

It inebe misik seberogo re ap Filistin inap mo erembul fikhit werek mene inoba weim kwi laluk he, inunggulenu mo ero fikhit werek mene telogo woginarek wesugun. Iren he, inunggulenu Edom mene inom Moab mene inom seberogo fisogoin, nen inunggulenu Amon mene re it ina'ma sebe ugun.

YESAYA 11:15

Tuhan nen he i kalok hokho mene Suez a'nogo iringisogo fagain. Aren sogoi aganhan mene funha wesumo re i Efrat a'nogo akhogo re 7 nen hilinglasumo i ebe we horok liarogo hilinglasumo re afuni nen ineisok sandal kwelabegengge i a'nogo elok palhi logogun.

YEREMIA 49:17

Tuhan ane ikhi logolik, ”Enggin fenggin Edom oba asi wesigin mene andi re, mondok hunikhogo hilinglasiginmo re, afuni kwe andoma lagaikharek mene nen, ineil haluk he youk laluk, inailoti logogun.

YEREMIA 51:35

Afuni Sion mene yi re,” Babel andi re, aren anini nit ninoba fikhi lagaikhe hak he at oba ogo inanini oba fikhi logouwak!” Afuni Yerusalem mene yi re, ”Babel andi re aren nit ninoba ou pou ninobagaikhi lagaikhe hak he at oba ogo ou pou mene oba fei wesuak!” ikhi logoino.

RATAPAN 4:21

Yago, hit Edom hinap yi inom Us hinap yi inom oma re, hiren hilingisuba andem endo yakhigik, hinagaiyegetik, hilingiti logoni! Enggin mene andi re hit hinoba ogo asi wesumo re, hit hinebe lugulugwi palhi logolik hinonggwaregen hinalfulukwa kogouk erikhi logogun.

OBAJA 1:1

Tuhan Lego Mondok welagarek mene a'nogo nen he, ”Hit afuni hinunggulenu Edom mene faget he yi'nogo yagaisano ikhe,” iluk at Obaja nen yi'nogo ti'nogo hilinglasigin iluk yagaisikhi lagaikhe mene re yi'nogo: At Tuhan nen he yonggongge yi afuni ti afuni inunggulenu lombok inoba lakfisilik lagama wene iren waluk yaganisa wagaikha mene re yi'nogo yaganisaga: Nit he o Edom pin talogo inoasi kugun nen he, louwogen fik-fouge'ni o,” iluk aga mene yaganisa wagaikha.

HABAKUK 2:17

Hit hinaniniba afuni o yi awi ti awi welagaikharek mene inamep wulagaisogo inoatik, inawi kota sili mondok weagerogo figik ikhi logolik, o Libanon andoma e mondok mugusogo sukwalet fesigip andi hak, hinebe a'nogo mugusogo leget hinobagagin o. Hiren wam, sue paik andoma mene warogo legetfisasigip andi hak, wam paik sue andi nen hobuk lagokhogo hinailo mene hilinghinobagagin aro.

ZAKHARIA 10:10

O Mesir en inom Asyur en inom An nen it inaiba sugulogo woginarek wesigin. A'nogo fisa wesimbik, it inonggwarek inanggweang oba andoma fisamo logogun. An nen o Gilead inom Libanon inom ogo woginarek wesumo, o kweang andomaba mondogat it mene nek hoporek logogun o.

2 TESALONIKA 1:6

Ninoe Enupogot Yesus agoromi malaikat yonggo nikharek mene inom pogoroba nen inomamerogo weinam hogoat endu amulok anggele'ma pi wagunem he, Allah nen wene afuni inoba higithogo fikhi logolik, it hit yi enggin ti enggin hilinghinabi'lagwi mene, onggo higithogoat weagerinafik, nen hit yi enggin ti enggin hikhi lagep mene andi, nit ninomat ninendawimo fanotninafik, igino. A'nogo ikhi logolik he, it afuni Allah ebe inelu asu inabit logolik, ninoe Enupogot Yesus hilingitikhe wene fano wene a'nogo wanhi'lek herakfisili'lagwi mene wene inoba fagaino.