YOEL 3:16 - Allah Wene Fano Wene Hupla Inane

¹⁶ Tuhan ebe andom Sion oba logolik, ane kwe igik, o Yerusalem logolik, ane unggunggu ane hangge pak igik, igin o. At ebe nen hilingitunem pogot kweang abolok igin. A'nogo abolok igin meneat he, nineisena Tuhan ebere At againafuri Israel mene inebikhit agik, awe a'ma fisaluk ferinarek welagik, igin.

YOEL 3:16 ပူးပေါင်းရင်းမြစ်များ

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 29:11

We At Tuhan nen enek againafuri inomame wogisigik, it inoba mondok fanorogo hilingfisigik, ikhi logouwak.

MAZMUR 61:3

An nendawimo mondogat weak agunem, naiba yatma nebe welagiba omanogo nen henu hombuk palhu welagi o, Harenat an nebe hondo'narek he obalik youk mondok lek oba, mondok legoma an nen lagau elo'lek oba andoma waganogo nobagai lagain o.

AMSAL 18:10

Tuhan andi re o anduli uanhogo pelabe'ma omamerogo welagarek higit werek, andoma ap eberogo hilingitarek mene lagunem inili waganogo fanorogo logogun.

YESAYA 33:16

A'nogo hilingisugun lek halok he hit hinebe hinalong palogo welagik, hinailo legengge welagik, hilingik logolik hit hinebere o leget pak omamerogo waganek mene hak hilingik logogun. Hinamburu inom hinagai inom foukhogo were'ma nek logogun.

YESAYA 33:21

Andoma nen nit nineisena Tuhan ebe along werek mene a'nogo inuk nisugunem hogoin. Nit ninebe re ap nit ninom weim palek mene nen inangge kapal oba we'luk ninoasi wesu lek oba i esanggo langsek mene esanggoma andoma logogun.

YESAYA 42:13

At Tuhan he ap weim aninirogo yaferek mene hangge inom, tentara mene nen weim inomamerogo yafarek andi hangge inom, Aren weim a'nogoat yaferek. Aren weim yafi logolik he ami'mit suphogo At omame werek mene a'nogo it aselei mene omanogo inoba inugisikherek.

YESAYA 51:16

An nenat pogot tiaganet figirik, kweang ero inom talogo fesigi. An nen Sion oba ikhi logolik, hit he An nagainafuri o, An nen hit hinoba wene yagahisikhi logogin, An nomameba re hit nawea'ma fethinarek logogin o,” iluk ikhe isikhe.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

YEREMIA 17:17

Hat hebere an enggin mene noba agunem hawe a'ma nobagaguba welagen, Hat he an nendawimo nailothafu mene asu fuk.

YEHEZKIEL 38:19

Na'mage hokho meneba lagakhi logombik, linggene andi sambul o Israel kweang oba andoma lugul hokho mene langfang isagain.

HOSEA 11:10

Tuhan ane ikhi logolik, ”An nen singa ane kouwaterek hak it inaselei mene inailot fisagain sambul he An nagainafuri andoma An nombo'ne logoin o. An nagainafuri re mo ubuk ikherek fikhiren An napne wanuogeluk weak-weak wesugun.

AMOS 1:2

A'nogo yagatikhemo, at Amos nen isikhe mene re yi, ”Nineisena Tuhan ebe andom Sion oba logolik, ane kweri'lago. Nen o Yerusalem logolik, ane unggunggu ane hangge pak ili'lago. A'nogo ugunem, o leimo wam fisogo welagaikharek oba engga mondogat puk agik, engga tom Karmel oba welagarek mene mondogat sawet agik, ikhe o,” iluk isikhe.

AMOS 3:8

Mene singa ane kouwatu halok, sa hagen ailo'lek hambuk haluk logou hak nogo? Nen At Tuhan Lego Mondok welagarek mene ane ikhe halok, sa nen it afuni ekhe yagaisigi'lek kamo u hak nogo?” iluk isikhe.

NAHUM 1:7

Tuhan andi re mondok fano, At againafuri enggin inoba were'ma awe a'ma ferinarek welagarek. Afuni At oba lombokhogo werek mene re Aren halinafu mondok werek.

HAGAI 2:6

We eil misik wela'luk he An nen pogot inom, kweang inom, kweang ambuema inom ima inom mondogat erak-kwerak isagain o.

HAGAI 2:7

Yi afuni ti afuni inunggulenu lombok welagaikharek mene mondogat he An nen abologet hilik lambik he, it inangge yi mene ti mene werek mene andoma mondogat waluk wesumo re, An nawi wuri'mo oma mondogat he it inangge andoma nen peterek logogin.

ZAKHARIA 10:12

An nen nagainafuri inomamet fisagain, andi nen he, iren An nane hologo hilingiti logolik An nobaget enek hilingitu logogun, iluk An Tuhan nen nane mondogat igi o.” isikhe.

ZAKHARIA 10:6

Tuhan nen ane ekhe inom ikhi logolik, ”It afuni o Yehuda mene re An nen inomamet fisagain o, Afuni Israel mene re An nen inagap telinabigin. An nen it inoba nendawirinafi lagimo re, woginarek nekhengge it inawi eroma fisa wesigin. An nen it ekhe inunggulenu mene inoba herakfisigi'lek wene warisasigi hakhogo, it inoba ogo mondok fanorogo hilinginabigin o. It ineisena Tuhan Allah re we An namu nek welagi hilingi'mo re, iren samban ugu mene An nen inane nesanggo holhi logogin.

ZAKHARIA 9:12

Yago, hit afuni hele warek welagep mene yi sani, yogondak he hit ninendawimo eberek logogun mene werek andi nen he, sugulogo we'ni o. An nen hit fanot hinobagagu mondok logogin enggere, hit hinalong pale'ma andoma sugulogo we'ni o. Holini: Hiren yi enggin ti enggin hugu welagagip mene andem obali'mo re An nen altap pireba fanot hinobagagin o.

IBRANI 12:26

Andi sambul, at Allah ane isikhe andiba kweang abologet fesikhe meneat he, yogondak, aren he, ”An hobuk yi'nogo hilingisigin,” iluk abok isikhe mene lisu yi'nogo palek werek: ”An hobuk misigam faget kweang yi nek abologet hagain fuk. Lego. Pogot inomat abologet hagain o,” iluk isikhemo lisu palek werek.

WAHYU 11:13

O andi sambul he, lugul hokho inailo mene ekhe lang-fanget hikhi logolik, o kota andi ebe 10 ba minggilogo fikhesik, hokhorogo herakfikhi logolik, misigat ekhe mondok wolelenggen tagalogo fikhi logolik, afuni inebe 7.000 nen inoatunem, it fena inoati'lek mene inailo hokhorogo agaikhasik, iren he, ”Allah pogoroba mene, nailo e,” iluk fogeratunem isigi o.

WAHYU 11:19

A'nogo ugunem isigirik yethigi hak he, pogoroba Allah awi wuri'mo kwe hu'lagunem he, Allah nen wene komotninafikhe wene lisu palek peti elonggoma kwalek welagaikhe a'nogo weinam aga. A'nogo weinam agunem he, eilabut hobugalep yararethigik, unggunggu ane pak ilugen ane lulu lagik, lugul lang-fanget higik, meiso sogonggen hokho mene pelafik ninggik ugunem yethigi o.

WAHYU 16:18

A'nogo ugunem he, eilabut hobugalep yararethigik, unggunggu ane pak ilugen, ane lulu lagik, lugul inailo mene afuni Allah nen elalinafikhe huli nen yogondak huli, lugul andi hangge ekhe langfanget higi'lek mene andiat langfanget higik, ikhi laga yethigi.

1 SAMUEL 15:29

At Allah nit afuni Israel mene nineisena fogeratorek mene andi, nit afuni higit he lego, andi nen he eranen wene igik, yi'nogo hilingisigin ilugen, hobuk hunogoat mene igik, ikherek mondok lego,” iluk yagatikhemo,