YOEL 3:13 - Allah Wene Fano Wene Hupla Inane

¹³ It afuni andoma inobabut weak mondok hokhorogo hilingiri'lagwi andi nen he, awi yago mene enggen arat wurik agunem palharek andi hak, karok waluk lambik inoasi lan o. Nen, anggur enggen sagalharek oba sagalhunem, amusu keralogo ambem hetok ikherek andi hak, inebe wulil tagalogo inoa'no o.

YOEL 3:13 ပူးပေါင်းရင်းမြစ်များ

KEJADIAN 13:13

O kota Sodom andoma re, afuni Allah elokhoma inobabut mondok weak hilingiti lagaukwa mene welagaukwa.

KEJADIAN 15:16

Afuni Amori mene inobabut mondok weak hilingitunem wene inoba fagain mene oan welagi andi nen he, haren tagongge mene re, huli inebe enggaminogoba ta'lasimbigen hat hombalak inambotkwe o yoma wesugun o,” iluk yagatikhe.

KEJADIAN 18:20

Endawimo a'nogo anggasikhesik he, nineisena Tuhan nen Abraham mel yagatikhe: ”It afuni o Sodom, Gomora mene weak hokhorogo hilingiri'lagwi iluk yaganeri'lagwi o.

YESAYA 17:5

It ap Israel mene re yabu o Refaim tonggoma gandum hokhorogo palhunem we afulfulengge endebengge welagarek aremnogo hak asugun.

YESAYA 63:3

Tuhan nen onggo ikhi logolik, ”An nagainafuri ekhe nen lebetniigi'lek, we, namuat anggur enggen sagalharek oba andoma kwigirik, na'mage afuni inunggulenu lombok inoba figirik he, anggur enggen sagalharek andi hak, inebe neisogen alpiril perelhogo inoatimo it inamep he singgiringgi palogo An nasu bene wagama re, An nasu mondogat emerogo fikhe andi o.

YEREMIA 51:33

It he, no gandum enggen sagalhuba nen hilingitarek hakhogo we welagi'legat ap selei mene nen inomame leget fisaluk al perelogo fisouwogeluk werek. Iluk An Tuhan Nomame Mondok Hokho mene, Israel mene ineisena Allah a'nogo nen nane mondogat igi o,” ikhe.

RATAPAN 1:15

An nagoromi sikhe inenggi puk mene o ari faget ninghogo hilingitarek inap omanogo re Tuhan nen maben hak anggikhe. Aren he an nagoromi ap souge mene mondogat legasuageluk he ap tentara lit-lat isikhe. Aben anggur agai perelharek hak, Aren afuni an nunggulenu mene mondogat alperelogo fisikhe.

HOSEA 6:11

Hit afuni Yehuda mene yi sani, ”Hit faget he, hinobabut hilingiti lagep andi higithogo wene hinoba fagain mene nenggi mondogat wenagaisogo figi o,” iluk ikhe.

MATIUS 13:39

At ap yabu eisewerek emberek weak logolik, awi weak mene yatikhe andi ebe re, at Iblis andi aro. Enggen palugun higit andi ebe re, o wurep oba fageraro. Nen, it ap enggen palharek mene andi ebe re, it malaikat Allah pogoroba nen yonggo pelakfisa wagarek mene andi aro.

MARKUS 4:29

Wurik agunem he, ”Enggen palugun oba arat horogasi waga, iluk, enggen palharek mene waluk ebe weak-weagat palharego,” iluk yagaisasikhe.

ULANGAN 16:9

A'nogo yagaisasikhesik wene ekhe yagaisikhi logolik, ”Hit hinenggi attak gandum Enggen Palugun sambul andi nen hundik hinenggi minggu sabiren wena'no.

WAHYU 14:14

A'nogo yaganetesi'mo nen, ombo'ne re, ohena kut mene were'ma, ap ebe abat ta'lasi wagaikhe mene a'nogo hangge mene kware-kware emas mene unggul oba ugu, nen, karok enggat hokho mago mene maserek mene enggim fisogo logolik, ebe ohena a'nogoba hurek were'ma yethigi.

WAHYU 19:15

At a'nogo nikhi logolik, afuni inunggulenu lombok mondogat mabenetfisagain mene, karok enggat hokho mene ambelema nen wulabi waga laga higi. A'nogo mabenetfisaluk sige tomuk posiemanggen omame hokho andi hak, at ane omameba afuni fakfisaluk, eisena Allah omame mondok hokho yi mene ti mene hilingisu hagenek a'nogo a'mage lagaluk, wene inoba fugunem anggur enggen amusu keraluogeluk obuluk oba sagalharek andi hak, at eisogen al perelinabigin mene higi.