YOEL 2:6 - Allah Wene Fano Wene Hupla Inane

⁶ It inebe afuni inoba higit wagunem he, it mondogat inoak lei'leik ikheresik, ina'manggen laluk inelokhe heiselharek.

YOEL 2:6 ပူးပေါင်းရင်းမြစ်များ

MAZMUR 119:83

Nagap he iwak songgopnorek mene hangge ari'lago, oba nen he Haren wene menfegen mene andi re an nonggorasigin mondok lek.

YESAYA 13:8

It inebe mondogat he inailo hokho mene inoba asiginmo re ou hokho mene heinet wasugun mene re hemi omalik taginafi logolik ouen heinet watarek hak hilingisugun. It mondogat inendawinggen fit lasimbik inelokhe mep sagalogo hilingik logogun andi re inenggali nen hilingisugun.

YEREMIA 30:6

Yago, wenggel hambik menenei fanorogo ebe'ni o! Ap en inomalik taginabumo re elok anggegep? Elo'lego. Ariginik halok he nenahalok ap andoma inelokhe heiselogo inalabut inenggi nen senegeisogo, hemi inomalik taginabuogeluk hilingitarek hak hilingiri'lagwi nogo?

YEREMIA 8:21

An nunggulenu mene ou mondok engginhogo hilingigen he an nendawimo mondogat sebe igirik welagi o, an he fong wati logolik nendawinggen fitu welagi.

RATAPAN 4:8

Oba nen yogondak it inelokhe re no helangasin he we endep harek hak oba nen mondogat sing elemik hilinglagaikha, it inebere afuni ebekhe kwe werek mene nen futfisa hak. It inagap he e puk mene hak inoak oba to'morogo iring paringhogo hilingik.

NAHUM 2:10

O Niniwe re mondogat wolelenggen tagalogo hilinglagama re, afuni inom, yi mene ti mene mondogat inom inane mondok tiring-terengsekma re, o andoma lei pirimhogo hilingik. It inailo nen inendawimo mondogat maben aga. Ineindep mondogat omame lek agasik inoak leigeri'lagwi. Afuni mondogat he inelokhe heiselogo ofuselogo hilingik.

NAHUM 2:11

O kota a'nogo re yogondak koma werek nogo? O kota mene singa helep elema nogoikherek oba hak hilingi'mo a'nogo re koma werek? Mene singa eagwi nunggu mene wogisikherek oba, nen singa holou mene inom ai mene inom inebe misik a'luk werek oba, nen singa eagwi nen ogo inailo legengge werek oba omanogo re koma werek?