A'nogo yagatikhemo, at Lot eilenggen esanggokwe yethasikhesik, i Yordan ima o kota Zoar huli yethasikhe re, andoma i mondok hokhorogo were'ma Tuhan agayo enggen yabumo hangge inom, o Mesir hangge inom, were'ma yethasikhe. (O andoma Tuhan nen o kota Sodom inom, Gomora inom, oan felelenghogo inoati'lek werek kwelek o elokhe fano mondok a'nogo welagaikhe andi.)
YOEL 2:3 - Allah Wene Fano Wene Hupla Inane3 O kweang andoma elokhe kwe re lei en ninggerek hak yi engga ti engga mondogat yago mene leget figik, attak he o andoma nineisena Tuhan eabumo Eden hangge welagaikhe mene a'nogo hobuk pulue nen weaget fembik oba nen he, o leimo kweang amusu le'ma welagarek andi hak hilinglasigin. Afuni poloksek ekhe wulifi'lek felelenghogo inoatarek andi hak, iren yi mene ti mene yago mene ekhe herakfigi'lek mondogat weaget fisogoin. အခန်းကိုကြည့်ပါ။ |
YOEL 2:3
21 ပူးပေါင်းရင်းမြစ်များ
A'nogo hilinglagaikhesik, o Mesir yi awi ti awi mondogat he, pulue nen mondok sebelogo hilingfesikhemo re, ineilenggen yethugunem he, mondok muli-mulingge hilinglagaikhe. A'nogo hilingitukwasik, yi engga ti engga inom, e enggen inom, meiso sogenggen es nen weaget figi'lek herakfesikhe mene omanogo mondok felelenghogo nasikhe. A'nogo nasikhemo, o Mesir yi awi ti awi mondogat yi engga ti engga inom, e engga inom, kerengga mene ando ekhe herakfesikhe mondok lek. We, felelenghogo nasikhe.
Yerusalem, An nen hat konhobagakhi logogin, meisalhigik pikhe kwe welagep mene andoma mondogat konhinafi logogin o. Lei pirimsekwe andoma re an neabu Eden yabumo mondok fano heiselek welagaikhe a'nogo hak hilingisogo fagain o. Andoma ap inagaiyekhogo logolik inanggilukhogo hilingiti logogun, wuni wulagaisogo hai warogo hilingiti logogun.
Tuhan Omame Mondok Hokho mene a'nogo a'mage mondogat lagaikhemo re Aren unggum he: Afuni inunggulenu andi mene endu eilem warek mene hak hilingi'mo At anini a'nogo re endu amulok yelang-melang ninggerek andi hak lagagunem he, ap misigen ogo it andi nit ninagaila'lak mene iluk inendawirinabumo re elo'lego.
Iren hit hinanggweang oba nen enggen ugu andoma inom, hit hinangge nunggu mene inom legetfuluk he hinagainafuri pinggi inoasugunat. Hinanggo sapi, domba inom he iren warogoinat, hit hinagayo anggur yabu inom, arah yabu inom he iren wolelenggen isogoin. Hit hinaiba leget pa'leget omamerogo waganek mene re iren meisak langgukhogo lakfisogoin.
A'nogo hilingfoumo afuni mondogaren fogerati logogun. Andi re, kweang andi attak lei pirimhogo hilingik welagaba nen hobuk fanot foumo o Eden yabumo hakhogo hilingik logogin, nen o kota andi attak he ap inareng lek awi hakhogo tiring-terenghogo wolelenggenhogo hilingik welaga, oba nen yogondak he kota omame mene wuri'mo afuni ogo re hokho-pokhorogo werek awi hilinglasigin.
Hobuk an nabikanggoba re At Tuhan Lego Mondok welagarek mene a'nogo nen yi'nogo inuk niikhe. Aren he againafuri endu oba unggum inoba feigiluk mondogat fik-foukhogo hilingfikhesik were'ma higi. Endu andi nen he kweang a'ma i yenggele'ma ma'lima amulok yelang melang ninggi logolik he, kweang elema inom, yabukwe inom mondogat endu nen nunggunem yethigi.
It afuni o Babel mene inobabut mondok weak het-petsek welagaikharek mene andi re, inomame asuagaluk An nenat hilinginabigin o. A'nogo hilinginabumo, inailokwe nen wulibi wesimbik, esa logalogo re, afuni inunggulenu lombok o yi awi ti awi welagaikharek mene andoma iren telogo woginabuogeluk wesugun o.
ကြော်ငြာတွေ