Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOEL 2:26 - Allah Wene Fano Wene Hupla Inane

26 Hit hobuk he hinamburu oba heilarogo hinalabut ninghogo ninggi logogun. An hineisena Tuhan Allah nen hit faget elalin mene hokhorogo hilingisigin andi nen he An fogetnafi logogun. Afuni ekhe nen nagainafuri inane asegen waganogo hina'malolo kwelakhinafi lagaikha a'nogo re, hobuk andi higit ekhe yagahisikhi logogun mondok lego.

အခန်းကိုကြည့်ပါ။ ကော်ပီ




YOEL 2:26
41 ပူးပေါင်းရင်းမြစ်များ  

Allah an noba endawimo fano agasik an namu mene yi mene ti mene mondogat wo'netikhemo an nen waluk wokhesi wagi mene ya re helan o, noe,” iluk Yakub en ane omamerogo ugu aple nen at Esau wogetikhe mene omanogo helasikhe.


Hagainafuri homame a'nogo wogisasigin andiba re, it Kanaan mene kwi wesinogo iluk leget pa'leget omamerogo waganek mene inom, inanggweang muli fano yi mene ti mene ebe hokhorogo werek oba inom, inaiba inangge yi mene ti mene sik-pikhogo werek oba inom, inagai mogo habulik mene inom, i elesi agai mene inom, yabu anggur yabu inom, e zaitun yabu inom, e ekhe enggen iterek mene yabu inom, mondogat sebelasukwa andi. A'nogo sebelasukwasik, yi mene ti mene andi enggen ninggi logolik, inebe inobakhe firik welagaukwa andi, neisena. Haren yi mene ti mene wogisasiginmo oba heilarogo welagaukwa andi.


Sumburu wogisugunem inalabut ninghogo nenggarek hak, Aren fano hilingnafunem neluk fano welagi. Sue pim ket alue agarek hak, Aren an nebe nagap ket mene hilingisogo nobagagunem welagi.


Neisena Tuhan nen an noba fanorogo hilingnaferek andi nen, an nendawinggen hambukhogo welagirek.


An he Haren hendawi hundik hilingnafi lagen mene a'nogoba nek tipsek welagimo re, Haren an nagap telnafi lagen andiba re an nagaiyegeti logogin. At Tuhan nen an noba mondok fanorogo nek hilingitunem he andiba an nen At obaget awuni watu logogin.


Haren yi wene ti wene hilingiti lagen mene andoma faget it afuni Hat hagainafuri inebe andogorek were'ma inanggele'ma andoma nen, an nen Hat fogethafi logogin o. It afuni Hat hane holfuluk hilingiri'lagwi mene andoma inelokhoma nen wam warogo nolhesigin iluk wene wathetigi mene a'nogo an nen warogo nolhesigin aro.


It andi yi enggin ti enggin inoba agunem he, inenggali hogoin lego, nen sumburu ouwak oba it inamburu elok ninggi logogun o.


Afuni inunggulenu lombok, o yi awi ti awi welagaikharek mene higithogo fano mondok ferinarek welagendek andi nen, afuni inunggulenu lombok inendawimo inagaiyek hikhi logolik, wuni wati logouwak.


Tuhan it afuni Israel mene ineisena Allah andi nek fogeratu mondok logouwok. We At ami amu nenat yi wene ti wene elalin mene nek hilingiterek.


Afuni fano hilingitarek mene andi re hundik-handik nunggu mene inalabut ninghogo nek nenggarek, oba nen he it afuni weak hilingitarek mene andi re inendawimo nele-nele nek welagaikharek.


Nagot ninom lombolek mene yi, an he neabumo omanogo waga lagi, wagiresik he mur inom, amben-ambenengge fano mene inom kaboget fuluk, an nen kin amusu inom awingga sap palek mene andi inom ninggik, susu inom anggur agai inom ninggik ikhi lagi. Sumburu ninggik, i ninggik, ikhi logoni nerugwi, a'nogo nunggu werek kwelek enek he hinoba aik age lagambik ap lugu-lugwi palharek hak hilingisugun.


Tuhan Hat he an neisena Allah welagen, an nen Hat legeisogo hobagakhi logolik, Hat henu fogethafi lagi. Haren hilingiti lagen mene andoma mondogat he elalin mene nek hilingiti lagen, Andiba re Haren o attak andoma nen wene melalogo fesigindik tiphogo nek hilingiti logolik welagen.


Andi faget he Tuhan, Allah Israel mene Abraham fikhalogo wulak fesikhe mene a'nogo nen yogondak ikhi logolik he, ”An nunggulenu mene yi, hit hinobaget hobuk ekhe hinenggali warogo hinobagagik, sebelogo hinobagagik igin mondok lego.


Meneat he it Israel mene andi re Tuhan nen telinabigin. It inagap telasigin mene andi re mondok-mondok logogin mene. Hit hinenggi mondok-mondok logogun oba andoma re hinenggali agik, li'nothinafik, ikhi logogun mondok lego,” iluk ikhe isikhe.


It raja-raja omanogo re hineisugwi higit asugun nen ratu-ratu omanogo re hinagaisawi higit asugun. Iren hat legeisogo hobagakhi logolik inendep awi yagaisogo foget habimbik hawe a'ma sebe ugun. Ariginugun andiba re haren An nebe Tuhan welagirek mene a'nogo helu asigin o, ap inendawinggen An noba tibet fuluk werek mene re inendawimo weak asuageluk ekhe hilingfisagain lego,” ikhe.


Hat henggalirogo hilinghobagagun lek enggere hailo su fugo, nen inane aik weak wenakhetik, yinggilogo hilinglagik igin mondok lego. Hat hebe sougwe logolik tiphogo hilingiti lagagin lek mene omanogoba honggoragik, nen hane tingi tongorogo welagagin mene a'nogo oba ekhe ebet higi'lek welagik, igin o.


Yi mene ti mene hinoba homot hinobagaikherek lek mene faget huniti lagep andoma re ninggi nogoluk nogo? Nen hinoba homothinobagaikherek lek mene faget yabu hilingirik hobalik laga lagep andoma re nenahalok nogo? An nen hilingi'ni iluk yagahisikhi lagi mene andi higithogo hilingisugun halok, hiren fano mene nek ninggi logogun o, nen enduk fano fanonggeba isagongge ninggi logogunat.


O andoma hinanggweang oba enggen fanorogo ikhinafunem hinangge nunggu mene higithogo helikhi logolik hinebe mondok fani fanorogo logogun.


An nen hit nunggu mene lek hilingisogo foumo re, it hemi inebe 10 mene nen roti it inoba werek mene aremnogo nek obuluk misi'mo werati logogin. Werakfuluk higithogo sumburogo ninggi logogun oba nen he nekhengge nele aga logogin.


Hinanggweang oba nen enggen sik-pikhogo ikhinafunem hiren anggur enggen awi yatu sambul horok aga logogin oba nen he. anggur enggen palhuba aremnogo horogasi wagunem he, hiren gandum enggen oan palhi logogunat. A'nogo hilingiti logolik hit hinaiba hinanggweang oba andoma nunggu mene hokhorogo were'ma hinoba fanorogo logogun.


Hit he, hinamburu ninggi logogun oba nen, hinoba homot hinobagagi'lek nelerogo nek logogun. Nen, hiren hinangge yi mene ti mene helaluk waga logogun oba nen he, obalik foukse'ma fikhi logogun lek. Hiren hinangge yi mene ti mene foukse'ma fikhi logogun oba nen he, An nen weim oba nen mondok wolelenggen tagalogo fikhi logogin.


Yago nagainafuri e, andem sambul he hiren An nane sagalogo fuluk hilingiti logogun andiba An noba hinenggalirogo hilingiti logogun lego. Afuni winik-wonok agarek mene inom, inendawimo legeisogo fakhagarek mene inom he, An nen mugisogo wulakfisagain o. Hiren he, An nandom mondok hore'ma andoma nen An nane sagalogo fuluk ekhe hilingiti logogun lego.


An nen it An nagainafuri mene eberogo nenat nawe a'ma ferinarek were'ma re, It inaselei mene inomame leget fisigik, Ap i sini'nuk palharek mene naluk inane kwetarek hak, iren weim elema nen ogo inane ngai-wai liafik, wam warogo amep mezbah ebene kweisalharek hak, andi higit it inaselei mene inamep kweisalhik, ugun o.


An Tuhan nanggweang andi re, ibi ebema elokhe mondok fanore'ma hilingik logogin, Andoma re, anggur inom, gandum inom, hokhorogo legeisogo fikherek hak, it ap sogwe inom, helime silerik inom inomamet fisikhi logogin,” Iluk ugunem holhi o.


Allah aneba lisu palogo fikhi logolik he, mel isukwa: ”Afuni inendawinggen at eba rogo himbiret fogoin mene halok inenggali asugun mondok lego,” iluk lisu palogo fesukwa.


Fano asigin iluk ninendawimo ninagaiyek hikhi lago andiba, Allah nen Areagun wo'nisasikhemo ninendawimo logolik, i hinatarek hak, Allah nen endawitninaferek mene andi ninendawimo peterogo ninobagaikherek andiba ninailo lekhogo welago.


Wene andi faget Allah nen he, mel isikhe: ”An o Sion andoma helep hangge ekhe figi yi hani! helep andiba afuni ineisok a'lip silukhogo waraluk, talorogo laga logogun o. Meneat he, hinebe lombok hinendawinggen at oba himbiret fogoin mene halok hinenggali hogoin mondok lego,” iluk isikhemo lisu palogo fesukwa.


Yi mene ti mene hiren nunggu mene re hinendawimo nen anggogoin mene higithogo nek were'ma helikhi logogun.


O hit logogun oba andoma, it afuni Lewi mene kweang ekhe eise asugun lek andi nen he, it inebe hit hinaiba kota lombok logogun mene inom, hit hinebe inom, hinagainafuri inom, hinamingmingengge inom, hinom lambukhogo nen nineisena Tuhan eilhanem hinendawimo hinagaiyek hikhi logoino o.


We, it hinebe inom, hinagainafuri inom, hinamingmingengge inom, afuni inunggulenu Lewi mene hinaiba kota lombok logogun mene inom, hinom lambukhogo nen he, wam, yi mene ti mene Allah faget fisikhi logogun mene andi, nineisena Tuhan Allah eilhanem obuluk aren wenagaisogo fagain oba andoma nen enek ninggi logogun o. Hiren a'nogo hilingiti logolik, hinenggi nen yi mene ti mene hilingisugun mene andi mondogat faget he, hinendawimo hinagaiyegeti logoino.


Nen, At nineisena Tuhan Allah nen, hit hinebe fanothinafik, hinamburu hinangge yi mene ti mene fanotfigik, ugunem he, hiren yi mene ti mene hilingitunem fano nek aga logogin andi nen, hit hinebe hinagainafuri hinom misigat lambukhogo o andoma nineisena Tuhan eilhanem andogetfuluk, hinendawimo hinagaiyek hikhi logolik, hinaggo hinamburu yi mene ti mene mondogat andoma ninggi logoino o.


A'nogo logolik, hinamburu hinalabut ninghogo mondok ninggi logolik, nineisena Tuhan Allah nen kweang muli fano mene wokhisikhe mene andi faget At hai watu mondok logogun o,” iluk yagaisasikhe.


Yi mene ti mene mondogat lek asigin meneat he, it ap kaindek inenuwerek mene andi inendawimo nen fogerakhikhi logolik, ”Nagarek kweangma mene yoma mondok hokhorogo yi nen nebe fano logogin,” iluk, anggikhi logoinogo. Athe, at Allah nen yi mene ti mene mondogat ninendawimo agaiyekhogo helikhi logouwageluk hokhorogo wo'nisikherek a'nogo nenat fanotninabigin iluk futfikhi logouwagen komorinafi logoino.


Nagainafuri e. Kristus wesigin andi sambul ebe wagunem he, nit ninenggali agi'lek, ninailo legat at elokhoma awe a'ma kuogen, hirat at hinom hundik mondok logoino o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ