YOEL 2:22 - Allah Wene Fano Wene Hupla Inane

²² Nen, hit yi mene ti mene lebeti lagep mene andoma re, yogondak yi engga ti engga mondogat sabeli'lago andi nen he hinoba sinurogo logogubo. Nen, e hokhorogo re enggen hokhorogo irik lagik, e anggur enggen inom, e ara inom he sik-pik igik igin andi nen he, hinendawinggen serogo logoino o.

YOEL 2:22 ပူးပေါင်းရင်းမြစ်များ

KEJADIAN 4:12

Lakhobagaumo hat a'nogo pugulogo kweang herarik lagunem, kweang o ekhema nen hat henggi werek hilinghobagakhi logogin mondok lego. Yabu waganogo awi yatunem fulelogo ebe aga logogin legaro,” iluk homan fesikhe.

MAZMUR 36:6

Tuhan neisena, Haren hendawi hundik hilingninafi lagen mene andi re pogot walek po'li welagarek andi hak hilingik, nen Haren tiphogo nek hilingninafi lagen mene andi re mondok uanhogo anggulok huli andomaba hilingik.

MAZMUR 65:12

Hat hobabut fano nen he, yi tahun ti tahun ebe lombok, enggen fano palhi logoueagaluk, Harenat wo'nisegendek. Allah heisok sebelik wagukwe andoma nen he, yi mene ti mene amusu werek mene, oba heilarogo wo'nisugunem welagorek.

MAZMUR 65:13

O leimo afuni le'ma andoma re domba, kambing ebe hokhorogo werek. Tom unggul ebe lombok, Allah nen fanotfugunem, inendawimo inagaiyek mondok agarek.

MAZMUR 67:6

Allah, nit nineisena, yi afuni ti afuni inunggulenu lombogen foget hafu logouwak, afuni o kweangma ekhema-ekhema welagaikharek mene nen hai wathafu mondok logouwak,

YESAYA 51:3

Yerusalem, An nen hat konhobagakhi logogin, meisalhigik pikhe kwe welagep mene andoma mondogat konhinafi logogin o. Lei pirimsekwe andoma re an neabu Eden yabumo mondok fano heiselek welagaikhe a'nogo hak hilingisogo fagain o. Andoma ap inagaiyekhogo logolik inanggilukhogo hilingiti logogun, wuni wulagaisogo hai warogo hilingiti logogun.

YEHEZKIEL 36:30

An nenat hinagayo enggen awi yago mene inom, hineabumo enggen iri'lago mene andoma inom mulirogo wilibuageluk hilingfoumo, sik-pik igin. A'nogo hilingisigin andi re hit sumburu ouwak lagagunem it yi afuni ti afuni inunggulenu mene inanggelekwe andoma nen hinenu weak ugu mene ekhe hikhi logogun lek.

YEHEZKIEL 36:35

A'nogo hilingfoumo afuni mondogaren fogerati logogun. Andi re, kweang andi attak lei pirimhogo hilingik welagaba nen hobuk fanot foumo o Eden yabumo hakhogo hilingik logogin, nen o kota andi attak he ap inareng lek awi hakhogo tiring-terenghogo wolelenggenhogo hilingik welaga, oba nen yogondak he kota omame mene wuri'mo afuni ogo re hokho-pokhorogo werek awi hilinglasigin.

YEHEZKIEL 36:8

Oba nen he, An nen hit Israel tom-tom andoma hinoba nane ikhi lagi, hit he hinagayo omanogo nekhengge asimit hokhorogo wilibimbik he An nagainafuri Israel mene inaiba weak-weak sugulogo wesugun mene inobaget enggen isigin o.

YUNUS 4:11

Haren hele ari faget mene ogore, hendawimo mondok weak aga andi. Nen, An nen he, afuni o Niniwe kota hokho mene yiba inagainafuri weak hilingitu mene inom fano hilingitu mene inom penhaluk furogo hilingisu lek hak inonggot mene inebe 120.000 nen inom, inanggo hokhorogo inom, andoma nendawirinabigin lek anggegen a? Nendawirinabigin aro,” iluk yagatikhe.

HAGAI 2:16

Hiren gandum enggen palek mene kabok lagagunem hinendawimo nen anggikhi logolik he 200 kilogram en helogoin iluk anggikhi lagagip oba nen he, we 100 kilogram enek aga lagaikhe. Nen, hiren anggur agai hinago were'ma omanogo nen 100 liter en hinakhogoin iluk laga-lagagip mene re we 40 liter enek welagaikhe a'nogo.

ZAKHARIA 8:12

It he, inendawinggen fanoba nek awingge enggen feik lakfikhi logogun. Nen, it inagayo anggur enggen itik, inanggweang oba nen enggen ugu paligik, meiso pogoroba nen hokhorogo pelagisa wagik, ikhi logogin. It inunggulenu ari mene nen fena ineluk werek mene andoma inoba re An nen fanoabet fisikhi logogin aro.

1 KORINTUS 3:7

Ebe esin enu werek he, awi yaterek mene andi fuk. I kweisalik lagarek mene andi legaro. We, esin enu werek he, Allah nen ebe hokhotfikherek andiat enu werego.