YOEL 2:20 - Allah Wene Fano Wene Hupla Inane

²⁰ Nen, pulue esa abel utara fikhiren elang paluk weri'lago mene andoma hit hinoba nen silogo lakfisagain o. A'nogo lakfisikhi logolik, fena re o Bini leikwe andoma silogo lakfisigik, nen esa attak mene re, i Laut Mati yenggelek higit andoma loageluk miminginafik, esa logalek hobuk mene re, i Laut Tengah andoma tamakhogo lakfisigik, igin o. Iren hit mondok weagethinafa andi nen he, An nen it inebe mondok a'nogo lakfisamo, wa'lasimbik amben mondok weak mene sang igin,” iluk yagaisasikhe.

YOEL 2:20 ပူးပေါင်းရင်းမြစ်များ

2 RAJA-RAJA 8:13

A'nogo yagatikhemo, at Hazael en onggo ikhi logolik he, ”Ah noe, Ap an yi higit mene re a'nogo hilingisu lek hak abi, omame hokho ariginik mene andi re an yiginik mene yi nen hilingisu elok lego,” iluk yagatikhe. Andi yagatikhe mo at Elisa nen yagati logolik he, ”Tuhan nen he, hat hebe Siria mene inobaget raja menlasigin mene andi faget he an noba inuk niikhe o,” iluk yagatikhe.

MAZMUR 126:3

Eberogo nenat nineisena Tuhan nen, nit faget elalin mene hokhorogo hilingitikhe. A'nogo hilingninafemo andi nen, nit ninendawimo ninagaiyek anggikhi lago.

KELUARAN 10:19

Samban a'nogo isikhemo, At Tuhan nen he, sogoi mo lagai wagarek higiren wagaikhe a'nogo hebekhogo mo kwikherek higiren omame hokho mene funha wesuageluk hilingitikhemo re, pulue omanogo o Mesir yi awi ti awi ekhe herakfigi'lek mondok felelenghogo sogoi en furogo waluk i enu Gelagah mogo yenggelek welagaikheba andoma lakfisa wagaikhe.

KELUARAN 8:14

A'nogo wa'lagaikhemo, afuni Mesir mene nen he, yagaise warek omanogo andogorogo filik lagaukwama, o Mesir yi awi ti awi mondogat amben weak mene sang isikhe.

YESAYA 34:3

Inebe warek andoma re salinabugun lek, we hesangge warogo harakfisamo fili aga logolik amben sang ikhi logogin. It inamep he i fu hak laga logolik tom-tom andoma mondogat mep eil enek hilinglasigin.

YEHEZKIEL 47:18

Timur fikhit huli-huli re selatan fikhit andoma nen laga logombik, o ekhe obalik o Damsyk en hilingi'luk Hauran nen hilingi'luk tulem andomaba hilingik logogin. Hilingi'mo re i Yordan he kweang it Israel mo ubuk ikherek fikhit welagaikharek mene nen inom it Gilead mo wulibi wagarek fikhit welagaikharek mene nen inom huli-hulimo tulem andoma nen hiling-hiling he o Tamar i Laut Mati esanggoma andomaba hilingik logogin.

AMOS 4:10

An nen ou ero mondok weak mene afuni Mesir mene inoba lakfesigi andi hak, hit hinoba lakfei wagik, hinagainafuri alage mene hinaselei mene inom weim yafi logolik inoasuageluk hilinginafik, it ekhe nen hinanggo kuda inenggi abisak heloageluk hilingitik, hit weim yabuogeluk hinaiba su mene wutep oba andoma An nen ap warek fili amben hinambisang elekwe kwelakhinobagagik, ikhi lagi meneat he, hit hinambotkwe An noba wesu hinabirat welagebo.

ZAKHARIA 14:8

Inenggi andi sambul i eil habup mene o Yerusalem en wulibi wesigin. Wilibi wesumo re, i andi minggilogo re Laut Mati ba kwelabi lagik, nen fena re, Laut Tengah ba kwelabi lagik, ikhi logogin. I andi re tahun hundik-hundik andoma o hibiba ogo nen meisoba ogo lagu mondok logogin.

MALEAKHI 3:11

An nen, hit hinangge kweangma nen enggen iti logogin mene re eluk-elugengge nen paluageluk herakfisikhi logogin lego. Hit hinagayo anggur enggen he mondok hokho-pokhorogo ugu logogin.

ULANGAN 11:24

O yi kwe ti kwe hiren hineisok sebelik logoin kwe andoma re hit eisewerek asugun. Nen, hit hinawi logogun oba huli-hulire o lei eil a'ma fikhit yatma andoma nen he, eil ambolkwe utara fikhit he Tom Libanon huliba, nen mo liabi wagarek fikhit he, i Efrat ima andoma nen fikhit o mo ubuk ikherek fikhit he, i hokho mene yenggelek mene enu Laut Tengah werek huli andoma logogun.