YOEL 2:2 - Allah Wene Fano Wene Hupla Inane

² Linggene andiba re, mondok mum hikhaksek mene wei imbik, mumeak meneba sebelinarek logogin. Tentara pulue esa logalogo re o hena tomkwe sebelik lagarek andi hak sebelinabigin. Wene a'nogo hilinglasigin andi hangge ekhe hilinglagunem hogorek mondok lek mene. Nen, hobuk ekhe hilinglagunem hikhi logogun mondok legat mene hilinglasigin andi.

YOEL 2:2 ပူးပေါင်းရင်းမြစ်များ

MAZMUR 10:6

It inendawimo nen anggikhi logolik he, ”An nen hilingisigin mene andoma re ambisangma ekhe weagasigin lek, nen hobuk logogun huli andoma ogore ap weak hilingiti'lek welagaikharek hakhogo logogun,” iluk anggagarek.

MAZMUR 97:2

Ohena inom, o mum inomen he At ebe maserogo kwelabek werek, At ebe lego logolik melalinaferek mene andi ero re Aren wene katokhogo hilingiterek mene andi inom Awene melalek werek mene andi inom oba werek.

KELUARAN 10:14

Waluk wagaikhemo, o Mesir yi awi ti awi mondogat labok i wagaikhesik mondok hokhorogo were'ma hasukwa. Attak pulue hokhorogo a'nogo ekhe hilinglaga lagaikhe lek. Nen, hobuk andi higit ekhe hilinglasigin lek mene re, we, andi hilinglagaikhe.

KELUARAN 10:6

Hat haiba istana inom, hagoromi inaiba inom, afuni o Mesir yoma werek mene inaiba inom, mondogat he, pulue mondok hokhorogo pete igin o. Pulue hokhorogo wesigin andi hangge re, hinombalak werek oba wagunem hikhi lagaukwa lek mene. We, hokhorogoat wesigin o, iluk ikhe,” iluk yaga'luk, at Musa lagokhogo ambotkwe wulibi wagaikhesik wagaikhe.

KELUARAN 20:21

Yagaisasikhesik, it afuni omanogo inebe yatkwe mendek werek kwelek, at Musa a'nogo nek he, o hena eil mondok mum hik-hak se'ma At Allah ebe werek higit asi lagaikhe.

YESAYA 5:30

Linggene andi sambul afuni Israel mene werekwe mondogat andoma re weim yabuogeluk hilingitunem iren hilingiri'lagwi mene andi re i laut eindep ane ikherek hak hilingik logogin. Yethani! O kweang andiba selek welaga mene a'nogo o mum en peterogo kuruak teng ikhe andi.

YESAYA 8:22

pogot liakhigik kweangma pelakhigik hilingisugun oba nen he, amu mene ekhe hogoin lego, we yi enggin ti enggin inom sumburu ouwak agarek mene inom, o mum mene hilingi'mo inendawinggenmaet yegelik ikherek mene inom enek were'ma hikhi logogun o. A'nogo hikhi logolik were'ma hobuk it inebe o mumse'ma andoma hugisa lagain.

YEREMIA 13:16

Aren hup agarek mene andi oan lakfei wagi'lek werek kwelek, nen hineisok tom oba tunget figi'lek werek kwelek, o selek faget eberek welagep mene andi Aren agaumhogo mum mene hilingfigi'lek werek kwelek, hit hineisena Tuhan Allah andi legeisogo fikhi logogun halok fano.

YEREMIA 13:6

Eil misik welagagusigen he Tuhan nen an mimingnafi logolik sarung a'nogo i Efrat aik oba nen nekhengge wani loageluk yaganete.

RATAPAN 1:12

”Yago, hit afuni kwe bene laga lagep mene nen hineilenggen nealuk kwela'neani o! Tuhan nen anini hokho mene an noba fikhesik, enggin hokho mene noba fikhe mene yi foge'ni! Ou pou hokho mene an nen yogondak hikhi lagi mene ari higit mene re ekhe werek anggegep?

YEHEZKIEL 32:7

Hat hebe An nen leget hobagagin sambul andi re pogot An nen huli'libet figik, hesagal enggen mumet figik, mo ambotkwe sugulogo anggulok a'ma kwelakfigik, tugi omba'bak eti'legengge welagik, igin.

YEHEZKIEL 34:12

An nen he ap gembala nen at anggo domba heraginabi laluk, hesangge pesangge werek mene omanogo misi'mo kaboget fisa we'luk halinafarek hakhogo, It nagainafuri andi re inebe linggene mum mene weagerinaferek mene andiba nen nalek falek werek mene andoma woginarek fisa wesigin.

YEHEZKIEL 38:9

It inom tentara aren mene inom, it inunggulenu hokhorogo at inendawi mene inom he sielu funha wagarek hak waga logolik inoasi wagik, nen sogoien hakhogo kweang andiba mondogat sebeli wagik ugun o,” iluk yaganete.

DANIEL 12:1

A'nogo yaganetesik malaikat asu lenan su meneba laberek mene a'nogo nen nekhengge yaganeti logolik, ”Linggene andi sambul he, at Mikhael malaikat hokho mene hat hunggulenu mene kagalinarek welagarek mene andi weinam asi wesigin. Andi nen he inenggi ekhe enggin-fenggin hokho mene hogoin oba attak yi afuni ti afuni inunggulenu lombok welagaukwaba ogo ekhe hasukwa lek mene logogin. Oba nen he afuni hat hunggulenu mene mondogat inenu buku Allah nen meneba lisu palek werek mene andoma re inagap telinabigin.

DANIEL 9:12

Haren he, nit ninogogwi fetninarek welagaikharek mene omanogo ninom yaganisikhi logolik, Afuni o kweangma yi awi ti awi welagaikharek mene andoma mondogat wene weak mene inoba figi'lek enggere, hit afuni o kota Yerusalem mene nek he wene enggin mene hinoba fagain o, iluk isigin higithogoat hilingninafen o, neisena.

YOEL 1:6

Nen pulue re, ap tentara esa logalfuluk inoasuogoluk wagaikharek hak, ninaiba weaget fouwogeluk arat logalogo wagaikha andi. It inebe mondok hokhorogo, inenggi wenasu re mondok elo'lek mene, inomame mondok hokhoat mene. It inaik enggat he mene singa he mene aik hakhogo enggat mondok werelek kabuk mene.

YOEL 2:25

An nen it pulue esa hokhorogo andi inayonggo figirik lakfisa wagimo re, iren yi tahun ti tahun hinangge yi mene ti mene yago mene enggen weaget faga mene andi, obali'mo wokhisamo fano ninggi logogun o.

YOEL 2:31

O mo mum agik, tugi elokhonggen mep hangge hilinglagik, igin. A'nogo mondogat hilinglasigin andi re, An hineisena nawi esin inailo mene wei igin andi re, oan wei igi'lek werek kwelek attak-attak hilinglasigin.

YOEL 2:5

It inebe tomkwe andoma telim erik lagunem ineisok abolok he, no kereta weim yabuogeluk lagunem eisok abolok ikherek hangge inom, nen lei ninggi logolik endu amulok ane mimi ikherek hangge inom, hilingiterek. It inebe eratunem he, ap tentara inanini mene nen weim yabuogoluk sinelogo kwagarek andi hangge hilingik.

YOEL 3:4

Hit afuni Tirus mene inom, Sidon mene inom, afuni o Filistin mene ekhema-ekhema welagep mene mondogaren he, An ninggi'nogo hilingnobagauwogeluk hilingiti lagep nogo? An nen weagethinafi lagagi mene andoma eberek logolik wene onggo noba fouwogoluga? Halok he An nen hit hinonggwarek hinobabut oba wene hinoba fembik onggo lagokhogo weak-weagat weagethinabigin werego.

AMOS 4:13

At nineisena Tuhan nenat o tom-tom andoma walhogo figik, sogoi elalhik, isikhesik he, at endawimo anggikherek mene re nit afuni yaganisikherek. Andi nen o linggene inom, hubanggo inom Arenat walhasikhesik, ebe o kweangma yoma yi awi ti awi tom unggul kwe nikherek. Enu re, Tuhan, Allah Omame mondok hokho mene andiat.

ZEFANYA 1:7

Tuhan nen he At againafuri omanogo afuni nen wam warogo foukhogo hilingitarek hak it hele warogo inoasigin iluk fik-fougeti logolik he, it Yehuda mene inaselei mene ogore inayonggo fikheat. Nen linggene Tuhan awi andi sambul hilingisigin oba andi re mondogat horogasi waga. Linggene andi sambul he At Allah ebe nenat hilingisigin enggere, At awe a'ma andoma hinabolok legat logoni.

ZAKHARIA 14:6

Inenggi andi asi wesigin sambul he, o sogoi inom, meiso sogenggen es mene inom ekhe logogin lek.

MATIUS 24:21

O andi sambul weagat asigin andi re, omanggum Allah nen yi mene ti mene elalhikhe andi huli nen pikhit, o yogondak ya huli re, andi hangge ekhe hilinglagi'lek. Nen, hobuk ekhe mondok hilinglasigin lek meneat he, misik sambul faget andiat weak hokho hilinglagunem hogoin o.

MARKUS 13:19

O andi sambul weagat asigin andi re, attak Allah nen yi mene ti mene elalhikhe andi nen pikhit, o yogondak ya huli re, weak hokho andi hangge ekhe hilinglagi'lek mene, we misigam andi nek hilinglasimbik, hobuk ekhe hilinglasigin lego.

ULANGAN 32:7

Afuni attak welagaukwa mene, inoba ebe'ni, hinendawimo ebe'ni, Hinombalagen yagahisoagaluk, inoba heinok wogisano.

IBRANI 12:18

Nerugwi nagaila'lak. Attak it afuni Israel mene tom Sinai inenggi elok fakfou meneba wagaukwa andi hak, hit tom andi hangge meneba wagi'lek. Tom Sinai andiba ebe yi'nogo hilingitunem wagaukwa. Endu amulok lagagik, o mum hikhak iluk mum agik, sogoi aninirogo funha wagik,

YUDAS 1:13

Nen, ekhe re, i laut hokho yenggele'ma ha'labu hesangge-pesangge aninirogo mondok wati logolik, wesilagap hilingisogo fikherek andi hak, it andi hesanggeat hilingiti logolik, inenggali lek weak hilingiri'lagwi. Hesagal furunghogo mum wea'ma lagarek andi hak, Allah nen it andi o mondok mum hikhakse'ma logouwageluk inobagagin werego.

WAHYU 9:2

Pi wagasik, kweang a'ma ma'lima kwe hutunem he, endu so'le lei fatunem hokhorogo lagaikherek andi hak, kwe hurikwe andi nen, so'le lagakhi logolik he, mo inom, pogot inom, mum hilingisogo fugunem yethigi.