YOEL 2:17 - Allah Wene Fano Wene Hupla Inane

¹⁷ Nen it ap Allah eisewerek logolik, At faget hilingiri'lagwi mene andoma re, mezbah honggolek, solombon elokhoma mene honggolek tulem andoma nen le asuak. A'nogo le aga logolik, mel uak: Allah henupogot mene, neisena. Hagainafuri hendawirinabin o. Hat honggwarek hangge mene andoma afuni nen weagerinafunem he, it inunggulenu amu mene nen inane asegen wogisikhi logolik, It ineisena Allah re ebe koma werek? iluk ikhi logoinogo,” iluk ayonggo fouwagaluk yagaisasigi.

YOEL 2:17 ပူးပေါင်းရင်းမြစ်များ

1RAJA-RAJA 6:3

Nineisena Tuhan Awi andi solombon uankwe elugun higithogo re 4,5 meter, nen horokwe re o ebe higithogoat 9 meter en.

1RAJA-RAJA 9:7

An nen hit nagainafuri Israel mene o wokhisasigiba yoma nen mugisogo wulakhinobagambik he, o An faget hilingitu mondok logogun oba nawi wurogo nobagegen mene yi, nebe welagi'lek herakfisaluk wulibigin o. A'nogo herakhinobagaumo re, afuni ekhe o yi awi ti awi nen hit Israel mene inendawimo seramet hinobagaluk, endo yakhinafi logogun o.

2 TAWARIKH 7:20

o kweang hit wokhisigiba yi nen hit hinebe wulak hinobagagin. Nen, o wene An nobaget kabogeti logogun oba iluk An nen katukhogo figi mene yi herakfuluk lagainat. A'nogo hilingisumo re o ekhe kwe ekhe kwe nen he o yi faget enu weagerogo figik, endo yagaisogo figik, ikhi logogun.

2 TAWARIKH 8:12

At Musa nen wene melalek palhikhe mene a'nogoba higithogo re linggene hokho mene aremnogo hilingik aplerogo wam wati logogun iluk isikhemo re: Linggene Sabat sambul faget inom, Linggene Tugi Ket mene folelhu halok faget inom, Linggene tahun misik oba misik sambul kabogeti lagaukwa mene faget inom, Linggene Roti Fiterek lek meneba werago nunggu sambul faget inom, Linggene Enggen Ugu Palhu mene faget inom, Linggene O Sabu Enggaba salhigik welagaukwa mene ebetikhi logolik faget inom, at Salomo nen o Tuhan Awi elokhoma aremnogo Tuhan faget warogo noletuba mezbah wutikhe meneba a'nogo wam warogo noletikhe.

NEHEMIA 9:36

Mene re, yethan! Yogondak, nit ninanggweang muli fano ninombalak wogisasigin mene andi, nit eise asimbik yi mene ti mene yagaisogo helikhi logogun mene, afuni ekhe inamingmingengge hilingla'luk welago andi, neisena.

MAZMUR 115:2

It afuni inunggulenu lombogen he, ”It ineisena Allah ebe koma werek,” iluk nenahalok agarek nogo?

MAZMUR 42:10

Allah an werekwe agendek mene a'nogo hoba nane yagaheti lagi o. ”Nenahalok Haren an noba honggoret nobagegen nogo? It naselei mene nen he, yi enggin ti enggin hilingnafunem an nendawinggen mondok weak ari'lago andi nenahalok?”

MAZMUR 42:11

It naselei mene nen, an hundik-hundik yaganeti logolik he, ”Allah haren fogerati lagen mene a'nogo koma werek?” iluk yaganetu mondok were'ma re, an nendawinggen warikhi lagi o.

MAZMUR 42:3

An he Allah heluk welagen mene nendawinggen nunggunem Hoba eberek welagi o. Mera nen an Hat haiba wesimbik Hat hobaget hilingisigin nogo?

MAZMUR 42:4

Lingge hundik, hup hundik le mondok aga logolik, sumburu nenggarek andi hak, le filirogo aga lagi o. Hundik-hundik it naselei mene omanogo nen yaganeti logolik he, ”Heisena Allah ebe koma werek,” iluk yaganeri'lagwi.

MAZMUR 74:10

Neisena Allah, it Hat haselei mene nen ki huli li'not hafu logogun nogo? Hat henu weagerogo fugu mondok werek andi re, a'nogo nek hilingitu logogun nogo a?

MAZMUR 79:10

It afuni inunggulenu amu mene nen nit faget ikhi logolik he, ”It ineisena Allah andi ebe koma werek?” iluk heinok wani nogo. At he nirogo it ap inunggulenu inap andoma nen Hat hamingmingengge inoata mene omanogo inunggulmo hilingfisugunem hogoin aro.

MAZMUR 79:4

Nit he afuni inunggulenu fena nit horok horokwe werek mene oma nen li'not ninobagagu mene hilinglagosik welago, iren he nit endo ya'ninafik, inabit ninoba figik hilingninabi'lagwi.

MAZMUR 89:41

At awi kota leget pa'leget wurik mene a'nogo meisalogo lakfisegen. Kat oba leget uan wurik mene a'nogo meisa'lambukhogo lakfisegenat.

MAZMUR 89:51

Tuhan neisena. An hamingmingengge yi, noba wiik weakhogo yaganeri'lagwi andi hendawimo ebesin o. Afuni inunggulenu lombogen inane weak noba fili'lagwi andi nen he nendawimo weak welagi o.

KELUARAN 34:9

mel yagatikhe: ”Tuhan neisena, hat eberogo nenat, an nebe hoba liok ili'lago halok, hat hebe nit fetninarek logoinogen iluk hayonggo figi andi nane hesanggo holin o. Afuni Israel mene andi inendawinggen mondok helep meneat he, niren yi weak ti weak hokhorogo hilingitorek mene andi, haren sagalogo legetfisambik he, ninebe hat honggwarek hagainafuri meneatma wo'ninabino o, neisena,” iluk ayonggo fesikhe.

YESAYA 22:12

O andi sambul he Tuhan Mondok Lego logolik Omame Mondok Hokho mene a'nogo nen he hit le yagaisogo logolik fong watik, hinesi hogologo palhik, pelagi su labetik hilingi'ni o, iluk yagahisagain.

YESAYA 37:20

Nit nineisena Tuhan Allah, afuni kweangma inunggulenu lombok werek mene andoma nen he we Hat hamu nek Tuhan welagen mene a'nogo inelu asuageluk, ap Asyur mene andiba nen nit telogo ninobagain o,” iluk samban isikhe.

YEHEZKIEL 20:9

Oba nen he iren afuni unggulenu it were'ma andoma mene nen An nenu weagerogo feinogo iluk An nen a'nogo hilingitigi lek. Andi re it inunggulenu andoma ineilhanem An nen nane menfikhi logolik, An nen unggulenu Israel mene andi re o Mesir en woginarek wulibi lagain o, iluk nane menfesigi.

YEHEZKIEL 8:16

A'nogo ikhesik an wo'narek Tuhan Awi wuri'mo senggelek mondok hore'ma kwagarek mene kwe ambeba horokhogo mezbah wurik mene nen hilingi'luk folelek ekhe hilingi'luk honggole'ma andem ap inebe dua puluh lima nen mene were'ma lagaikhe. It inebe re Tuhan awi mondok hore'ma a'nogo inambot wogotasik inelokhe mo liabi wagarek fikhit andoma logolik ineindep awi yagaisogo fogerati lagaikha.

HOSEA 14:2

A'nogo isikhemo, an nen afuni Israel mene yagaisikhi logolik mel isigi, ”Hit afuni Israel mene yi. Hinebe nineisena Tuhan Allah oba hinambotkwe we'ni o! Hit weak hilingiti lagep oba, hineisok peikhogo hinebe warikhi lagep.

YOEL 1:13

Hit ap Allah eisewerek logolik mezbah oba omanogo yabu hilingiti lagep mene yi sani, hinasu karung mene sambuneraluk he le yakhikhi logoni o. Hit hineisena Allah obaget fugu mene anggur inom, gandum inom fuluk wogotu mene mondogat lek aga andi nen he, o hup inukhogo andoma le agu mondok logobagaigen he o Tuhan awi wuri'mo andoma kwikhi logoni o.

YOEL 1:9

Gandum inom, anggur inom, nineisena Tuhan awi wuri'mo fisugu mene mondogat leg aga. Andi nen he it ap Allah eisewerek logolik, At faget hilingiri'lagwi mene omanogo le yagaisogo werek.

AMOS 7:2

A'nogo elalogo fikhemo, it pulue omanogo nen yi engga ti engga kweangma wilibik mene omanogo mondok felelenghogo nunggunem yethigi. A'nogo yethigirik, an nen he mel yagati: ”Neisena Tuhan Hebe Lego mondok welagen mene. Hagainafuri yi it inebe mondogat mage nen inomame ogore lebelek hilingi'mo iren hambuget ha re mondok elo'lego. Andi nen he, it hagainafuri nen weak hilingita mene andi re sagalogo legetfisan o, neisena,” iluk ayonggo figi.

AMOS 7:5

A'nogo yethigirik mel yagati: ”Neisena Tuhan Lego Mondok welagen mene, endu andi re fasi wagi'lek, herakfeino o! Hat hagainafuri Israel mene inebe endep inomame mondok lek hilingi'mo re, iren ninggi'nogo hambuget haluk logou hak nogo? Elo'lego,” iluk igi.

MIKHA 7:10

Attak he, it inaselei mene nen nit pilipninafi logolik yi'nogo ikhi lagaukwa, ”Hit hineisena Tuhan Allah andi re ebe koma werek nogo?” iluk ikhi lagaukwa. Oba nen yogondak he, nit nineisena Tuhan nen nit ninobaget hilingninaferek mene andoma nisambik he iren inenggali asugun. Nen, it ninaselei mene andoma re fesi ebekhe kwe were'ma sebelharek andi hakhogo sebelisamo nineilenggen isogoin.

MALEAKHI 1:9

Andi nen he, hit ap Allah eisewerek mene yi. Yogondak hit Allah oba yagatunem, Aren endawi hundik hilinghinabuakhogo re walhani o. Hit hinonggwarek weak oba hiren samban At oba yagasugun mene onggo yagaisagain lek a'naga.

BILANGAN 25:6

A'nogo yagaisasikhemo Musa inom afuni mondogat omanogo inom o Tuhan Awi sabu sale'ma solombonma omanogo nen le aga logolik were'ma nen he, ap Israel mene misik ekhe nen he, he Midian mene ekhe waluk awi sabu sale'ma a'nogo kugunem ineilenggen welagaukwa

MATIUS 23:35

Andi halok he, it ap inobabut higit hilingiti lagaukwa mene, inamep wulagaisogo inoarik wagaukwa andi, huli ero Habel obabut higithogo hilingiti lagaikhe mene oe nen watikhe andiba nen pikhit, huli wurep oba, at Berekia amlogo Zakharia andi Allah awi wurik honggolek, Allah anggo warogo endu noleti lagaukwaba honggolek, tulem watigip andi huli, it mondogat inamep hit hinoba lombok hinenggiba werego.

MATIUS 27:43

Endawinggen Allah oba himbirik logolik, ”An Allah amlogo o, iluk ikhi laga a'nogo re, at Allah nenat teligin anggikhe halok he, telinik he,” iluk isukwa.

ULANGAN 28:37

O kweang At hineisena Tuhan nen nalek-falek hinobagagin oba andoma nen he afuni nen inamel-melhogo ineil kumuthisikhi logolik he pilibethinafik, endo yakhinafik, hilinghinafi logogun.

ULANGAN 32:27

A'nogo meneat he, Israel inaselei mene, fogerakhogoin nabit anggigi, An nen hilingitu kwelek meneat he, it inendawimo weak ebeti logolik, Allah againafuri andi, niren mabenetfisogo, iluk inendawimo angganogo, iluk Allah nenat isikhe.

YOSUA 7:9

Afuni Kanaan mene inom, afuni amu mene o kwe yoma werek mene inomen he wene hilinglaga mene andi faget inesanggo holugun. Nen iren he nit hukhogo kwelakninobagambik nit ninebe abirengge ninoasugun logou hak! A'nogo hilingirik lagunem Hat Halong Welagen mane a'nogo ninggi'nogo halong palogo fakhegen aplerek?” iluk yagatikhe.