YOEL 2:16 - Allah Wene Fano Wene Hupla Inane

¹⁶ Afuni mondogat andogerinapluk he, tegelogo fisani. Ap inaluendek mene inom, yenggerugwi magendek mene inom, omalik eilak oba mene inom, nen it tugum souge ket lambulinafa mene inom ogore, it inebe nogoli'lagwi kwe andoma herak fisaluk wesuak enego.

YOEL 2:16 ပူးပေါင်းရင်းမြစ်များ

2 TAWARIKH 20:13

At a'nogo samban ugu kwelek he, it afuni Yehuda mene omanogo inagagwi, inagainafuri inom he o Tuhan awi wuri'mo omanogo mendek welagaukwa.

2 TAWARIKH 29:5

andoma nen it inom wene ane mati lagaukwa. Aren yagaisikhi logolik he, ”Hit ap Lewi mene re, hit hinambu hinombalak ineisena Tuhan Allah a'nogo Awi wurik horogo enogo figik, yi mene ti mene mondogat alomat laga mene andoma waganogo wulak fisigik, hilingisubagaigen he, hit hinebe Tuhan obaget enogo fakhani.

2 TAWARIKH 30:17

It afuni hokhorogo andoma kabogesi lagaukwa mene andi re inebe oan enogo fakhigi'legengge lagaukwama re, domba Paskah faget a'nogo warogo fei la re elo'lek hilingigen he, it ap Lewi mene nen it omanogo fanot fisoageluk inobaget hilingiti logolik he Tuhan obaget warogo noletukwa.

2 TAWARIKH 30:19

”Neisena Tuhan Allah nit ninombawi nen foget hafi lagaukwa mene neisena, it ap yi re inebe oan enogo fakhigi'lek wagaikhasigen, Hat hoba inendawinggen tibet fagasik inebe mondogat seberogo kabogeta andi nen he, Hat hendawi fano nen hilingiti lagen mene a'nogo it inaweak honggorabethogo fisan o neisena,” iluk samban isikhe.

2 TAWARIKH 35:6

It afuni Israel mene nen he, At Tuhan nen wene melalek Musa bene nen wo'nisasikhe mene a'nogo higithogo hilingisuageluk he, wam Tuhan obaget warogo fugu mene hiren fougeratik, hit hinonggwarek hinebe faget an he Tuhan apne wanigiluk welagi, iluk enogo fakhigik, ino. Nen, hiren he domba Paskah isatu mene a'nogo ogo wasugun hilingi'mo re,” iluk yagaisasikhe.

AYUB 1:5

A'nogo hilingitunem, ap Ayub endawimo nen he, ”An nagainafuri a'nogo hilingiti logolik, ineranen hilingiti'lek meneat he, ekhe weak hilingitasik Allah enu weagetfaga he a,” iluk endawimo anggikhi lagaikhe andi nen he, againafuri pesta a'nogo hilingiti lagaukwa mene omanogo ebe lombok faget, mondogat hilingitu halok he, Ayub ebe huberat siakhogo, it weak hilingitu mene andi nineisena Tuhan nen sebelogo leget fisoageluk, inebe lombok faget wam Allah warogo noleti lagaikhe.

MAZMUR 19:5

A'nogo meneat he, iren agarek mene andi yi awi ti awi saga ikherek. Wene yagaisagarek mene andi pogot ero huli andoma lagarek. At Allah nen mo awi o pogoroba wurogo fesikhe.

KELUARAN 19:10

Hat yogondak he, it inoba pin o. Pimbik he, it An fogetnabuogeluk o yogondak inom, ohealek inom, tegelogo fakhambik logouwagen yagaisano. Tegelogo filik logolik, inasu fanorogo sobalogo fakhambik logouwak.

KELUARAN 19:22

Nen, it ap An nebe eisewerek mene ogo re, inebe mondok sobalogo nen noba horokhogo wesuago. A'nogo sobalhi'lek wesugun halok, unggum inoba fagain o,” iluk yagatikhe.

YOEL 1:14

Afuni mondogat yagaisaluk he inambe heang logouwageluk yagaisano, It afuni kaindek welagaikharek mene inom inogogwi inaluendek mene inom, it afuni Yehuda mene inebe mondogat inom, o Allah awi wuri'mo we'luk Aren lebethisoageluk ayonggo fikhi logoino o.

MATIUS 21:16

Yesus mel yagatukwa: ”It yenggerugwi ili'lagwi andi hesanggo holhi lagen a?” iluk, yagatukwama, aren he, ”I o. Holhi lagi o. Nen, wene mel iluk lisu palek werek a'nogo hiren enu salhi'lek welagep nogo? Iren Allah fogerati logolik he, ”Hat hebe katokhogo fogethafi logouwageluk, yenggerugwi ketago mene inom, eilak oan nili'lagwi mene inom, mondok yagaisegenma higi, iluk isukwama, lisu palek andi hiren enu salhi'lek welagep nogo?” iluk yagaisasikhesik,

MATIUS 9:15

Yagatukwama re, at Yesus nen he, mel yagaisasikhe: ”Ap ekhe agwe ikhikhi logolik he, at erugwi agaila'lak inomat logolik he, it inendawimo wiik-weakhogo logogun nogo? Lego. A'nogo meneat he, erugwi agaila'lak fisaluk, ap andi waluk logoin oba weregaro. A'nogo waluk lamo nek he, it andi inenggi ekhe sumburu ninggi'lek sambanat ikho logogun aro,” iluk yagaisasikhe.

1 KORINTUS 7:5

Halok he, hemi ap hinom nogo ikhi logogun. Heksek logogubo. Samban uogeluk halok he, yi'nogo ugun: ”Elama faget weat logouwok,” iluk weneane hinom imbigen, samban ikhi logombik he, hobuk hinom lambukhogo logoino. Hinendawinggen sebelugun elo'lek andi nen, Iblis nen hinendawimo kagalinogo iluk he, hinom lambukhogo logogun andi.

YOSUA 7:13

Yosua, hat yogondak he menlame! Menlasimbik afuni Israel mene andi inebe horogo fakhambik An were'ma wesuagen he fik-fouk esuageluk yagaisano. An nebe Afuni Israel mene ineisena Tuhan Allah a'nogo nen igi mene yi it yagaisano: ’Yago, hit afuni Israel mene yi! Yi mene ti mene hiren lilibukhogo legerasubagaigeluk An nen melalhinobagagi mene omanogo hit hinelu logoligenat he, fisogo welagep andi. Hit hinangge yi mene ti mene helegep mene andoma hugisigi'lek halok he, it hinaselei mene inelokhoma re, hambukhogo fangesu elo'lek logogun,’ iluk yagaisagain enggere, hobit iren fik-foukhogo hilingisuageluk komotfisano.

YOSUA 8:35

Musa nen wene melalogo yagaisasikhe mene omanogo re Yosua nen mondogat afuni Israel mene ap inom, hemi inom, inagainafuri magendek mene inom, nen afuni pok mene it inanggelekwe werek mene inom, andoma kabogetukwa mene omanogo inoba pilingisogo yagaisasikhe.

1 SAMUEL 16:5

A'nogo yagatukwama, at Samuel en he, ”Eberogoat. Wam nineisena Tuhan faget warogo nolesuogeluk wagi o. Andi nen he, hit ninom wam warogo nolugun anggegep halok he, afuni inenggisabul hotarek andi hak, hinoba fanorogo horasimbik, hinebe Allah faget fisano o,” iluk yagaisasikhesik, ap Isai againafuri inom inebe lombok inoba fanorogo horatukwasik he, wam warogo Allah noletunem wesuageluk inayonggo fesikheat.