YOEL 2:13 - Allah Wene Fano Wene Hupla Inane

¹³ Hiren he, ”Nit weak hilingito iluk hinasu tilibesu fugo, oba nen he hinendawimo warano,” iluk yagaisasikhe. A'nogo yagaisasikhemo, an nen he, mel yagaisigi: ”Hineisena Tuhan Allah andi re obabut sakhorek logolik endawirinafik, a'mage weak-weak lagagi'lek welagik, wene weak mene inoba figi'lek weak hilingitarek mene sagalogo herakfisigik, ikherek andi nen he, hinendawimo waraluk, hinebe hinelokhe hebelogo At woge'luk logoni o.

YOEL 2:13 ပူးပေါင်းရင်းမြစ်များ

KEJADIAN 37:29

Helaluk lagaukwama, at Ruben pogolema a'nogo eilenggen ha lagaikhe re, Yusuf ebe le'ma hasikhesik, endawi nen he asu libilogo lakfisasikhe.

KEJADIAN 37:34

A'nogo isikhesik, endawi nen asu libi'labak hogo lakfisasikhesik, asu weak mene laberogo pelagwi fesikhesik welagaikhe. A'nogo labetikhesik, hundik-handik amlogo faget le agu mondok welagaikhe.

2 SAMUEL 1:11

A'nogo yagatikhemo, esanggo holhikhesik, endawimo weak agaikhemo re, asu tiliphogo lakfisasikhe. A'nogo hilingitikhemo, agoromi tentara mene mondogat a'nogoat hilingitukwa.

1RAJA-RAJA 21:27

At Elia nen wene a'nogo arat yagatikhemo, at Ahab esanggo holhikhesik he, ”An weak hilingiti o,” iluk asu ebe laberek welagaikhe mene tiliphogo lakfisasikhesik he, sumburu ninggi'lek logolik asu karung meneba laberogo welagaikhe. Nen nogogiluk ogore, su karung mene andi laberogo nogokhi lagaikheat, nen kwe lageluk he obabut isorogo laga lagaikhe.

2 RAJA-RAJA 22:11

A'nogo salhikhemo, wene lisu elonggoma palek mene at raja Yosia esanggo holhikhesik he, endawimo weak agaikhesik, asu laberek mene tiliphogo lakfesikhe.

2 RAJA-RAJA 22:19

an neilhanem he, nit weak hilingitoma o, iluk hendawinggen sebelfakhegen mene andi An mondogat higi o. Nen An nen o kota Yerusalem inom, afuni inebe mondogat inom weagerinabigiluk arat tekhogo igimo o. A'nogo igimo andi nen he wene andi afuni ineilenggen hambik inailo agik, o kota Yerusalem homan ikfigimo andi nen he enu homan ugu igik, ikhi logogun o. Oba nen he, haren An nen wene hinoba fagain igi mene andi hesanggo holhendik hendawimo weakhogo hasu laberek mene tiliphogo lakfisigik, le agik egendik, samban oba yaganeten andi An arat holhi o.

2 RAJA-RAJA 5:7

A'nogo waluk wagaikhesik, afuni Israel mene inoe raja wogosi wagaikhemo enu salhikhesik, ailo agaikhemo re endawimo weakhogo asu tilip-talaphogo lakfisasikhesik mel isikhe: ”Afuni Siria mene inoe raja andi re an nen ap yi oumo henanggo inailo mene andi elok hilingisu hagen yaganete nogo a? Nailo e. An nebe re, Allah omame were'ma re, afuni inelugerinafik, inoatik, ikherek andi hak fuk, lego. Afuni Siria mene inoe raja andi re, we an weak yaganesigiluk obalisin yaganetemo higi,” iluk wene palhikhe.

2 RAJA-RAJA 6:30

A'nogo yagatunem, at raja a'nogo esanggo holhikhesik he, omalik nengga mene a'nogo endawi ouen he asu laberek mene libi'labakhogo lakfisasikhe. A'nogo libilogo lakfisasikhesik lagunem afuni ekhe leget pa'leget wuri'mo mendek logolik were'ma nen he raja a'nogo asu elonggoma mene re karung su mene laberek were'ma hasukwa.

2 TAWARIKH 6:27

Holfisaluk he it Hat hamingmingengge Israel inap andi inaweak legaphogo fisikhi logino. Nen, iren eberogo mene nek hilingiti logouwageluk yagaisikhi logoino. Nineisena Tuhan, it a'nogo hilingfisaluk enek he, meiso o kweang it hagainafuri yi mondok-mondok asugun iluk wogisasigin mene yiba pelagisa wagu nogo.

NEHEMIA 9:17

Haren yi mene ti mene faget mondogat fano hilinginafi lagagin mene andi inom, elalin mene hokhoat hilingiti lagagin mene andi mondogat inom, hologo hilingisu inabiren he, inendawimo eberek welagi'lek inonggoret fisasukwa andi. A'nogo inonggoret fisasukwasik, inonggwaregen fogerakhikhi logolik, it inoe ap ekhe nen it woginarek o Mesir inambotkwe lagaukwasik afuni Mesir mene inamingmingengge logouwageluk fisa loageluk, wenagaisogo fesukwa andi. A'nogo meneat he, afuni weak hilingitunem hat Allah nen sagalogo legetfisigik, inebe hendawirinafik, ha'mage horogat het-perigi'lek herakfisigik, egendek andi. Inebe hendawinggen hundik mondok logolik, it inebe kofologo herakfisigi'lek farinarek mondok welagagin andi.

AYUB 1:20

A'nogo yagatukwama, ”At Ayub endawimo weak agasik hilingite,” iluk inendawi wenggelasuagaluk, asu laberek mene tilibisigik, esi palisigik, isikhesik he, Allah fogerasigeluk kweangma eindep awi yakfilik, mel isikhe:

MAZMUR 103:8

At Tuhan he endawi hundik hilinginafik, inelagaik were'ma endawirinafik ikherek mene werek. At obabut mondok hombunsek logolik, endawi hundik mondok hokhorogo hilinginafu werek.

MAZMUR 106:45

It andi inobaget he Aren wene warisasikhe mene a'nogoba eberisikhi lagaikhe, nen Aren endawi hundik mondok hokho mene hilinginaferek mene a'nogoba endawirinafi lagaikhe.

MAZMUR 34:18

Tuhan he, afuni ekhe at ane hologo higithogo hilingiterek mene re, yi weak ti weak inoba wagunem, telinabuagaluk ayonggo fugunem inane esanggo holfuluk, telinaferek.

MAZMUR 51:17

Neisena Allah, an naneba fogethafi logoigen he, Haren an nambe hutfein o.

MAZMUR 86:15

Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YESAYA 58:5

Hiren hinambe heang logoligat he, hinonggwarek lalikhi lagebo, hit he engga hakhogo hinunggul wamborogo welagep. Hiren he su karung mene talogo fuluk, wul pelagaisogo re amboloba wengik logolik welagep. A'nogo hilingitu mene andem faget heang welago iluk ikhi lageba? Ariginhi lagep mene andem faget An nen nagaiyek asigin anggikhi lageba?

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

YEREMIA 36:7

Haren a'nogo igin andiba re iren Tuhan oba samban igik, it ina'mageba hilingiri'lagwi mene omanogoba nen inendawinggen hebelhik, ugun logou hagaro. Tuhan nen he it inoba a'mage lagaikhesik he it unggum inoba fagain iluk inanggomo kagalhe o,” iluk yagati.

YEREMIA 41:5

ap inebe delapan puluh nen engge o Sikhem inom, Silo inom, Samaria inom oba mene wagaukwa. Iren he, inomborosi palhik inasu tilip-talaphogo lakfigik, inagap paligik, hilingitukwasik waga logolik, iren gandum inom, kemenyan amben fanongge Tuhan Awi wuri'mo fogoin nen iluk waluk wagaukwa.

YEREMIA 42:10

”Hiren ambi o kweang yiba femhogo logogun halok he wene hit hinoba hilinglari'lago mene andoma faget An nen nendawinggen warikhi lagi hilingi'mo re, An nen hit sebelogo hinobagakhi logogin lego oba nen legeisogo hinobagakhi logogin. Nen An nen hit pelakhinobagakhi logogin lek oba nen he menegaisogo hinobagakhi logogin o.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

HOSEA 14:1

”Samaria re An noba eilnafesik nane sagalogo hilingitu nen he, unggum hela higit obaat helagain o. Afuni holhu mene aren mene andoma re weim elema nen wa'lasugun. Inomalik ketago mene re wulil tagalogo legerinafik, hemi omalik ina'ma mene re inalabut pelangetik, ugun o,” iluk ikhe.

YUNUS 3:9

A'nogo hilingitunem he, nineisena Allah a'mage ninoba fikhesik ninoasigiluk ninabok palhesik werek andi, herakfisambik endawit ninabigin a? Lega, sa elu,” iluk wene ero wulafukwa.

YUNUS 4:2

A'mage lagasikhesik, Allah ayonggo fikhi logolik he, mel yagatikhe: ”Tuhan neisena! O attagenat an naiba logolik aremnogo Haren a'nogo hilingisigin iluk an nen isigi lek nogo? Isigiat anggigi! Hat he hobabut inelagaik isigik, afuni hendawi hundik hilinginafik, hendawinggen sakhorek oba hilingitik, hobabut fetakhogo hilingiti'lek logolik afuni weak hilingitu mene inoasigin iluk inabok palherendigen he, hobuk hendawirinafi legen a'nogo nelu logolik he, an heise o Spanyol lagaluk lagagi anggigi.

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

NAHUM 1:3

Eberogo nenat At Tuhan andi re a'mage weak-weak lagaikherek lek. A'nogo meneat he, o yi awi ti awi At enek sagarek werek andi nen he afuni ekhe nen weak hilingitu halok he Aren unggum inoba fisikherek mene a'nogoba nen ekhe longgo u lek hak. At Tuhan ebe koma kwe lagu halok he, andoma sogoi sielu wiliferek. Nen At eisok sebelhugukwe andoma re, wul age hena higit palogo lagaikherek.

BILANGAN 14:18

’An hineisena Tuhan nobabut he, weak-weak na'makwe het-periluk wenagisigirek lego. Nen, hokhorogo nendawirinafik, herakfisigi'lek ferinarek mondok welagik, afuni weak hilingitarek mene inom, inaselei mene hangge hilingnafarek mene inom, sagalogo legetfisigik, igirego. It a'nogo hilingitu kwelek meneat he, it weak hilingiti logogun andiba, onggo re, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat inoba fagain o,’ iluk isigin anggigi.

ROMA 2:4

”At Allah obabut fano mondok, enago lioksek,” iluk, hinendawimo sebelfikhi lageba? Hit hinendawimo nen he, ”Allah obabut fano nen nit weak hilingiti lago mene herakfisaluk ninobabut hebelasuageluk, ninendawimo kagalherek,” iluk hinonggot nogo? Hinelu aro.

EFESUS 2:4

A'nogo welagaikhe meneat he, hobuk at obabut fano enago mondogen, hokhorogoat endawitninafikhe.

1 TIMOTIUS 4:8

Afuni inebe faget mep elukhogo inenggingge wanharek andi, yogondak ya elama faget endebat fano hak hilingitarek. Meneat he, ninendawinggen faget Allah awe a'ma logolik, at eabu wanhi logoumo, at Allah nen he, ”Yogondak hineluk welagep mene faget inom, hobuk hineluk mondok logogun mene faget inom, fano mondok asigino,” iluk, abok yaganisasikhe andi eberogoat.