Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOEL 2:12 - Allah Wene Fano Wene Hupla Inane

12 A'nogo yagaisasigimo, Tuhan nen ekhe mel isikhe: ”Andiba nen, yogondak he hinendawinggen oba nenat hinambotkwe noba we'ni o. A'nogo wesimbik sumburu ninggi'lek logolik, samban igik, le agik, ikhi logoni o.

အခန်းကိုကြည့်ပါ။ ကော်ပီ




YOEL 2:12
39 ပူးပေါင်းရင်းမြစ်များ  

Oba nen he at Daud en afuni a'nogo mondogat wenaginafikhesigen he, ”An weak hilingiti o,” iluk anggasikhesik he, aren Tuhan oba ikhi logolik he, ”Eige, neisena Tuhan, an mondogat weak hilingiti o! An nen hilingiti mene andi re mondok kemburogo hilingitimo re, an naweak hilingiti mene andi honggorabethogo nobagain o, neisena,” iluk yagatikhe.


A'nogo yonggo filik laga logolik he, at raja awene melalek oba re surat palek a'nogo waluk it afuni Israel mene werek kwe inom, it Yehuda mene werek kwe inom agoromi pegawai omanogo yonggo wulaginafikhe. Iren surat waluk lagaukwa mene andiba re ane yi'nogo palek welagaikhe: ”Hit afuni Israel mene nagainafuri! Hit he it afuni Asyur mene inenggi omameba nen obogerisaluk wulibi wagagip mene a'nogo, At Tuhan nen nekhengge hit lebethinafi logouwakhogo re, yogondak he it Abraham Ishak, Yakub inom, en apne wanhi lagaukwa mene hineisena Tuhan Allah a'nogo obaget enek hilingiti logobagaigen sugulogo we'ni o.


Holfisaluk he it Hat hamingmingengge Israel inap andi inaweak legaphogo fisikhi logino. Nen, iren eberogo mene nek hilingiti logouwageluk yagaisikhi logoino. Nineisena Tuhan, it a'nogo hilingfisaluk enek he, meiso o kweang it hagainafuri yi mondok-mondok asugun iluk wogisasigin mene yiba pelagisa wagu nogo.


”Afuni Yahudi mene o Susan oba werek mene andoma kaboget fisaluk, hit he linggene henagan andem oba re an nobaget sumburu inom, i inom ninggi'lek heang logoino. Nen an ogore an inom it helime silerik an nobaget yabu hilingiri'lagwi mene oma inom ogore ninambe heang logogun aro. A'nogo hilingisimbik enek he, wene melalek oak sagal fuluk oba nen he an nebe raja were'ma kwi lagain. Wene andi faget an wa'lasigin halok andi re, wa'lasigin he fano nek!” iluk lakfesikhe.


O andi sambul he Tuhan Mondok Lego logolik Omame Mondok Hokho mene a'nogo nen he hit le yagaisogo logolik fong watik, hinesi hogologo palhik, pelagi su labetik hilingi'ni o, iluk yagahisagain.


Hinambe heang oan logoligenat he, hiren wene sagalogo figik, yei yafik, hina'mageba nek hilingitik, hilingitu welagep. Hiren anggikhi logolik he, ”Ninambe heang yi'nogo welago mene yaba re, Tuhan endawimo youk imbik niren samban ikhi lago mene holigin iluk hilingiti lageba?


Yago hit mondogat Tuhan herakfisasigip mene yoma sani, hinambotkwe sugulogo we'ni o! Aren hit higithinafik, hit hinebe tiphogo hilingiti logobagaigeluk hilinghinobagagik igin werego. Hiren ikhi logolik, ”Yogo o yogondak he At andi nit nineisena Allah hilingi'mo re nit At ambit waga lago.


Haren a'nogo igin andiba re iren Tuhan oba samban igik, it ina'mageba hilingiri'lagwi mene omanogoba nen inendawinggen hebelhik, ugun logou hagaro. Tuhan nen he it inoba a'mage lagaikhesik he it unggum inoba fagain iluk inanggomo kagalhe o,” iluk yagati.


Tuhan nen ikhi logolik, ”Afuni Israel mene yi sani, hiren hinambotkwe sugulogo wesugun hinamolo welagep halok he An nambit sugulogo we'ni o. Hiren hinandugwi kembu An nen nabit higirek mene andoma tak hugisaluk he An noba tiphogo hilingiti logoino o.


Hiren a'nogo hilingiti logogun iluk An nenuba hombuk palimbik, hineluk higithogo welagik, katokhogo hilingitik, eberogo mene nek hilingitik, hilingiti logogun halok he yi afuni ti afuni inunggulenu lombogen he An nen it fanoabet fisoageluk kino yaganeti logogun o, nen iren he An foget nobagakhi logogun aro,” Iluk ikhe isikhe.


An Tuhan Mondok Lego logolik, Allah neluk mondok welagi mene nenuba it yagaisano, An he ap kwanirogo hilingitarek mene wa'lasugun andi re nabit anggikhi lagi, at he hebekhogo re at ebe eluk logouwageluk aweak hilingiri'lago mene andoma herakfagain halok fano. Yago hit hinunggulenu Israel mene yi sani, kwanirogo hilingiti lagep mene andoma mondogat hebisani o! Ninggi'nogo iluk hit he hinebe wa'lasugun nogo?


A'nogo ebetirik, neisena Tuhan Allah nen endawit nabuagaluk su karung mene laberogo, sumburu ninggi'lek heang nebe wul oba hurek logolik, samban nane nelagaik nane Allah ayonggo figi.


Allah andi re Tuhan ekhe mene-ekhe mene hilingisu hagenek mene a'nogo. At enu re Tuhan andi. At endawimo nen he afuni nen An nobaget fogetnafi logouwak anggikherek.


Arigini'mo re, hit Yakub ambisangma mene yi sani, Hineisena Allah ba hinendawinggen tibet fuluk, sugulogo At ambit waga logoni o. Hit hinebe hineluk logolik he, hinendawinggen hundik hilingitik, higithogo nek hilingitik, hilingitu logolik hinendawinggen hambuk haluk hineisena Allah nen hilingisigin iluk nenangotu logoni.


”Samaria re An noba eilnafesik nane sagalogo hilingitu nen he, unggum hela higit obaat helagain o. Afuni holhu mene aren mene andoma re weim elema nen wa'lasugun. Inomalik ketago mene re wulil tagalogo legerinafik, hemi omalik ina'ma mene re inalabut pelangetik, ugun o,” iluk ikhe.


It afuni Israel mene nen inane ikhi logolik, ”Nit hobuk nineisena Tuhan oba ninambotkwe sugulogo louwogen we'ni o. Nit ninoba enggin-fenggin hikhi lago andi re Aren hilingninobagali'lago o, oba nen Arenat nit ninoba fanotninobagagin werego. Nen Aren ninoari'lago, oba nen Arenat nit ninoba ou werek andi fano hilingninobagagin werego.


Hit ap Allah eisewerek logolik mezbah oba omanogo yabu hilingiti lagep mene yi sani, hinasu karung mene sambuneraluk he le yakhikhi logoni o. Hit hineisena Allah obaget fugu mene anggur inom, gandum inom fuluk wogotu mene mondogat lek aga andi nen he, o hup inukhogo andoma le agu mondok logobagaigen he o Tuhan awi wuri'mo andoma kwikhi logoni o.


A'nogo lakfisa waga logolik, ”O Tuhan awiba meisalkhukwa mene andi faget niren tahun hundik-hundik andoma tugi fuap meneba werek kwelek he sumburu ninggi'lek ninambe pok welago aremnogo hakhogo logouwoga? Iluk imam inom, nabi inom inoba heinok woginabi lano,” iluk lakfisa wagaikha.


”Afuni o kweang yiba werek mene inebe mondogat inom, nen it imam lak inoba yi'nogo yagaisano, iren tugi fuap meneba inom sabit meneba inom hinambe pok welagik, le yagaisogo welagik, hilingitu werek kwelek enek tujuh puluh tahun hilingiti lagaikha mene andi re iren An nobaget esinet nobagaikhi logolik hilingiti lagaikha re lego.


Andi nen he, hit ap Allah eisewerek mene yi. Yogondak hit Allah oba yagatunem, Aren endawi hundik hilinghinabuakhogo re walhani o. Hit hinonggwarek weak oba hiren samban At oba yagasugun mene onggo yagaisagain lek a'naga.


Wene andi, attak it afuni Yahudi mene o Damsyik andoma welagaukwa mene yagaisasigi. Hobuk o Yerusalem lambik logolik, it andoma mene yagaisigik, o propinsi Yudea mene mondogat yagaisigik, isigisik, it endakwe mene yagaisilik nikhi lagi. A'nogo yagaisilik nikhi logolik he, weak hilingiti lagep mene herakfisambik hinobabut hebelasimbik hinelokhe Allah wogo'no o. Hinelokhe Allah wogosimbik he, hinobabut afuni inobabut hebela'luk hilingitarek hagat hilingiti logoino o, iluk yagaisikhi lagi.


A'nogo yagaisasikhemo at malaikat Tuhan nen wene andi arat yagaisasikhemo re, it afuni Israel mene inebe mondogat inane hokhorogo le agaukwa.


Andiba re it Israel inap a'nogo nekhengge o Betel lagaukwasik Tuhan oba le asi lagaukwa. Andoma nen he it inebe sumburu ninggi'lek heang werek kwelek enek he o hubagaikhe. Nen, iren wam Tuhan nen fanot ninobagauwageluk warogo nolhu mene inom, wam Tuhan ninom sebesugun iluk warogo wogetu mene inom wogetukwa.


A'nogo yagati lagaukwama, at Samuel en he, mel yagaisasikhe: ”Hit nineisena Tuhan oba hinambotkwe wesimbik, hinendawinggen misik a'luk Arenek fogerati logogun halok he, afuni endakwe mene inandugwi kembu he mene enu Asytoret andi oba fogerati lagep mene andi herakfisaluk, hinebe nineisena Tuhan amuat wogo'no o. At faget enek hilingiti logogun halok, hit hinebe afuni Filistin mene nen fethinarek werek andi Aren telhinabigin o,” iluk yagaisasikhe.


A'nogo yagaisasikhemo, it inebe mondogat o Mizpa andoma andogotukwa. Andogotukwasik, yi mene ti mene nineisena Tuhan wogosu hak, i hinatukwasik he, at eilhanem kweisalogo lakfesukwasik, andi sambul lingge misik inukhogo sumburu ninggi'lek sambanat ugu mondok logolik, mel isukwa: ”Nit nineisena Tuhan ane sagalogo weak hilingito o,” iluk fageti lagaukwa. (O Mizpa andoma nen at Samuel en afuni Israel mene yi wene ti wene minggilik awene inoba welagaikhe mene eroba nen pilingisogo legetfikhi lagaikhe.)


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ