YOEL 2:11 - Allah Wene Fano Wene Hupla Inane

¹¹ Nen at agoromi tentara omanogo inendawi wenggelogo iluk enegengge re Tuhan ane unggunggu ane hangge supuk ikherek. At agoromi ane hologo weim yafarek mene re inomame mondok hokho mene logolik, inebe esare inenggi wenasu mondok elo'lek. O Tuhan onggwarek awi wei igin andi re, mondok elalin wesa polan awi wei igin. Inenggi andi sambul andi re afuni nen inailo lekhogo hambuget haluk logou re elo'lek asigin o,” iluk yagaisasigi.

YOEL 2:11 ပူးပေါင်းရင်းမြစ်များ

MAZMUR 18:14

A'nogo hilingfikheresik he At Tuhan ebe pogoroba po'lima nen, unggunggu aneba sup pololang eterek, At Lego Mondok welagarek mene a'nogo nen ane holherek.

MAZMUR 46:6

At Allah ebe o andoma welagarek andi nen he, o kota andi, leget fisamo re mondok elo'lek. O hil mogolhu kwelek At ebe we'luk leberisugu mondok logogin.

MAZMUR 68:18

At Allah re angge kereta mondok hokho pokhorogo inenggi wenasu elo'lekhogo meneba, o Sinaiba nen At Awi obalik Mondok hore'ma omanogo kwigiluk weinam asi wagarek.

YESAYA 13:4

Tom oba andoma nen afuni andogoti logolik inane sagali'lagwi andoma holini. Ap o kerajaan yikwe tikwe andoma mene mondogat andogoti logolik inane hokhorogo mari'lagwingge andi. Tuhan Omame Mondok Hokho mene a'nogo nen ap weim yabugun mene omanogo eilenggen penhigik andogarinabi'lago.

YESAYA 42:13

At Tuhan he ap weim aninirogo yaferek mene hangge inom, tentara mene nen weim inomamerogo yafarek andi hangge inom, Aren weim a'nogoat yaferek. Aren weim yafi logolik he ami'mit suphogo At omame werek mene a'nogo it aselei mene omanogo inoba inugisikherek.

YESAYA 7:18

A'nogo hilinginabugun sambul andem he Tuhan en tentara Mesir mene inom Asyur mene inom inayonggo fuluk inoba lakfei wesumo re, sobon inom kin inom mondok hokhorogo elang paluk o tonggokwe inom, helep elekwe inom eiseli lagarek andi hak it inebe wesimbik he, alok alogengge wilibikwe inom, somun kwe inom mondogat sebelogo fisa wesugun.

YEREMIA 25:30

Yeremia ahwi, An nen hat hoba nane igi mene andem he haren mondogat yagaisano. It inoba yagaisikhi logolik, ”Tuhan ane re pogoroba nen pararak eri'lago o. At ebe werek oba obalik mondok fano hore'ma omanogo nen he againafuri inom weim yabigiluk hum liabi'logo. Ap anggur enggen perelharek oba nen abologet hugunem hilingiterek hak, Aren abologet hamo re yi afuni ti afuni o kweangma welagaikharek mene mondogaren holugun.

YEREMIA 30:7

Yago, linggene fulu polan mene a'nogo arat asi waga, linggene andi inom ekhe higirabesu elo'lek mene. It An nagainafuri nen he linggene andi re inendawinggen fit lasigin mene, oba nen it inebere An nen inagap telinabigin o,” ikhe.

YEREMIA 50:34

Oba nen An he it inagap telinafu mene mondok nomame mene welagi, nen Nenu re Tuhan, Nomame Mondok Hokho welagirek mene a'nogo aro. An namu nenat it inawene andi faget ero pilingisimbik he, o kweangma andoma inendawinggen serogo logouwageluk hilingfisa wesigin o. Oba nen afuni Babel mene inoba re, yei wene inom inailo mene inom lakfei wesigin,” ikhe.

YEHEZKIEL 22:14

An nen hat unggum mondogat wokhesumo henggi hailo legengge liafik, homamerogo welagik, hilingisu hak anggegen? An Tuhan Lego Mondok welagirek mene a'nogo nen igi hilingi'mo re, Nane igi mene andem higithogoat hilingisigin.

YOEL 1:15

O Tuhan awi mondok inali'liphogo hilingisigin oba a'nogo horogasi waga, At Omame Mondok Hokho mene a'nogo nen legetfisagain oba horogat asi waga.

YOEL 1:6

Nen pulue re, ap tentara esa logalfuluk inoasuogoluk wagaikharek hak, ninaiba weaget fouwogeluk arat logalogo wagaikha andi. It inebe mondok hokhorogo, inenggi wenasu re mondok elo'lek mene, inomame mondok hokhoat mene. It inaik enggat he mene singa he mene aik hakhogo enggat mondok werelek kabuk mene.

YOEL 2:1

”Nineisena Tuhan awi wei igin a'nogo horogat asi wagama arat wei igiluk werek andi nen he, tom Sion fano hore'ma nineisena Allah ebe welagarek oba andoma nen pinggong hokho mene anet feni o. A'nogo anet fugunem, hit afuni o Yehuda welagep mene hinoagelekwe abolok igin.

YOEL 2:2

Linggene andiba re, mondok mum hikhaksek mene wei imbik, mumeak meneba sebelinarek logogin. Tentara pulue esa logalogo re o hena tomkwe sebelik lagarek andi hak sebelinabigin. Wene a'nogo hilinglasigin andi hangge ekhe hilinglagunem hogorek mondok lek mene. Nen, hobuk ekhe hilinglagunem hikhi logogun mondok legat mene hilinglasigin andi.

YOEL 2:25

An nen it pulue esa hokhorogo andi inayonggo figirik lakfisa wagimo re, iren yi tahun ti tahun hinangge yi mene ti mene yago mene enggen weaget faga mene andi, obali'mo wokhisamo fano ninggi logogun o.

YOEL 2:31

O mo mum agik, tugi elokhonggen mep hangge hilinglagik, igin. A'nogo mondogat hilinglasigin andi re, An hineisena nawi esin inailo mene wei igin andi re, oan wei igi'lek werek kwelek attak-attak hilinglasigin.

YOEL 3:14

An Tuhan nawi tegelinabigin oba a'nogo weak-weagat asigiluk werek andi nen he, afuni inebe mondok hokhorogo inenggi wenasu elo'lek mene o wene inoba figik, kotik igin oba werego.

YOEL 3:16

Tuhan ebe andom Sion oba logolik, ane kwe igik, o Yerusalem logolik, ane unggunggu ane hangge pak igik, igin o. At ebe nen hilingitunem pogot kweang abolok igin. A'nogo abolok igin meneat he, nineisena Tuhan ebere At againafuri Israel mene inebikhit agik, awe a'ma fisaluk ferinarek welagik, igin.

AMOS 1:2

A'nogo yagatikhemo, at Amos nen isikhe mene re yi, ”Nineisena Tuhan ebe andom Sion oba logolik, ane kweri'lago. Nen o Yerusalem logolik, ane unggunggu ane hangge pak ili'lago. A'nogo ugunem, o leimo wam fisogo welagaikharek oba engga mondogat puk agik, engga tom Karmel oba welagarek mene mondogat sawet agik, ikhe o,” iluk isikhe.

AMOS 5:18

Nineisena Tuhan awi wei igin andi, hit hinawi wei igin nogo? Linggene andi lia fiarogo wei igin lego, we mondok mum hikhaksek awi wei igin o, meneat he O andi wei inik agwi, iluk hinendawimo hinagaiyegetu welagep andi nenahalok? Eige, nendawilage e, weagethinabigin o.

AMOS 5:20

Nineisena Tuhan awi wei igin andi re, lia fiarogo wei igin he fuk, mum hikhakhogo ohena muli mene sebelogo wei igin o.

OBAJA 1:15

A'nogo isikhesik ekhe inom ikhi logolik he, ”An Tuhan nen afuni inunggulenu lombok inawene pilingisogo ayo wurinabigin sambul a'nogo re, ibi-eberogo nenat horogasi waga o. Nen, at Edom en hilingiti laga mene andoma re aren hilingiti laga onggo at oba ogo a'nogoat hilinglasigin. Aren afuni amu mene inoba hilinginafunem hikhi lagaikha andem hakhogo re arogo a'nogoat hagain aro.

NAHUM 1:6

A'nogo At Tuhan nen anini inoba fugunem andi re ap sa hagen hambuget haluk logou hak nogo? Nen At anini endu amulok hak lagagunem he ap sa hagen omamerogo mendek logou hak nogo? At a'mage het-pethogo lagagu mene a'nogo afuni inoba fugu sambul andi re, helep mene ogore mondok wolelenggenhogo At elokhoma re wul higit hilinglagarek.

MALEAKHI 3:2

Oba nen he ap sa hagen linggene Tuhan weinam asi wesigin oba andi hambuget haluk logou hak nogo? At ebere ap posiemanggen endu oba weragaisogo wurik asuageluk fano pugunhogo obabut palharek andi hakhogo inom, nen it sabun wurikhogo hilingitarek andi hakhogo inom hilingik logogin.

BILANGAN 24:23

At Bileam abikanggoba a'nogo yethikhi logolik, ekhe mel isikheat: ”Allah nen a'nogo hilingite halok, it afuni ekhe sa hak eluk logogin nogo. Lego. Eige, nendawilage.

1 TESALONIKA 4:16

Ninoe Enupogot pogoroba nen pi wagunem he, it malaikat inoe kain mene ane hokhorogo igik, Allah ambinggong ane, futhugunem ane pak igik, ugunem, afuni Kristus inom hundik logolik wa'lari'lagwi mene tak inelugerinabigin.

WAHYU 18:8

A'nogo anggikherek andi nen he, an Allah nomame Hokho welagimo re, misigam fagerat sumburu ouwak inom, ou hokho mene inom wogosimbik, ebe endumo nolfisugunem afuni ekhe endawimo weak a'luk le aga logogun andi,” iluk pogoroba nen ugunem nesanggo holhi.