YOEL 2:10 - Allah Wene Fano Wene Hupla Inane

¹⁰ Nen it inebe kwi lagunem he, kweang abolok igik, pogot abolok igik, ikherek. A'nogo ugunem, mo inom tugwi inom mum agik, hesagal yati'lek kamo igik, ikherek.

YOEL 2:10 ပူးပေါင်းရင်းမြစ်များ

MAZMUR 114:7

Hat kweang yi re, At Tuhan Yakub eisena Allah a'nogo nen, helep uk welagaikheba omanogo agaumhogo re i mogo yenggelfigik, nen helep tom eil silipnorek menere i elesi wulakfei wagik, isikhe mene a'nogo elokhoma andoma nen leik waririm esin o, iluk wuniba fogeratikhe.

MAZMUR 18:7

An nebe mondok nonghonghogo logolik neisena Tuhan oba nane yagati lagi, an lebetnabuageluk neisena Allah ba nane hum etunem he, At ebe awiloba omanogo nen an nane holnobagaluk he fut nobagali'lago.

YESAYA 13:10

Hesagalenggen mondogat he selegerati'lek logogin, mo wulibi wagarek oba aremnogo mondogat mum asigin, tugi yati'lek logogin.

YESAYA 34:4

Mo, tugi, hesagalenggen, mondogat he wolelenggenhogo legasigin. Pogot he suesingga yinggilharek hakhogo yinggil isagain, hesagalenggen he e engga sawet a'luk lolhigik pikherek hak pi wesigin.

YESAYA 5:30

Linggene andi sambul afuni Israel mene werekwe mondogat andoma re weim yabuogeluk hilingitunem iren hilingiri'lagwi mene andi re i laut eindep ane ikherek hak hilingik logogin. Yethani! O kweang andiba selek welaga mene a'nogo o mum en peterogo kuruak teng ikhe andi.

YEREMIA 4:23

Kweangma andoma neilenggen hugunem, yi mene ti mene mondogat le'ma pirimhogo hilingi'mo higi, nen pogoroba neilenggen liakhigi re, egi, selegeratu mene ekhe welaga mondok lek.

YOEL 2:2

Linggene andiba re, mondok mum hikhaksek mene wei imbik, mumeak meneba sebelinarek logogin. Tentara pulue esa logalogo re o hena tomkwe sebelik lagarek andi hak sebelinabigin. Wene a'nogo hilinglasigin andi hangge ekhe hilinglagunem hogorek mondok lek mene. Nen, hobuk ekhe hilinglagunem hikhi logogun mondok legat mene hilinglasigin andi.

YOEL 2:31

O mo mum agik, tugi elokhonggen mep hangge hilinglagik, igin. A'nogo mondogat hilinglasigin andi re, An hineisena nawi esin inailo mene wei igin andi re, oan wei igi'lek werek kwelek attak-attak hilinglasigin.

YOEL 3:4

Hit afuni Tirus mene inom, Sidon mene inom, afuni o Filistin mene ekhema-ekhema welagep mene mondogaren he, An ninggi'nogo hilingnobagauwogeluk hilingiti lagep nogo? An nen weagethinafi lagagi mene andoma eberek logolik wene onggo noba fouwogoluga? Halok he An nen hit hinonggwarek hinobabut oba wene hinoba fembik onggo lagokhogo weak-weagat weagethinabigin werego.

AMOS 5:8

Nineisena Tuhan nenat, hesagalenggen pogoroba elalogo fesikhe, hesagalenggen andi enu Belantik inom, Kartika inom, elalhikhe. Arenat o mum mene lia hilingisogo figik, o linggene mene hubanggo hilingisogo figik, i laut hokho yenggelek mene kweisalogo kweang ambuema hukhigik isikhe andi. Nen andoma mondogat hilingitikhe mene andi ebe re At Nineisena Tuhan amu nenat hilingitikhe.

NAHUM 1:5

Nen at elokhoma nen he tom-tom mondogat leigetik, nen punu-punu louk lagenggetik, ikherek. Nen At Tuhan ebe weinam asi wagunem he, kweang mondogat abolok ikherek, nen a'nogo hilingitunem kweangma werek mene inom, afuni inom ogore mondogat inoak abolok ikherek.

MATIUS 24:29

At Yesus nen a'nogo yagaisasikhesik, hobuk ekhe mel yagaisasikhe: ”Weak hokhorogo a'nogo hambik oba nen inenggi hokhorogo welagi'legat he,” O mo mum agik, tugi yati'lek kamo igik, hesagal pogoroba nen lologo pi wagik, pogoroba inomame hokho mene andi Allah nen inabologet higik igin o.”

MATIUS 27:51

Wa'lagunem, Allah awi wuri'mo su kain mene o senggelek ti'mokwe palek welagaikhe mene a'nogo tulem heirogo pelangerik pi wagik, lugul langethigik, helep heirogo kagalagik, isikhemo re,

KISAH PARA RASUL 2:20

An Tuhan Allah hokhorogo hilingitunem afuni nen foge'nafu kwelek wesigin andi sambul oan wagi'lek werek kwelek he, o mo elokhonggen hunogoat mum agik, tugi elokhonggen mep agik, andi tak hilinglasigin o.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

WAHYU 6:12

A'nogo yerisigiri'mo nen, ombo'ne yethigi hak he, suesingga uan meneba silo fagarek andi hak, amusu te'merogo fesukwa a'nogo mene Domba Eak a'nogo nen enggi fuap oba arat fikhalhesigen, ekhe fikhalhunem he, lugul hokhorogo lang-fanget higik, o mo elokhonggen mum hal-hali warek hangge hilinglagik, tugi elokhonggen afuni inamep hangge agik,

WAHYU 8:12

A'nogo malaikat inebe henagan andem inambinggong anet hagasik oba nen, ekhe ambinggong anet hugunem he, mo inom, tugi inom, hesagal inom, afuni yei inoatunem inomame lek agarek andi hak, inamulit henagan oba hakhogo minggilogo fuluk, pire herakfikhi logolik, ekhe mum a'luk yati'lek kamo ikhi logolik, o lingge misigat mene, hokhokwe mo yati la'lugen, endepkwe yati'lek kamo igik, o hup misik mene minggilogo, hokhokwe selek wela'luk, endepkwe mum mondok agik, ikhi laga higi.

WAHYU 9:2

Pi wagasik, kweang a'ma ma'lima kwe hutunem he, endu so'le lei fatunem hokhorogo lagaikherek andi hak, kwe hurikwe andi nen, so'le lagakhi logolik he, mo inom, pogot inom, mum hilingisogo fugunem yethigi.