YOEL 1:7 - Allah Wene Fano Wene Hupla Inane

⁷ It pulue andi nen he, nit mene anggur ero mondok legetfisigik, e ara ero andimi nek hilingfigik, agasik he, enggisok mondogat agap ibilhigik nenggama re, ebe nek kut weak hilinglaga andi.

YOEL 1:7 ပူးပေါင်းရင်းမြစ်များ

MAZMUR 105:33

A'nogo hilingiti logolik, e anggur inom, e ara inom mondok ero nene sanokhogo figik, nen e it mene o andoma welagaikhe mene mondogat weagerogo figik isikheat.

KELUARAN 10:14

Waluk wagaikhemo, o Mesir yi awi ti awi mondogat labok i wagaikhesik mondok hokhorogo were'ma hasukwa. Attak pulue hokhorogo a'nogo ekhe hilinglaga lagaikhe lek. Nen, hobuk andi higit ekhe hilinglasigin lek mene re, we, andi hilinglagaikhe.

KELUARAN 10:15

A'nogo hilinglagaikhesik, o Mesir yi awi ti awi mondogat he, pulue nen mondok sebelogo hilingfesikhemo re, ineilenggen yethugunem he, mondok muli-mulingge hilinglagaikhe. A'nogo hilingitukwasik, yi engga ti engga inom, e enggen inom, meiso sogenggen es nen weaget figi'lek herakfesikhe mene omanogo mondok felelenghogo nasikhe. A'nogo nasikhemo, o Mesir yi awi ti awi mondogat yi engga ti engga inom, e engga inom, kerengga mene ando ekhe herakfesikhe mondok lek. We, felelenghogo nasikhe.

YESAYA 24:7

Anggur ero sawet asumo re, amusu keralu re elo'lek logogin. Ap attak he inagaiyek welagaikha oba nen he yogondak inendawinggen heiselugun.

YESAYA 32:12

Hineabu yagoma mondok fano heiselekwe omanogo inom, hineabu anggur faget enggen si'nogo kwani iterek mene omanogo inom he kweang an nunggulenu mene inanggweang omanogo mondogat he engga inom alok-alogengge inom wilife andi nen he, le yakhikhi logoni o.

YESAYA 5:6

Arigin foumo re yi engga ti engga weak mene sagarogo wulibigin. nen anggur ebe mene andi ogore enggi tegeti'lek herakfisamo re selegerati logogin lek. Arigin foumo re engga inom alok alogengge inom hokhorogo wilibimbik sebelek logouwageluk herakfisagain, nen ohena nen ogo at oba meiso pelabi wesinogo iluk nane waik paliginat,” iluk ikhe.

YEREMIA 8:13

Aben kweang oba nen enggen palogo kabogetarek higit An nen nagainafuri ogo a'nogo kaboget fisele iluk nendawimo anggikhi lagi. Oba nen he An nagainafuri re e anggur inom ara inom enggen iterek lek mene hak hilingik, engga mene ogo mondogat sawet aga. Andiba re An nen ap pok mene we'luk it inanggweang sebelek logouwageluk yagaisasigi andi o. Iluk An Tuhan nen nane mondogat igi, isikhe.

HOSEA 2:12

At endawimo nen he, e ara ero inom, anggur ero inom, ap An ninom nikhi lago mene nen onggo wo'netarek mene o, iluk anggikherek mene andi re, An nen mondok legetfisagain aro. An nen at eabu anggur yabu inom, e ara yabu inom, andi hunogoat enggama hakhogo hilingisogo foumo, wam maro obabut weak mene nen weaget fisikhi logogin.

YOEL 1:12

Nit mene anggur ero inom, e ara inom, delima inom, kurma inom, apel inom, yabukwe yago mene ero mondok sawet agik, puk agik ikhemo re, afuni mondogat inendawimo inagaiyekhogo welagi'lek, mondok inabit aga andi.

AMOS 4:9

An nen he, sogoi aganhan mene hinoba funhogo lakfei wagik, ou ero weak mene afuni inoba lakfei wesu hak, yabukwe yi mene ti mene yago mene inom, anggur yabumo inom, weaget fouwageluk lakfei wagik, igi aro. Nen, hit hinagayo ara inom, zaitun inom yago mene re, pulue nen felelenghogo ninggeat, meneat he, hit hinebe An noba hinambotkwe wesu hinabirat welageb andi, iluk An hineisena Tuhan nenat igi o.

HABAKUK 3:17

E ara enggen ugu lek kwelek oba nen, e anggur enggen ugu mene lek kwelek oba nen, e zaitun enggen palhu sambul palhu mene lek kwelek oba nen, yabukwe gandum enggen itu le'ma nendawimo weak agu kwelek oba nen, wam domba ogo mondogat wa'lagu kwelek oba nen, wam awi senggelek kwe somong arik lagu kwelek oba nen,

MALEAKHI 3:11

An nen, hit hinangge kweangma nen enggen iti logogin mene re eluk-elugengge nen paluageluk herakfisikhi logogin lego. Hit hinagayo anggur enggen he mondok hokho-pokhorogo ugu logogin.