YOEL 1:11 - Allah Wene Fano Wene Hupla Inane

¹¹ Gandum inom, jelai inom, yabukwe yago mene enggen palu mene mondogat lek aga andi nen he, hit afuni yabu wanhi lagep mene inom, anggur yabukwe helengga wanhi lagep mene inom he le aga logoni o.

YOEL 1:11 ပူးပေါင်းရင်းမြစ်များ

YESAYA 17:11

Oba nen he, awi yago mene andi pikhit fulelogo wilifi logolik henggi yasigin sambul andiat owil isigin oba nen he, enggen fanorogo isigin lek. Logogin mene re we inelagaik logolik anggolo hagarek mene inom nen inendawimo ou enek hugu welagaikharek mene inom andi nek logogin.

YEREMIA 14:2

”Yehuda re awi kota omanogo wa'lasu hak hilingitu nen endawinggen heiselhi logolik werek. Afuni o andi mene re kweangma wengik logolik limamit fali'lagwi, Yerusalem he lebetnabuageluk oak heinet wari'lago.

YEREMIA 50:16

Afuni nen o andoma yabu wanhik, enggen ugu palhik, ikhi logouwageluk herakfisa fuk. Ap pok mene o kweang andiba werek mene mondogat he ap tentara inoba inailo nen it inanggweang lombok inawi eroma logoin o,” ikhe.

YEREMIA 9:12

A'nogo ikhemo, an nen he, ”Neisena, o yoma leimo higit puk halongorogo, amusu mondok le'ma afuni inebe ninggi logou mene ogo mondok lek hilingisogo fegen andi re nenahalok? Wene a'nogo hilinglaga mene andi futfuluk hilingisu mene ap hebelek mene ekhe werega? Wene a'nogo hilinglaga mene andi faget, afuni ekhe yagaisoagaluk Haren ap sa tukhumhogo yangguleten,” iluk heinok wokhigi.

YEHEZKIEL 30:2

”Afuni wa'lagaikharek mene yi re, haren hobuk asigin mene faget oan werek kwelek hobuk a'nogo asigin o iluk it ap inunggulenu Mesir mene inoba An Tuhan Lego Mondok welagi mene a'nogo nen ikhi lagi mene andi yagaisan o. Inane kwi kwerogo le aga logolik yi'nogo ikhi logouwak: Eige! Linggene Tuhan awi a'nogo mondogat horogasi waga o! Aren weak-weak hilingisigiluk werek. Linggene andi re mondok mum kiruang tengsek mene, yi afuni ti afuni inunggulenu lombok omanogo unggum wanugun oba re inenggi andiba asigin.

AMOS 5:16

Tuhan Omame Mondok Hokho mene a'nogo nen mel ikhe: ”Ebekhe o kota lagaikharekwe laga logolik afuni nen inendawi ou en inendawinggen warilik laga logolik le yagaisogo inabel tagalhi logogun. Nen we it ap petani yabu wanharek meneba nen ogore, ap warek faget obaget ninom le asuogen iluk ap le faget onggo palinafu mene omonogo inom le aga logogun.

ROMA 5:5

Fano asigin iluk ninendawimo ninagaiyek hikhi lago andiba, Allah nen Areagun wo'nisasikhemo ninendawimo logolik, i hinatarek hak, Allah nen endawitninaferek mene andi ninendawimo peterogo ninobagaikherek andiba ninailo lekhogo welago.